الغرام الفاسد🖤مكتملة🖤

🖤الجزء 22🖤

الغرام الفاسد

فكرة وإشراف ندى علامي
بقلمي سكينة البقالي
22

حيد يدو منها و جبد كلينيكس من جيبو كيمسح يديه و كيشوف لجيهت الأرض و كيدوي فنفس الوقت : نتي عارفة نهار الاول قلت ليك من الدار الخدمة و حذرتك إلى لمحتك كتدوي معا شي حد او مجرد تجي عينك فعين شيحد غادي نساليو كلشي بيناتنا

رجع شاف فيها و كرز على سنانو:أنا معندي مندير بق...حبة فداري عطا الله الزنقة عامرة بييهووم(دوز لسانو على شنايفو و رجع كمل كلامو ) من هاذ النهار مبقيتش باغي نشووفك أو نلمحك قدام عيني وداكشي لي كان بيناتنا سالا نتي متصلحيش ليا

زهرة قلبها بدا كيدق بالزربة:حيدر متقولش هاكا كيفاش نساليو و عرسنا مزال ليه 10 ايام و كلشي واجد حتى من العائلة معروضيين شنو غادي نقول ليهووم

حيدر بابتسامة جانبية : هاذاك شغلك ديري لي بغيتي(وشاف الجيهة ديال باب الشركة) شوفيلك داك الحولي لي كان معاك

لاح ليها هاذ زوج كلمات و قلب وجهو غادي لجيهت طوموبيلتو ...مخليها وراه دموعها شلال
حيدر بكترت ما دوز الق..حا..ب ولا خايف يطيح فقحبة عندو وسواس من هاد القضية.حيت داير فبالو داك المتل .القافز فالجماعة داها شيخة ......