الغرام الفاسد🖤مكتملة🖤

🖤الجزء 1🖤

🥂🖤 الــغـرام الـفـاســد 🖤🥂
   فكرة وإشراف : ندى علامي
   بقلم : شيماء عمراوي

    الجزء 1

كانوا عشرة ديال لبنات واقفين مصافين .. جسمهم شبه عاري من غير دوبياس لي ساتر دوك الأجسام .. وقفتهم كتشوف فيها الخوف و التوتر .. حانين راسهم للأرض وهوما كارهين الوضع..
سعيدة : رجعو شعركم اللور خليو الصدر يبان .. وقفو مقادين ويديكم ورا ضهركم … ومانسمعش حسكم
دارو داكشي لي قالت بخوف..
سعيدة فيديها واحد المسوط قربات عند وحدة وميلات راسها : شنو قلت انا ؟؟
شحطاتها بداك المسوط على فخادها العريانين تا شهقات من الوجع : شعرك يرجع اللور
رجعات دغيا شعرها اللور كاتمة شهقاتها وحابسة دموعها ماعندهاش الحق تبكي ولا تغوت من الوجع ..
سعيدة رجعات اللور ملي شافتو داخل : مرحبا بسي عزيز .. هاهوما لبنات واجدين أجمل ماعندنا عزل وتخير كلشي ديالك .. 20عام ونت صابر كاتوكل وتشرب فيهم فهاد الميتم .. لابسين ناعسين مغطين .. جا الوقت فين يردو ليك هاد الخير ويسمعو للكلام
هز راسو بأه وعينيه أتاكلهم كيدوز من حدا كل وحدة ويقلبها بعينيه عاد يدوز للثانية كيشوف فتفاصيلهم ولحمهم ومفاتينهم تا ضار للور ديالهم يشوف مؤخراتهم .. وهوما ربي لي عالم بيهم .. كل وحدة كتقول فاخطرها ياربي ماشي انا..
رجع ضار لعندهم : هزو راسكم
بلعو ريقهم وهزو راسهم ليه .. كيشوف فيهم وفزينهم حتى وقفات عينيه عندها... قرب ليها وهز راسها بأطراف صبعانو كيحقق فملاميحها وزينها ... ميل راسو وتبسم ونزل يديه لخصرها كيتحسس فيه وجرها لعندو تا تضربات فصدرو قريب لوجها بزاف : نتي أزين
قلبها تفزع من بلاصتو فهمات ومافهمات او بلأحرى كتحاول تتغابى وتخلق تبريرات تنفي لي قصد .. رمشات كتستوعب كلامو .. حلقها نشف وعقدة تكونات ليها تما ، سرطات ريقها بزز ونطقات بتلعثم فلحروف لي ماكيخرجو ليها غير بزز :عفاك خ ختار غيري انا..
قاطعها : ششش كلامي مايتعاودش ولا راكي عارفة شغا يوقع فيك (قالها وهو كيشوف ف سعيدة)

سكتات حيت فعلا عارفة شغا يوقع ليها .. شافت بعينيها لبنات لي كيعتارضو ويتمردو شكايديرو فيهم ..
نطق : وقفي اللور
ومشا يكمل الإختيار ماشي بزاف حتى كان ختار ربعة أخرين وقال : البقية لا إلى بقة عندنا خصاص فلبنات انرجع ليهم
حركات سعيدة راسها بمعنى واخا : يلاه نتوما رجعو لبيوتكم
رجعو لبنات لبيوتهم فرحانين بحالا خرجو من الحرب وهوما الرابحين
رجع شاف فسعيدة : هاد خمسة لبنات بغيتهم يوليو كيشعلو قاديهم كيف لعادة غدا نلقاهم عندي..
وشاف فيها وميل راسو : وتهلاي لي بكترة فهادي .. شنو سميتها
سعيدة شافت فيها ورجعت شافت فيه: أميمة
نطق اسمها : أميمة يا أميمة .. نتمى تكوني بعقلك
هزات عينيها وشافت فيه عاضة على سنانها وكاثمة شهقتها مابغاتش تبين ضعفها شيء لي خلاه يتبسم بخبث ويقول : كلشي كيتهرسلو الراس كوني هانية .. المهم هنا مشيت.
ثواني حتى كان خرج من لباب ..
سعيدة : تبعوني للبيت ديالكم الجديد و ياويلكم وديرو هاه ولا هاه اتتلاحو للجحيم ..
#يـتـبـع
تعاليقكم وأرئكم ألبنات