الغرام الفاسد🖤مكتملة🖤

🖤الجزء 54🖤

الغرام الفاسد

54

الحاجة هبطات يديها و شدات فيدين أميمة: غذا انشاء الله غادي يجيو العائلة باش يباركو لزواجك نتي و ولدي و غادي نديرو حفلة صغيرة

أميمة شافت فيها و دوات بنبرة فيها شوية ديال العصبية :كيفاش ؟؟ وعلاش؟؟ ميحتاجش اصلا هاذ الزواج ماشي حقيقي و نتي عارفة ضروفي و ضروف ختي بالي كلو معاها أنا واخا تزوجت بولدكوم ولكن على قبل ختي خاصك تعرفي هاذشي كون مشفت مصلحت ختي مكنتش نكون دابا جالسة معاك و نتي كتشوفي هاي بين الحياة و الم..و وت و نتي كتدوي ليا على الحفلات؟؟

الحاجة:ضاروري نديرو حفلة صغيرة حنا عائلة معروفة و خبر زواج حيدر عندو ميتعرف و ختك راها فغيبوبة معندنا منديرو ليها من غير مصاريف علاجها و انا عارفة بلي هاذ الزواج غير على الوراق ولكن الناس معرفينش هاذشي و حنى مباغيينش توسخ السمعة ديالنا خصوصا إلى عرفو ولدي الكبير تزوج و مفرحتش بيه غادي يتحلو الفام علينا ضاروري من هاذ الحفلة نتي غير جلسي حدا الناس متدوي معا حتى شي حد غير تبسمي ليهوم ولي سولك على عائلتك قولي ليهوم مسافرين(حمحمات بصوتها و رجعات دوات) متقوليش ليهوم جيتي من الميتم و متعاوديش على داكشي لي وقع لختك )

أميمة بقات غير ساكتة مبقاتش دوات الحاجة طولات الشوفة فيها و بدلات نبرة صوتها لنبرة حنينة : منكذبش عليك حلم حياتي كان نزوج ولدي ديما كنت كندعي لله يلاقيه معا بنت الناس لي تستاهلو و يستاهلها و نتي دخلتي ليا لخاطري لدرجة وليت كنقول ياريت كون كان هاذ الزواج مبني على الصح

أميمة شافت فالحاجة مستغربة من كلامها و رجعات حنات عينيها
الحاجة بغات تبدل الموضوع :ودابا زيدي خلينا نشركو الطعام
لتحت كانو جالسين ساكتين هذامكيدويمعا هذا حتى كسر داك الصمت بكلامو ....
حيدر : الصفقة تمت مزيانة و الوفد ديال الشركة المساهة غادي يجيو غذا خاصك تمشي تستقبلهوم نتا