الغرام الفاسد
38
دازو 7 ديال الساعات و هيا مزال واقفة فبلاصتها كتسنا غير ايمتا تحل الباب و تسمع شي خبار على ختها
مكانتش بوحدها لي كتسنا حتى الحاج كان واقف على اعصابو كيتسنى معاها و فنفس الوقت كيفكر فالحريرة ديال ولدو
ثواني و الباب تحلات و خرج الطبيب كان وجهو عاطي لخيبة أمل
غير شافتو و هيا تمشي كتجري لعندو كتسول بلهفة :واش هاي بيييخر؟؟ واش هيا مزيانة؟؟ قوول ادكتوور؟؟ ياك هيا موقعات ليها والو ( كانت كتتهضر بسرعة سؤال ورا سؤال خايفا لاتسكت و الطبيب يقوليها شي خبار مبغياش تسمعو )
الطبيب قاطعها :ختك مزال عايشة(جاوبها الجواب لي باغيا تسمعو عاد يقدر يكمل كلامو) ولكن ....
فاش سمعات ختها مزال عايشة تبسمات و فنفس الوقت غوبشات فاش سمعات كلمة (ولكن )كان حالها حتى الحاج فاش عرف البنت باقا عايشة
قاطعات كلامو : ولكن شنو أدكتووور؟؟
الطبيب بأسف :المريضة دخلات غيبوبة....
معرفاتش شنو كيقصد:كيفاش غيبوبة؟؟ ايمتا غادي تفييق؟
الطبيب شاف فيها و شاف فالحاج لي كان واقف جنبها: يمكن تفيق ليوم يمكن غذا يمكن بعد أسبوع يمكن بعد شهورة أو أعوام(سكت شوية و كمل كلامو ) حنى درنا لي علينا وادابا كلشي فيد الله و فتشبث المريضة بالحياة
غير سمعات كلامو و هيا طيح فالأرض كتبكي ممتيقاش شنو كتسمع ممتيقاش شنو واقع لختها كتحس بقلبها غادي يوقف كيضرها بزااف و مبقاتش قادرة تتنفس كتشهق بالجهد علات عينيها كتشوفو واقف كيشوف فيها بأسى ستجمعات كل قوتها و وقفات غاديا اتجاهو حتى بدات تحس بالدووخة و طاحت فالارض
تجمعو عليها الممرضات بالزربة و هزوها مدخلينها لواحد الشومبر....
الحاج غير ساكت كيشوف هاذشي لي واقع بقات فيه هيا وختها بزااف و عارف بلي غادي يجيو البولييس و هنا عاد غادي تبدى المشاكيل ديالهووم ولكن ميمكنش يضمر السمعة لي اعوام و هو بانيها....
طول الوقت و هو كيفكر بعد عليها و خدا تيليفونو دوز نمرة شوية و هو يجاوب
حيدر:الوالييييد ؟؟
الحاج :داكشي لي كنت خايف منو وقع
حيدر مفهمش شنو كيقصد:كيفاش ؟؟
الحاج بأمر :وجد راسك الغلط لي دارو خوك نتا لي غادي تكلف بييه (سكت شوية و دوى ) غذا غادي تزوج .....
ايوا هانتوما كتشوفو الحاج باغي يزوج ولدو ولكن علاش ختار هاذ العقاب؟؟وفاش كيفكر و حيدر شنو غادي يدييير و شكون لي دارت كسيدة واش ملاك ولا اميمة و يوسف شنو غادي يديرو معاه و معا الج..... ثة؟؟كاين بزاف ديال التساؤلات لي جوابهوم فالأجزاء القادمة غير تفاعلو
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
