المافيا العراقية

البارت السادس والاربعون

السلام عليكم

اريد البارت هذا مليان تعليقات بين الفقرات لأنه سبشل😍 ✨️♥️

رواية(المافيا العراقية)
البارت السادس والاربعون
بقلمي انوار الموسوي

البارت ال46

مناهل،،،،،،

فد شي ساعة اجه ساري من المطار جابه سامر دخل علينه وياه طفل بعمر الثمان سنين او تسعة

اول مادخل تفاجئ الكل بالطفل الي وياه ماعداي اني وحسام ومايا لأن نعرف عنه ارتاحيت انو مابي شي

ليو باوع لحسام وركضله بلهفة وصاح:Dad, I missed you so much

(ابي لقد اشتقت اليك كثيراً)

سكت الكل وليو كذلك وتراجع ليورى من قرب من حسام وشافه عدل

ليو:This is not my father
(هذا ليس ابي)

التفتت لساري ويباوعله ينتظره يحجي والكل ساكتين يردون يعرفون منو هذا

طبت بنية اجنبية وره ساري واعتقد هاي سارة مية بالمية طليقة مصطفى

دموعي كامت تصب بغزارة الموقف صعب عليه وراح يصير صعب عالكل من يعرفون هذا الطفل يخص مصطفى والبقه منه

حسام راح وكف يم ابوه ولزم ايده:يابه مصطفى مانطفه ولا مات نسله

عمو علي:شنو يعني منو هالطفل ساري وهالبنية

عمو محمد:ساااري لاتكول مخبص بشي ويخصونك

ساري:لا يابه هالطفل ابن مصطفى وهاي سارة امه

فتوح طاحت بنصنه راحلها حسام يتفقدها..كلها مصدومة..عمو علي ظل يبجي ومامصدك ويحلف بساري مو جذب

اللقاء المنتظر تحول لدموع حتى ليو صار يبجي ويانه ويسأل وين ابويه ومتمسك بساري ويكله عمو وين أبويه

عمو علي:ساري بويه ماتجذبون علينه ترا عمك مايتحمل كلبه

ساري لزمه من كتافاته:عمي والله ماجذب عليك هذا الطفل ابن مصطفى

عمو علي عاف ساري ونزل لمسوى ليو حظنه ويبجي بصوت:آخخخ يابه مصطفى شسويت بينا وشمسوي من ورانه

الكل صاروا يبجون واني ضمنهم كمت ابجي بهستريا ماكدر اتوقف غلبت مشاعري الحزن على حاله وعلى ابنه المريض

شلون ولد يجنن لكن كلبه تعبان واي نشاط زايد عليه ممكن يقتله

أمين زوج رهف ادخل بالموضوع وبعد ما الكل مصدوم بأبن مصطفى اخذوه حسام وساري وامين وياهم عمو علي ومحمد بالاستقبال الرجال مانعرف شنو يحجون

بس اكيد راح يوصلوله ان ابوه خذاه الموت وماعاد موجود

فتوح تلطم وادك ما مصدكه هاي الولد لمصطفى امه كاعدة وساكته وتباوعلنه وردة فعلنه