الغرام الفاسد🖤مكتملة🖤

🖤الجزء 123🖤والأخير🖤

الغرام الفاسد

123

بعد عشرة سنوات

كانو كلهوم مجموعين فدار حيدر و أميمة لي حبهوم كيزيد نعار على خوه و الثقة لي بيناتهوم حتى هيا حياتهوم بسيطة مافيهاش المشاكيل

رقية و حفصة فاطمة الزهراء و نعمة و حتى وليداتهوم و رجالاتهوم...ربي مخيبهومش حتى هوما ربي لاقاهوم برجال ديال بصح لي بغاوهوم رغم الماضي لي مخبواهش عليهوم و حتى صباح و هشام و بنتهوم الصغيرة كانو فرحانين بزاف ليوم ملاك غادي تفتاتح العيادة الخاصة بيها قرات باش تحمر وجه ختها لي ضحات عليها بكلشي مخيبتهاش وداكشي لي تمناتو فيها لقاتو و داكشي لي كانت باغيا تحققو هيا فاش كانت صغيرة عوضاتو ليا ختها
هزات بلاطو فيه الحلوة و خارجة للجردة عند صحاباتها و كريشتها منفوخة و نازلة على ركابيها دليل على ولادتها لي قربات
حتى كتشوفو خدا البلاطو من يديها
أميمة حشمات :عمي غير عطيني
الحاج :يهديك الله يابنتي واش نتي فهاذ الحالة و كتخدميهوم(وشاف فحيدر باش يجي عندو)
فجيهة من الجردة كانو ملاك واقفة هيا و يوسف
ملاك : ايمتا نفرحو بيك حتى نتا؟؟ راه شرفتي
يوسف كيضحك : وشكون قاليك شرفت؟مزال صغير
ملاك : واراه عندك 39 عام قدك راهوم مزوجين و بولادهوم
يوسف شاف فيها بطريقة غريبة و تحدر للأرض على ركبتو و جبد بواطة فاتحها
ملاك و اميمة و لي كانو تماك كلهوم تصدمو منو فاش دار هاذ الحركة عرفوه غادي يتقدم ليها

يوسف : كنت كنتسناك تحققي احلامك ا أحلام مرت خويا باش نقدر نتقدم ليييك

ملاك تبسمات ليه و شافت فختها لي كان واقف حداها حيدر و معنقها من كتفها

أميمة تبسمات ليها و حركات راسها بآه باش توافق.......

الـــــــــــنّــــــهــــــــــــــايــــــــــــــة