السلام عليكم ورحمة الله وبركاته
لا تنسون التصويت وتعليقات بين الفقرات
رواية(المافيا العراقية)
البارت الثلاثون
بقلمي انوار الموسوي
مايا،،،،،،،،،
فتحت عيوني بدون ماتحرك من مكاني مستغربة نومتي..لحظات وتسلل لذاكرتي الصار البارحة ويه المجنون
ماتحركت من مكاني نايمة جفي على بطني..حسيت بحركته بالغرفة وهو يبدل صوت الملابس الي يلبسهن
تظاهرت بالنوم ماتحركت رجلي نصها طالعة من اللحاف..حط ايده على رجلي مسح عليها بهدوء باسها وغطاها
استغربت تصرفه رغم السويته بي البارحة..لهالدرجة ساري يحبني واصل مرحلة بيه وشما اسوي بي يتحمله
حبيت الحركة استعزيت بيها
سمعت صوت الباب ينطبك بهدوء شكله طلع اليوم عطلة وين رايح والبارحة مانايم
ماتحركت بقيت مكاني وليلة البارحة ادور بتفكيري مثل الدوامة او مقطع مسويله اعادة ذاتية
كمت على حيلي رغم مانمت هواي بس حاسة بشبع نوم..او عيني ماتاخذ نوم من كد قهري على غبائي البارحة وسوايتي الجبتها لنفسي
طبيت للحمام اغسل انظاري صارت على شفتي وخراميش شواربه حواليها
خررب حتى شكلها يقزز ويخوف صاير تحسس وزراك قليل بجلدي حوالين شفتي عبالك ماكلة شي ومتلفة
حتى رقبتي صايرة انهار وسهول وبحر يم ذاني..شلبس وشسوي واخفيهن عن انظار اهلي
استغفر الله انعل ابو الزواج لابو سوالفه..تذكرت ماعشت هالحميمية ويه هذاك..ساري بكلشي يختلف عنه
مجنون وحقير ومكروه بس رومنسي ومتحمل مني هواي اشياء..حتى بأشد كرهي اله يكلي احبج واريدج
اجتني نغزة بكلبي وجع مو طبيعي ماعرف شنو..لزمت جانبي الأيسر..كلبي يوجعني ليش
رجعت بذاكرتي لقبل ساعات..الساعة بال2 ونص الفجر..بعد ماركصتله وشالني اغبى شي سويته بحياتي
مايا:ساااري شتسسسوي عوفني وخررر عني...
خنك حلكي ببوسة قوية لزم ايديه انتقام مو حنية لا ابد ماكو حنية ولطافة عنيف كأنه يريد ياكلني أكل
قاومته كدرت افلت ايد من ايديه اضربه حيل بكتفه حتى يبتعد سحبت شعره..كدرت ابعده شوي ويطلع صوتي
::وييييين الوعود مالتك..عوفني
ساري ماكأنه وياي بعالم ثاني:انتي جنيتي على نفسج سطرتيني
أنت تقرأ
المافيا العراقية
Romance(انا لست مثلهم انا الأسوء) يَقتُلني أنَ يداكِ تَلمس الوَسادة والسَرير وَجهكِ شعركِ وَتُقلبُ صَفحات الكُتب وَترفعُ كوبَ القهوة وتَلمس كُل شيء ماعداي أنا.....
