الغرام الفاسد
59
كانت واقفة كتشوف فختها كيف ناعسة كتأملها أول مرة تشوفها هاكا مولفاها ديما حركية كتلعب و تجري بزز كتبغي تنعس فاش كيوصل الليل
جلسات فالكورسي لي فجنب السرير و دارت يديها فوق يدين ملاك
أميمة و الدموع فعينيها : ملاكي ايمتا غادي تفيقي؟؟ عافاك احبيبتي كوني قوية و رجعي لي
حنات راسها لجيهت يد ختها باستها مبغياش تحرك ليها يديها حيت فيهوم شي سلوكة معرفاتش لاش صالحين ولكن خافت لتحيد شي واحد بالغلط
رجعات كتشوف فيها : فخبارك فاش تفيقي انشاء الله غادي نشري ليك بزاف ديال الشكلاط و بزاف ديال الحوايج فحال ديال الأميرات لي كيعجبوك و غادي نديك لواحد البلاصة زوينة غادي تقراي و تشدي الشهادة ديالك ...نتي غير فيقي أختي و سترجعي صحتك......
حيدر كان واقف على برى سمع كاع كلامها معا ختها بقات فيه ملاك بنت صغيرة مزال مشافت فالدنيا والو و دابا هاهيا طريحة الفراش
رجع بخطوات اللور و مشا لجيهت الشمبر لي كان فيه خووه حل الباب و فلحضة تبدلو ملامحو الجدية لملامح مبتاسمة....
قبل بدقائق
يوسف كان جالس مقابل معا الشرجم و فيديه تيليفونو كيشوف واش كاين شي أخبار على الكسيدة لي وقعات ...عيا ميقلب والو ملقاش تنهد بأريحية و دوز نمرة فالتيليفون
ثواني و هو يتحل الخط
يوسف : صاط فينك؟؟
خالد : فين غادي نكون راه عاد دخلت للدار منا لي فين غابر؟؟
يوسف : شبان ليك نديرو شي قهيوة هاذ العشية ؟؟
خالد : معا 6 نتلاقاو فالبلاصة المعلومة
يوسف: مشات (وقطع عليه )
حط تيليفون و هو يشوف الباب تحل غير شافو و هو يتبسم ليه
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
