الغرام الفاسد🖤مكتملة🖤

🖤الجزء 45🖤

الغرام الفاسد

45

كانت مبلوكية فاش شافتو جالس معا الحاجة غير جات عينيها فيه عقلاتو كيف غادي تقدر تنساي و هو حتاقرها و نعتها ب الع. اه رة و طيح من قيمتها ... حدرات عينيها بالزربة مقدراش تشوف فييه خصوصا شخصيتو طاغية و كتخيلييك بلا شعرور توقرو و تحتارمو

أما حيدر طول فيها الشوفا كان مصدوم فاش شافها واقفة حداه و رجع شاف فمو و غمزها زعمة شكون هاذي

الحاجة بابتسامة ناضت لعندها و شدات ليها فيديها و شافت فولدها: هاذي هيا عروسك لي قلت لييك

حيدر بقا غير كيشوف فيها كيفاش كانت واقفة حدى مو حانية عينيها فالأرض...حتى بلاصة من جسمها مكتبان لباسها الفضفاض و خمارها لي ديراه مخبي تفاصيل جسمها و ووجها

حيدر وقف و شاف فباه : الواليد بغيت ندوي معاك

الحاج ناض و تم خارج تابع ولدو....

غير تخطاها وخرج عاد قدرات تتنفس شوية الحاجة دوزات يديها على ضهر أميمة و نطقات

الحاجة: هذا لي خرج هو ولدي و هو لي غادي يكون الزوج ديالك
أميمة فحالي صرفقتيها فهاذ اللحضة مكنتش متوقعاها همسات بشوية حتة جلسات كتحس بالخوف من الداخل ديالها ياتوافف تزوج بيه يا عزيز غادي يلقاها....إلى مشات للبوليس عزيز غادي يوصل ليه الخبار و غادي يوصل ليها...أفكار كتديها و كتجيبها حسات براسها مبلوكي معارفة لاماتقدم والا توخر

بقات هاكاك فبلاصتها كثر من ساعة و هيا كتفكر و كتخطط علات عينيها فالحاجة و نطقات أنا موافقة على الزواج(بالنسبة ليها تزوج حسن مترجع لعند عزيز )

الحاجة وسعات ابتسامتها و ناضت كتعنقها :انشاء الله هاذ الزواج غادي يكون فال زوين علينا

أميمة غير ساكتة كتفكر فحريرتها خصوصا عزيز كون شافها حمدات الله حيت صباح عطاتها زوج ديال النقاب واحد ليها و واحد لختها باش حتى إلى دازت من حدى شي حد ميعرفهاش ...