الغرام الفاسد
60
حيدر : كتبان ليا صبحتي بيخير
يوسف : وليت دابا مزيان
حيدر قرب عندو و جلس اونفاص معاه و دوى بجدية
حيدر : آخر مرة دير هاذ الشي ايوسف متخلينيش نندم حيت مخليك دير لي بغيتي
يوسف حدر راسو فالارض :معمرها غادي تعاود
حيدر بأمر : شوف فيا فاش نكون كندوي معاك
يوسف علا عينيه جيهت خوه
حيدر : بسباب الطيش ديالك م ا تت رووح و الثانية فغ يبوبة
يوسف : كنت شارب اخويا عقلي مكنش بلاصتو
حيدر دار صبعو على رأس يوسف :هذا المخ خاصو يرجع بلاصتو و خاصك تخدمو واش فخبارك بسباب الطيش ديالك أنا تزوجت بواحدة معارف اصلها والا ماضيها والا حتى وجهها كيف داير؟؟
يوسف خرج عينو فخووه بصدمة : كييفااش؟؟تزوجتي؟؟ علاش؟؟
حيدر دوز لسانو فوق سنانو كاتم العصبية ديالو و ناض من.داك الكورسي و شاف فجيهت الجردة
حيدر بتحذير: هاذي آخر مرة تغلط فيها(ورجع شاف فيه) المرة الجاية أنا لي غادي نعاقبك ايوسف و العقاب ديالي صعييب بزاااف دير عقلك
يوسف بلع ريقو أول مرة خوه يدوي معاه بهاذ الطريقة وقف حدا خوه و نطق : كون هاني غادي نحاول منديرش المشاكيل
حيدر بجدية :مبغيتكش تحاول بغيتك طبق هاذ المرة مغاديش نتساهل معاك
شاف فساعتو و رجع شاف فيه : وجد راسك الشيفور شوية و يكون هنا باش يوصلك
قبل ميجاوبو كان خرج خلاه واقف كيشوف فيه
غير سد الباب و هو يسمع تيليفونو كيصوني جبدو من جيبو و شاف المتصل دوز الخط و دارو فودنو
حيدر :الواليدة
الحاجة: حيدر ملقيتش أميمة فبيتها
حيدر : شكون أميمة؟؟؟؟ (نسا سميتها)
الحاجة: الله يا ولدي مرتك...كاين شي حد كينسى سميت مرتو؟؟
حيدر عاد تفكرها : الواليدة بلا مطنزي عليا و هاذيك راه كاينة معايا جينا للسبيطار تشوف ختها و أنا نشوف يوسف
الحاجة بابتسامة :واش مشات معاك؟؟
حيدر بدل الموضوع : دابا شنو بغيتي؟؟
الحاجة:آه نسيتيني شوف خاصها تجي دابا فالعشية دايرا حفلة للعائلة بحرى توجد راسها
حيدر عقد حجبانو: حفلة ؟؟ شمن حفلة تاني؟؟
الحاجة: درتها باش العائلة يتعرفو على أميمة
حيدر بعصبية :الواليدة واش باغيين تحمقوني؟؟؟واش هذا وقت الحفلات؟؟
الحاجة:دابا لي وقع وقع الناس معروضين و زيد غادي يعرفو يعرفو من الأحسن يعرفو بطريقتي
حيدر تعصب من الميزان قطع الخط علة مو خاف يخصر الهضرة ويقول شيحاجة مكتقالش
أنت تقرأ
الغرام الفاسد🖤مكتملة🖤
Romansa💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
