السلام عليكم
التزام يابه التزاام 😉
عاد دللوني بالتفاعل خوش بس مو ايموجياات فدوة لااا
لا تنسون التصويت والتعليقات بين الفقرات ✨️❤️
رواية(المافيا العراقية)
البارت السابع والعشرون
بقلمي انوار الموسوي
عندج علم انج تشبهين حجر اوبال نادر ينطي لمعة وألوان ويلفت النظر طوووخ كأنه مجرة وكون...
وعندج علم تحركين قلوب من مكانها ويه كل هزة من خلخالج....✨️🔥
مايا،،،،،،،،،،،
اني ام العناد اليوم يمشوني..كتلهم ماريد هاللقطة اريد انزل الدرج بنهايته شفته واكف بكشخته..لابس قاط اسود وقميص بيجي لوني المفضل ربطة وردة الفيونكة حمرة برقبته
بيده باقة ورد تجنن..ليش الكذب الي لازم الباقة همين طالع وسيم واليوم غير شكل عبالك اول مرة يلبس القاط
مايشفعلك ايها المكروه ماراح تحصل شي مني لو تكعد تبجي كبالي..ابقه لحبيباتك ماتحلم اطولني حتى بحلمك
نزلت الدرج بهدوء..ابتسامة خفيفة مرسومة على شفته..عيونه ماشالهن عني..شنو شعوره وهو يشوفني بالفستان الأبيض
لا تستعجلين راح يكلج هذا مايضم مشاعر بكلبه الي بكلبه على لسانه كبل..ولو آخر ايام كلش نرفزني بتجاهله اليه
وصلت اله طلعت اسنانه الناصعات بأبتسامة كبيرة..مد ايده ياخذ ايدي..فاجئني دنك على ايدي باسها بهدوء رفع راسه اليه وبعده لازم ايدي انطاني باقة الورد
رفع ايدي نزعني الحلقة...كلي ايدج الثانية..مديتها اله لبسني اياها..جنت مخطوبة وهسة صرت متزوجة..مدلي ايده نزعته الحلقة حولتها لأيده الثانية
ساري بأبتسامة:خلينه نبدي بسم الله وبكلمة للأبد..تنهد..حبيبتي اوعدج ماتنزل دموعج الا اذا بجيتي من الغيره
كلهم كامو يضحكون..
همست:مكرروه
ساري بهمس:سمعتها
مايا:ومجنوون همين
ساري همس بذاني:اليلة حبيبي اطلع الجنون وياج
همستله:لو تموت ماتلمسني
ساري:مو مهم رصاصتي المهم انتي وياي وتحت سقف غرفتي وكبال عيوني...
سكتت شبك ايده بأيدي خلو برنص عليه رحنه للسيارة ردت اصعد هو شال الفستان وساعدني..شردت بأفكاري بأمي
عزمتها للعرس حتى دزيتلها عنوان البيت وعنوان القاعة..اتمنه تحظر هذاك زواجي ماحظرته..اتمنه لو مرة بحياتي احس امي بجانبي
فززني من تفكيري لزمت ايده لأيدي ابتسم..درت وجهي عنه وسحبت ايدي منه
ساري:شنو الشاغل بالج
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
