الغرام الفاسد
116
نزلات التحت كتشوف صباح كتلبس الخاتم لهشام و كلشي بدا كيصفق تبسمات و بدات حتى هيا كتسفق على الأقل واحدة فيهوم غادي تعيش مرتاحة معا راجلها
رقية شافت أميمة واقفة بعيد و هيا تمشي عندها
رقية : شنو درتي معاه
أميمة: قلتلو بغيت طلاقي
رقية : ولكن نتي كتبغيه
أميمة شافت فيها : أنا و هو معندناش مستقبل داكشي لي باغيه مغاديش يلقاه فيا
و تفكرات نهار لي قال ليها من ديما كان كيحلم بشي واحدة فحالها طاهرة و شريفة محجبة و هيا عكس داكشي واخا ماشي بخاطرها ولكن فيقينها عارفة راسهة مبقاتش صالحة للزواج
دازو الوقت كانو المعازيم خارجين و أميمة و البنات واقفين فالباب ديال القاعة كيودعوهوم حتى وقفات الحاجة أميمة غير شافتها تبسمات اما الحاجة قربات ليها و عنقاتها
الحاجة: توحشتك ابنتي(وبعدات عليها) واش نتي بيخير؟؟
أميمة : الحمد لله اخالتي ونتي كيفك؟؟
الحاجة: أنا الحمد لله (سكتات شوية و كملات كلامها) أنا غادي نبات الليلة هنا واش ممكن غذا تجي عندي للأوطيل فين كاينة بغيت نهضر معاك
أميمة حدرات راسها كتفكر عاد شافت فيها : والله منقدر اخالتي عندي الخدمة غذا مسارجيا
الحاحة بأسف: كنت باغيا نجلس معاك شوية ولكن على خاطرك
فالباركينغ كان واقف حيدر هو و هشام كيهضرو
هشام : صاف أنا غادي نوصل صباح و البنات
حيدر : أنا غادي نشوفك واش غادي تخدم راجل معايا فهاذي
هشام تم داخل لجيهت القاعة كيشوفها خوات بقاو غير البنات
هشام شاف جيهت صباح :غادي نوصلكوم
صباح :لا غير سير حنا غادي نمشيو معا أميمة
أميمة: لا غير سيرو معاه أنا مزال خاصني نقاد شي حاجات عاد نلحق عليكوم
ملاك : صاف غير سيرو أنا غادي نبقا معاها
أميمة قاطعاتها : نتي اذا خاصك تفيقي بكري عندك الكور ديال اللغة على الصباح
وشافت جيهت هشام سير اخويا وصلهوم غادي دير فيا خير
رقية قربات لأميمة و دوات معاها بشوية : نخاف نمشيو و يجي ليك حيدر
أميمة: لاواه ماشي كاينة السيبة فالبلاد غير سيرو أنا قادة براسي
خرجو البنات بقات غير أميمة لداخل داز الوقت كانت خارجة مبدلة عليها حيدات ديك التكشيطة لبسات سروال تجين و بودي من فوق و دايرا سبرديلة مكتبغيش تسوك بالطالون
مشات جيهت الباركينك لقاتو خاوي كاينة غير طوموبيلتها و واحد الطوموبيل آخرة للحضة جاها الخوف من داك السكات لي كاين مشات بخطوات مسرعة لجيهة اللوطو ديالها بغات دير السوارت تفتح الباب حتى حسات بيد محطوطة على نيفها و شوية بشوية بدات كتفقد الوعي ديالها.....
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
