الغرام الفاسد
50
طريق كلها و هوما ساكتين هو كيفكر فخوه عارف بلي الأيام لي جايا غادي تكون صعيبة عليه و بلي هاذ الحا دث غادي يأثر عليه بزااف...
و أميمة طريق كلها كتفكر فختها نسات موضوع زواجها ختيفا بزاف على ملاك هيا لي عندها فهاذ الدنيا تمنات كون هيا لي جات فيها ديك الطوموبيل و مجاتش فختها.... شافت جيهت يديها لي كانو مزال فيهوم شوية ديال الد م واخا غسلات ..
طاحت دمعة من عينيها و هيا كتفكر كيف كانت ناعسة على ديك الناموسية مدورة بالسلوكة من كل جيهة قلبها ضرها بزاف على ختها
قاطع تفكيرها صوتو فاش قال ليها تنزل فتحات الباب و حطات رجليها فالأرض وشافت فالبناية لي حداها نباهرات فاش شافت هذاك القصر شحال و دوك الضواو لي مضويين الدروج لي كيطلعو لجيهت الباب
حيدر تم طالع معا الدروج باش يدخل و شاف فيها : زيدي دخلي ماشي غادي نعرض عليك
أميمة بلعات ريقها و تمات غاديا وراه حتى دخلو لداخل كتشوف الخدام بزاف كيتجاراو غاديين جايين مكيشوفوش فاتجاههوم ...
حيدر شاف فواحدة من الخدم و نطق : واش قاديتو البيت لي قلت ليكوم؟؟
الخدامة: كنديرو غير اللمسات الأخيرة اسيدي خمسة ديال الدقايق نكونو سالينا
حيدر شاف جيهت أميمة لي كانت حادرة راسها و رجع شاف فديك الخدامة : طلعيها لبيتها
الخدامة حركات راسها و مشات جيهت أميمة :لالة زيدي لبيتك ترتاحي
أميمة حركات راسها بآه و تمات طالعة وراها......
أنت تقرأ
الغرام الفاسد🖤مكتملة🖤
Lãng mạn💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
