الغرام الفاسد🖤مكتملة🖤

🖤الجزء 9🖤

🖤🥂 الــغـرام الـفـاســد 🥂🖤
فكرة وإشراف : ندى علامي
بقلم : شيماء عمراوي
الجزء 9

وصل الليل عند لبنات لي بداو كايوجدو راسهم باش ينزلو للتحت ... لبسو عليهم كيف ديما ودارو ميكاب صارخ .. لبسو فرجليهم ونزلو يشوفو مكتوبهم وشكون غايخرج فيهم فأول ليلة ليهم كابنات الليل...

فجهة أخرى..

جالس فوق كرسي ديال الجلد مقابل مع لباب كيتسناها حاط رجل على رجل وكيكمي سيگار، ماقاداه فرحة فهاد الليلة ، لابس كومپلي فلأسود وجوج صدايف من قميجتو البيضاء محلولين مبينين زغيبات مفرقين فصدرو بلأبيض كايبينوو شرفو و السن ديالو لي كان فلخمسينات ولكن مع ذلك مهلي فراسو من كل الجوانب .. تطرق باب السويت كانت أميمة معاها صباح لي كل مرة تحط يديها على كثفها وهي شفقانة على حالتها ... لابسة شوميز دونوي سيكسي فلأبيض مشبكة من جهة الصدر ولفخاض زايدة فوق منها پينوار ديالها لي حتا هو فنفس اللون ودايرة حتى هي كيف لبنات ميكاب مركزين ليها على عينيها وففمها لي كان فللون الأحمر ماط جاها غزال .. حلوو لباب ودخلو وهي عينيها فلأرض وكل ماكتقرب قلبها كيضرب كثر وكثر وتنفسها كيتقال حتى حسات ب صباح وقفات ووقفاتها معاها ...
شافت صباح ف عزيز لقاتو كيشوف فيها فهماتو وطلقات من أميمة وتمات خارجة مع لباب وسداتو موراها .. خلات أميمة تبع ليها العين وهي مضمرة من لداخل..

عزيز : قربي لعندي

ماقداتش تجاوبو بحالا مخيط ليها فمها، تحركات ببطىء كادير خطوة لقدام وجوج اللور ومؤخرتها كاتهز وتحط من وراها .. ماكرهاتش كون طوالت طريق الوصول لعندو .. وقفات حدا رجليه ولغمة شاداها حادرة عينيها ماحاملاش تشوف فكمارتو

أميمة بصوت خافت : هـ هانا

ماحسات حتى جرها من يديها لعندو جات طايحة فوق صدرو مقفزها .. عينيه فيها ويديه بداو كايحلو فلحزام ديال لپينوار لي حاجب عليه الرؤية ... قلب يديه لضهرها من بعد ما حلو خلاه هابط عند رجليها .... بقا هابط جهة مؤخرتها كيطلع فديك شوميز حتى حط يديه مباشرة عليها وبدا كيعجن فيها وهي كتحاول تبعد عليه ولكن بلا نفع كان مزيرها عندو ... بدات كترعد بلا حتى كلمة وشافت فعينيه مباشرة بطريقة بريئة كيبان فيهم الخوف والخلعة كاطلب منو وترجاه بديك النظرة يعفي عليها ويرحمها من هادشي لي باغي يدير فيها ولكن هو ماكاينش فهاد العالم نهائيا كان كيتمعن فجمالها وحروفها المرسومين لي كيسلبو العقل مور مفاتينها وفصالتها المنحوتة بطريقة مثيرة ولبسة لي واتاتها جات كاتفتن, كان بحال شي ملهوف عطشان .. ما حسات حتى غفلها و نقض على شفيفها فقبلة متحكم فيها غير هو ، كيجر و يبوس ويعض بسنانو بوحدو وهي كيف الجثة ماكتجاوبش معاه حتى حسات بمذاق الدم ففمها خلاها تجمع گاع قوتها ودفعو بجهدها كامل فاصلة القبلة وطاحت فلأرض راجعة بللور حتى وقفات على رجليها وقلبها كيضرب ف تسعيييين..

بدات كتمتم : أ أنا .. مم ن قد رش .. خخل ي نني ن مشي انا لا.....
عزيز ببرود : رجعي لفيين كنتي
أميمة : (كتحرك راسها لليمين و الشمال وكتهضر بزربة وبتلعتم فلحروف) م ماننقد ددرش لا لا عفاااااك الله يخ خليييييك ب ب عد عليا ... الله يرحم الواليدين خلي نن نمشي أنا والله ما ديال هادشي خليني وخلي خختي عليك و ن دير أي حاجة خرى أنا انا ..

قاطعها عزيز نايض من كرسيه بلخف لعندها وعطاها بتصرفيقة حتى صور يديه فحنها وكانت غاطيح فلأرض كون ما شدها من شعرها..

عزيز : هههههه ماشي ديال هادشي (جمع ليها حناكها مخرج ليها شفايفها بيد وحدة وليد لاخرى مزال فشعرها) ديلمك وديال أش أمم لاش موكلك أنا 20 عام هاه باش تجي تقولي ليا أنا هاد الهضرة دلخراا ... شتي أنا هو لي غادي نربي ديلمك ألق..حبة ، سمعتيي راكي قح..بة، غانح..@يك حتى نشبع منك وديك الساع غانلوحك لغيري

#يتبع
تفاعلوو ألبنات 🆙🆙🆙