الغرام الفاسد
108
بعد ستة سنوات
كانت واقفة قبلت المراية كتقاد حلقاتها حطات من البارفان ديالها و خرجات من بيتها كتلقى رقية و صباح جالسات كيفطرو
أميمة:دعوة الله توما باقين ملبستو؟؟
رقية شافت فالساعة : باقي الوقت أختي العرس مغادي يبدى حتى للثمنية ديال الليلة و هاذي عاد 9 ديال الصباح
أميمة جلسات كبات ليها كأس ديال اتاي : واخا خاصنا نمشيو بكري نشوفو دوك البساطل فين وصلو و زيد خاص نقادو البوفي...
وشافت فصباح: آجي واش درتي الكريم نلي مكغون؟؟
صباح : كوني هانية قاديتو البارح و ستفتو فالبواطات خاص غير ناخدوهوم نقادوهوم فالبوفي ديال الإستقبال
أميمة كتشرب اتاي و كتشوف فساعتها ناضت بالزربة: أنا غادي نسبقكوم غير تساليو لحقو عليا
قبل ميجاوبوها كانت خارجة هابطة فالدروج غاديا لخدمتها
واخيرا حلمها تحقق و ولات أشهر طريطور فالمدينة كيجيو عندها غير الناس الكلاس امورهوم تيسرات الحمد لله من بعد مخداو ديبلوماتهوم أول حاجة دارتها أميمة قلبات على شي كراج للبيع و شراتو و زيد عليها هشام عاونها وسلف ليها الفلوس باش خدات الماطريال لي كيحتاجوه و كتبات ليه شيكات كل شهر ياخد مبلغ واخا هو مبغاش فالأول ولكن هيا و البنات بززو عليه يقبلهوم أو مغاديش ياخدو من عندو الفلووسعندهوم باتيسري كيبيعو فيها الخبز و الحلويات و فنفس الوقت كيشدو العراسات بالماكلة بالحلوى وحتى الديكورات العروسة فاش كتجي كتجيب غير باليزتها ولاو حتى من الجوق و النكافات كيعرفوهوم و كيخدمو معاهوم...
ركبات فطوموبيلتها كتقاد فالسمطة حتى سمعات تيليفونها كيصوني جبداتو من الساك و تبسمات فاش لقات هشام هو لي مصوني جاوباتو داك الساع
أميمة : آش فكراك بيا على النبوري
هشام بضحكة من ديما ضاحك معمرو تبدل : والو بغيت غير نسول الخطبة شنو نجيب
أميمة بقات ساكتة كتفكر : شوف معا خالتي راه هيا كتعرف فالصواب كثر مني (وضحكات)
هشام : عرفتي كنتسنى غير ايمتا يوصل نهار السبت
أميمة بابتسامة : سير تلاح خليني راه عندي خدمة (وقطعات عليه ) كسيرات للباتيسري تقاد داكشي لي باقي
هاذو شنو كيقولو شمن خطبة 🤭🤭🤭🤭🤭
أنت تقرأ
الغرام الفاسد🖤مكتملة🖤
Storie d'amore💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...