المافيا العراقية

البارت الثامن والعشرون

السلام عليكم

اعتذر تأخرت بسبب دراسة اولادي ❤️ لا تنسون التعليقات بين الفقرات والتصويت

البارت ال28

مايا،،،،،،

تذكرت ايام ماحبسني ببيت المخزن..وشيشة العطر الحلوة..ضحكت لا ارادي من تذكرت من لبست الشورت مالته وخذيته وكل مايشوفني يعايرني الحقير

ومن اجاني للشقة كال سرقتي مني شي..طلع الي سرقته هو كلبه..

مايا همست:اسررق كلبي ساري سرررقه اريد اذوق طعم الحب الحقيقي..نفضت الافكار..هاي شبيه
نزيت وخرت عن طرف السرير بسرعة من شفته تحرك..

شسوي وشكول اني...كلشي تذكرته بهاللحظة البارحة والكلام الجارح منه وتصرفاته وربطه اليه وتجريد ملابسي

يظن كلمة اعتذار لو تبرير يمحي الجرح مايعرف يبقه اثر وماينسي ابداً..منو يكدر يلومني ماحبيته وماتقبلته بسببه وتصرفاته وكلامه وشكه بيه كلهن يسببن عليه

بلعت ريك بلاعيمي طابكه..ويمكن شوي عندي صخونة احس بجسمي مكسر وحيل مابيه..بهالسرعة تبردت ومرضت

كمت للحمام غسلت وجهي توجعني ايديه اباوع لأيدي آثار الحبل ازرك حوالين معصمي..كمت استغفر وافرك بوجهي باوعت لرجلية بيهن نفس آثار الحبل من كد مقاومتي منه ومحاولة فك نفسي سوه اثار

لتكول اسيرة جانت بأسر وسرحوها

اني الك يامكروه..حتى سيارتك الغالية ماتخلص من شري لو عصبت عليك قصرك الحلو وشغلك كله ادمره لو اذيتني

طلعت من الحمام راح ارجع للفراش انام تعبانة كلش..شفته كعد وكام من فراشه

ساري:صباح الخير

هزيت راسي بأيجاب بس ورحت للسرير

::شبيج ليش تهزين راسج ماتحجين

::ياخير هذا افتح الضوا وشوف ايديه ورجليه

شعل الضوا واتجه اليه نايمة عالسرير

::اووووف شصاير بيديج مايروح هاي

::بخشمك يروح ياخذله شي اسبوع بجسمي

::هيج حساس

::كلش

::آسف حبيبتي

راد يجي عليه يبوس خدي وخرت عنه حطيت ايدي اله حتى يبتعد

::مو عبالك نمت شوي بحظنك يعني سامحتك

::آسف على البارحة ماردت اذيج

::وين اصرف اسفك يفيد ويداوي جرح كلبي لو يمحي كلامك القاسي لو يروح آثار همجيتك بيديه ورجليه

::مايا كافي لوم انتي جبتيهن لنفسج يعني شتردين اظن بيج وانتي تنطين لزمات عليج ومرتي واكفة ويه حبيبها السابق بصور جابهن بنفسه شتردين اسوي واكول