الغرام الفاسد
120
عند البنات كانو جالسين كيفطرو و كيتحتتو على داكشي لي وقع
حفصة : يكونو تصالحو؟؟
صباح : على الله باين بلي كيبغيها
رقية : هيا راسها قاصح ولكن كتبغيه و متاكدة غادي يرجعو بزوجهوم متصالحين
ملاك كانت كتسمع ليهوم و قاطعات كلام رقية : متأكدة مغاديش يرجعو بزوج
نعمة : و علاش؟؟واش ماباغاش ختك تكون فرحانة؟؟
ملاك :علاش أنا قلت مبغيتش ختي تكون فرحانة؟؟ قلت مغاديش يرجعو بزوج ولكن غادي يرجعو بثلاثة (وختماتها بضحكة)
بقاو كيشوفو فبعضهوم مدة عاد عرفو شنو بغات تقصد
صباح رمات عليها مخدة :سيري الله يمسخك الممسوخة
ملاك ناضت غاديا جيهت الباب واراه قلت ليكوم غير الحقيقة و دابا تشوفو كلامي هو لي غادي يصدق....
دازت مدة وهيا ناعسة فتحات عينيها كتشوف فيه كيف ناعسة تبسمات و بعدات عليه بشوية خدات قاميجتو لبساتها ديريكت و ناضت كتستكشف فين هوما خرجات من داك.البيت لاحضات بلي الدار لي فيها معندهاش الدروج يعني غير طابق واحد كانو فيها زوج بيوتا هذاك لي فاقت فيه الصباح و البيت لي كانت فيه هيا وحيدر و صالون عصري و كوزينة
كان فيها الجوع مشات للكوزينة و فتحات التلاجة كتقلب شنو تاكل حتى كتحس بيه واقف من وراها محاوطها من كرشها
حيدر : فاش ملقيتكش خفت تكوني هربتي
أميمة تبسمات عيات من المشاكيل باغيا تعيش حتى هيا باغيا تعطي فرصة لراسها وللإنسان لي بغاه قلبها ولي مقدراتش تنساه هاذ المدة لي دازت كلها
ضارت عندو : غادي نعطي فرصة لزواجنا ولكن عندي شرط
حيدر علا ليها يديها و باسهوم : شنو بغيتي؟؟ إلى طلبتي النجوم نجيبهوم ليك
أميمة تبسمات : كبغيتكش تجبد الماضي بصفة نهائية طول ما انا عايشة و بغيت نبقا خدامة فمشروعي حيت ولا هو حياتي
حيدر : كوني أكيدة لي بغيتيها غادي نديرها غير هو المشروع خليه يدار فمدينتتا .... بغيتك تكوني حدايا معمرك تفارقيني
قاطعهوم صوت الباب حيدر غادي يكون ديلفري جا: دخلي لداخل
أميمة مشات دخلات للبيت و هو خرج يشوف شكون.....
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
