الغرام الفاسد
69
داز الوقت كانت فبيتها بكامل اناقتها يلاه خرجات من عندها لكوافورة ولات بحال شي اميرة ..
صرعاتها بمكياج مناسب ملامحها لفتانين ماهو خفيف ماهو تقيل بين حروفها وعويناتها لي متميز بيهم كبار وملونين مع مشيطة خفيفة لشعرها الذهبي كي لون الشمس طويل فوسطو تااج مبينها اميرة وعاد تكشيطة لباج كلها مرصعة بلحجر كتبري جات عروسة كاملة مكمولة ..
دخلات عندها عدوزتها غير شافتها و هيا تصلي على النبي و تزغرت مغتانمة الفرصة و فرحانة بهاذ الزواج ...
الحاجة:اللهم بارت تبارك الرحمان أبنتي آية من الجمال
أميمة حشمات من كلام الحاجة اول مرة شيحد يكبر بيها ....
الحاجة: لا تبارك الله خاصني ضاروري نبخرك عاد تنزلي عند العيالات
خرجات مخلياها كتشوف فالمراية كيف جات عمرها توقعات غادي تعيش هاذ اللحضات من نهار تذمرات حياتها عمرها توقعات غادي يجي النهار و تكون عروسة و تفرح كيف البنات جلسات تحقق فملاميحها و بالها مشا لأول نهار شافت فيه حيدر.... آه الدنيا شحال غدارة عاد كان قال ليها بلي هيا ق ح بة و طيح من قيمتها و جرحها فكبريائها و اليووم هاهيا مراتو واخا غير فالوراق ولكن هازة سميتو و ولات شرفو و عرضو تبسمات ابتسامة استهزاء من القدر لي كيلعب بيها شنو لي مزال مخبيه ليها ......
داز الوقت و كل شوية كدخل عندها شي وحدة من العائلة تشوفها وتخرج كتقول ماشاء الله وعدوزتها كتبخر فيها وتقرا عليها خايفة عليها.... وهي جالسة غوق النموسية مغتانمة هاد الحلمة حيت عارفة طال النهار ولا قصار ضاروري غادي يجي النهار و تفيق منها ....
جا وقت هبوطها لعند الناس و طلبو منهوم حتى واحدة ميصور العروسة كان هذا شرط حيدر على مو مباغيهاش تبان فالسوشل ميديا و داكشي لي دارت الحاجة فاش كانو الضياف كيدخلو خداو تيليفوناتهوم و خطاو ليهوم الكاميرات باش حتى شي حد ميصور....
كانو العيالات متشوقيين يشوفو كيف غادي تكون مرت حيدر عارفين عقليتو وماشي أي واحدة غادي تكون عروستو
فحال العائلة غير جاو طلعو يشوفوها مقدروش يتسناو حتى تهبط تبرز اما النسا لي بعاد كانو جالسين على احر من الجمر كيتسناوها ...
جالسة متبتة وسط جلسة خاصة ديال العرسان مزوقا بالورد و مادة يديها للحنة لابسة ديك.التكشيطة فالباج منبتة بالجوهر الحر و مطروز بخيوط الذهب لي زادتها جمال و جات معا لونها و لون شعرها و قبالتها طابلة عليها قوالب السكر و البيض مكتوب فيه سميتها و سميت حيدر و طبسيل ديال الفاكية و دايرين بيها العيالات غير شكون و شكون عالتهوم و معارفهوم كلهوم من نخبة المجتمع كلشي كيشوف فيها .......
كاين لي فرحانة من قلبها و كاين لي حاسداها و مكرهاتش تكون هيا بلاصتها و كاين لي جات غير على ود يوسف
دازت العشية كلها نشاط شطحو و فرحو و كلاو و شربو و باركو لأمييمة لي كانت جالسة بزز عيات بزاف مكرهاتش تنوض تمشي ترتاح جات الحاجة عند أميمة و قالت ليها صاف تنوض تطلع لبيتها و داكشي لي دارت طلعوها بنات العائلة بالصلاة و السلام....
من بعد كل واحد بدا كيمشي فحالو حتى خوات الدار بقاو غير الخدامة كيقادوها قبل ويرجعو الرجال .....
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
