الغرام الفاسد
61
أميمة كانت مزال جالسة حدا ختها حتى قاطعها صوتو
حيدر:زيدي نوصلك مغاديش نبقاو نهار كلو هنا
أميمة مشافتش فيه كتافات تنوض من بلاصتها قربات لعند ختها باستها من راسها ووتبسمات ليها و تمات خارجة تابعاه
ركبو فالكوموبيل و كسيرا الصمت هو لي ديما بيناتهوم معندها متقول ليه و حتى هو نفس الشي كتجمع بينهوم غير ورقة ...
غادي مركز فالطريق
أما أميمة كانت كت موت بالجوع البارح فاش جابت ليها عدوزتها الماكلة مكلاتش بزاف و ليوم الصباح غير فاقت و خرجات كتحس بمصارنها كيغوتو لداخل...
بغات تلف الوقت و بقات كتشوف الطوموبيلات و البنايات كتشوف بعويناتها دوك المحلات الكبار و دوك المونيكات لي لابسين ارقى الملابس.......
عمرها دخلات وسط المدينة حتى فاش كانت فالميتم كانو مانعين عليهوم الخروج أو يتخالطو معا الناس لي برى الميتم......
شوية و هو يتسمع صوت مصارنها كيزغرتو بالجوع أميمة حشمات و دارت يديها على كرشها كتزيرها
حيدر شاف فيها بجنب عينو : مفطرتيش؟؟
أميمة كتافات تحرك راسها بلا
حيدر مبقاش دوا حدو شاف فالمراية ديال الطوموبيل و بدل الوجهة
دقائق كانو واقفين حدى واحد المقهى جنب البحر
حل الباب و نزل و شاف فيها : نزلي
أميمة معطلاتوش نزلات حتى هيا واخا معارفاش فين حلو هيا غير تابعاه ....
تمو داخلين للكافي و الأعين ديال عباد الله عليهوم كلشي كيتسائل شكون هاذيك المن قبة لي معا رجل الأعمال المعروف
كلشي كيعرفو حيت هو ووجه مدينتهوم و بسباب مشاريع عائلتهوم فتحو سوق الشغل فالمدينة للشباب بسبابهوم الناس خدامين و فاتحين بيوت .....
أنت تقرأ
الغرام الفاسد🖤مكتملة🖤
Storie d'amore💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
