الغرام الفاسد🖤مكتملة🖤

🖤الجزء 67🖤

الغرام الفاسد

67

لداخل كان جالس فطرسيه و كيشوف فبنو و هو عاقد حجبانو كيشوف كيفاش لابس و مقاد حالتو مهاموش شنو دار لون كان ق ت ل مش فالزنقة كان غادي يحزن عليه و هو بسبابو ضيع حيات ربيعة ديال الناس البنت لي ما تت و ملاك و أميمة و حيدر كلشي من تحت راسو كلشي كيعاني إلا هو الأنانية لي فييه معمرو شافها

الحاج بهدوء رغم العصاب لي كيحس بيه لداخل : بغيت غير نسولك واش نتا بنادم ولا حي وان ؟؟واش معندكش ضمير؟؟
يوسف حادر راسو فالأرض كان ممسوق لباه بالو غير معا هاذيك لي بهدلاتو حدى الخدم كيتحلف فيها

الحاج ضرب بعكازو فالأرض حتى قفز يوسف عاد رد البال لباه

الحاج : شفتي نتا عمرك غادي تبدل و هاذ الاستهتار ديالك هو لي غادي يخرج عليييك

ناض من بلاصتو و قرب عندو : واش نتا ولدي؟؟ موحال واش تكون من د مي و د م موك

يوسف بغا يجاوبو و هو يسكتو بأمر

الحاج :قطع الحس مباغيش نسمع صوتك كون ماخوك كون ...... (على يدو عليه بالعصاب كارز على سنانو ) آخر مرة تقرب لمرت خوووك آخر مرة تحاول تدوز من خداها أو تشد فيها(وضرب صبعو على رأس يوسف )واش هذا عندك مخدامش؟؟كيفاش تجرأتي تشد فيها و هيا من قبة و كيفاش قدرتي تدوي معاها بديك الطريقة و هنا هو سبابها و سباب ختها لي بين الحياة و الم وت

يوسف قاطع باه :الواليييد

الحاج:قلت لك مباغيش نسمع صوتك و ها انا كنحذرك دييير عقلك عرف أغلاطك حيت إلى بقيتي هاكا راه نتا لي غادي تخسر و يقدر شي نهار تخسر حيا تك (سكت شوية و كمل كلامو )دابا سير خرج مبغيتش نشوفك كتدور اليوم هنا.....

يوسف سمع كلام باه حاس بالحكرة ديما كيجي ضدو على بالو كيكرهو ولكن هو باغي ليه غير الخير باغيه يكون راجل قد المسؤولية .....