الغرام الفاسد
74
لتحت كان جالس فالجردة كيشرب قهوتو و ميقرا واحد الملف فيدو حتى سمعو داوي من البعد
هشام : ولد خالتي نتا هنا؟؟
حيدر شاف جيهتو خلاه حتى وصل : لا أنا لهيه ليك شايفني حداك
هشام جلس و هو كيدور فعينيه :توحشت خالتي
حيدر علا حاجب و نزل الثاني : كنشوفك كثرتي المجيات لعندنا
هشام دار يد جيهت قلبو و غمظ عينيه :الحب...الحب ومادار فيا
حيدر كمش حجبانو : كيفاش ؟؟
هشام : عرفتك نسيتيني ونسيتي متسول ليا خالتي على الشهبة
حيدر غير قال ليه هشام كلمة الشهبة و هيا تجي قبلت عينو أميمة للحضة عاد عرف بلي هشام كان كيدوي عليها
حيدر : فين شفتيها بالضبط؟؟
هشام شاف جيهت البالكون لي كانت واقفة فيه و نعت ليه بيدو جيهتو :شفتها لهيه
حيدر شاف فالبالكون عرفو ديال بيتها بدل نبرة صوتو لجدية و دوا :هاذيك راه مرت الراجل غير خوي راسك منها
هشام بصدمة :كيفاش ؟؟واش مزوجة؟؟
حيدر : سولت الواليدة قالت ليا مبقاتش خدامة هنا و زيد راها مزوجة
هشام بأسى :دوماج اصحبي مسحابليش(سكت شوية و رجع نطق ) سعداتو راجلها)
حيدر معرفش علاش مبغاش هشام يدوي عليها كيفاش عاجباه و هيا مرتو و حرمتو.....
ناض من بلاصتو و شاف فهشام :نتا مخدامش ليوم؟؟
هشام :لا خدام (و ناض من بلاصتو) نخليك غادي نمشي الكلينيك
حيدر حتى انا غادي نمشي للخدمة ....
فواحد الكاراج فمدينة أكادير كانو جالسات كيفطرو
رقية :واش مزال معندك حتى خبر على أميمة؟؟
صباح شدات تيليفونها و بقات كتقلب : والو مزال كنتسنا منها ميساج مصيفطات والو
قبل متهرب أميمة كانت صباح جالسة معاها ...
صباح :شوفي غادي ديري هاذ الإيمايل هذا و هاذ الكوود غادي يتحل ليك و غادي تجي لجيهت الميساجات غادي تلقاي هاذ السمية صباح مشرق غادي تكليكي عليه و تصيفطيلي اخبارك
أميمة : دابا هذا هو الفيسبوك؟؟
صباح :آه هذا هو موهيم ضاروري فاش ديري تيليفون ديري هاذشي لي قلت ليك باش نطمن عليك
أميمة :عزيز مخليه ليك؟؟
صباح :واش نتي هبيلة كون عرفو عندي كون حداه من شحال هذا الموهيم عنداكي تنساي طمنيني عليك .......
الوقت الحاضر
رقية :عرفتو عييت من ريحة هاذ المسمن ولينا من 6 ديال الصباح و حنا نطيبو فيه حتى لنصاص الليل
صباح :شنو بغيتي ترجعي لحياة اللليل و حلان الرجلين؟؟
رقية قربات عينيها:الله يستر أنا بغيت نقول نبدلو الحرفة
صباح :فهاذ الوقت هاذشي لي كنعرفو ليه المسمن و الحرشة و البغرير هاذشي لي معيشنا مخصناش و معندناش قاديين الغراض
حفصة كتشرب كاس ديال اتاي :الحمد لله(تبسمات ) شوية بشوية انشاء الله و نديرو مشروع كبير
نعمة . : انشاء الله نديرو مخبزة
حفصة :لا نديرو تغيتوغ
و هاكا كل واحدة بدات كتحلم شنو غادي يديرو فمستقبلهوم على الاقل ولا واحد الأمل لحياتهوم
أنت تقرأ
الغرام الفاسد🖤مكتملة🖤
Storie d'amore💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
