الغرام الفاسد🖤مكتملة🖤

🖤الجزء 110🖤

الغرام الفاسد
110

خرج بيها الجردة و هيا تسلت يدو منها بالزربة و دوات معاه بعصبية

أميمة: شكون نتا باش تشد فيا و تجري حدى الناس بعاذ الطريقة
حيدر كان معصب و عيونو حمرين : فيين كنتي هاذ المدة ؟؟و كيفاش بلان هاذ الزواج؟؟

أميمة : ماشي سوقك مابيني وبينك والو ياك ديك الورقة لي كانت بيناتنا أنا سينتها ليييك

حيدر قرب ليها حتى تخالطو انفاسهووم أميمة قربو ليها خلا قلبها يدق بالزربة بلا هواها بقات كتشووف فيه كتشوف ملاميحو لي كتبدلاتش بزاف من غير ديك اللحية لي كانت كثيفة على قبل شافت فعيونو لي عشقات ديك الحدة ديالهووم بلعات ريقها كتحاول متأثرش بقربو ليها اما هو كان كيتفحصها بعيونو كيف كتشوف فيه حس بيها سهات حط يدو وراها حتى لسقات فيه و زاد قرب وجهو ناحيتها و دوا

حيدر : ديك الورقة سنيتي غير نتي فيها (بعد عليها شوية و نطق ) نتي مزال مرتي و غادي تبقاي ديالي لآخر دقيقة فحياتك

أميمة عاد وعات فاش قال ديك كلمة مرتي و بلي هيا ديالو حطات يديها على صدرو و دفعاتو عليها بالجهد : بعد مني ماتقيصنييش واش نسيتي شنو قلتي ليا ياك أنا غير عا ه رة؟؟ كلامك كلو مزال محفور هنا و اشارات لجيهت قلبها

حيدر : لي عارف هاذ الزواج مغاديش يكون و نتي مرتي و خاصك تقوليها لهاذاك ميخي لي لداخل

هشام وقف حداه كان كيمسح فداك الد م و نطق: صافي اعشيري دغيا بعتيني و وليت ميخي ؟؟

حيدر شاف جيهتو و تم غادي ليه : معا اصلا مزال مساليت
معاك(كان باغي يزيدو كروشية آخرة هشام خاف على راسو بعد بالزربة عليه و نطق)

هشام :و شكون قاليك أميمة هيا لعروسة؟؟؟

حيدر شاف جيهت أميمة لقاها مبقاتش حداهوم دخلات للقاعة و رجع شاف فهشام :كيفاش ؟؟

هشام قرب عندو و حط يدو على كتفو : أنا غادي نتزوج بصباح صحبت أميمة (و تبسم ) أميمة راها ختي الصغيرة بالعكس كنت راد ليها البال بلاصتك(وختمها بابتسامتو )

حيدر غير كيشوف فيه معارف والو( هشام شاف فالساعة ) باقي شوية ديال الوقت عاد توصل صباح مزال كتقاد ليها الكوافورة جلس جلس عارف بلي غادي تكون مفاهم والو

حيدر : مباغيش نجلس دوي و ختاصر

هشام :عقلتي هاذي 6 سنين فاش كنت قلت ليك غادي لأكادير؟؟

حيدر سكت شوية كيتفكر

هشام هذاك النهار وصلت أميمة و ملاك