الغرام الفاسد فكرة وإشراف ندى علامي بقلمي سكينة البقالي 21
قبل بساعات كان واقف فالباركينك كيتسناها تخرج من خدمتها مرارا كيخلط عليها بلا ميقولها....
شاد تيليفونو كيصوني على يوسف بفكرو بالعشا لي دايرينو فدار واليدييه .... صونا مرة و زوج و ثلاثة والو مكيجاوبووش عرفو غادي يكون معا شي واحدة ولا حافض البلايص فين كيكون تنهد وعلا عينيه حتى كيلمحها خارجة كتضحك معا شيحد و منساجمة معاه .... حس بدمو كيغلي مفطن براسو حتى كان خارج من الطوموبيل غادي فاتجاههوم....
زهرة كتقاد فزيفها و كتضحك معا داك الولد حتى تبلوكات فاش شافتو جاي اتجاهها ولات كتفيبري عارفاه شنو ناوي يدير و عارفة طبعو شافت فداك الولد و دوات معاه بترجي : عافاك سير من هنا دابا الولد :كيفاش؟؟ زهرة كتدوي بالزربة : سير دابا حتى لغذا ونهضرو .... قبل ميجاوبها كانت تخطاتو و مشات فاتجاهو كتصطانع القوة وصلات لعندو و قبل مينطق دوات : هذاك غير خدام معايا كان كيسولني على شيحاجة حيدر كيشوف فيها كيف ولات حمرة و كترعد شاف فهذاك لي كانت معاه لقاه مشا تنهد و فيكسا عينو فيها و دوا من تحت سنانو بعصبية : أنا شنو قلت لييك النهار الول؟؟ياك قلت لييك معنديش المرا لي تدوي معا شي بانو آدم ها؟؟ و حط يدو على دراعها مزير عليها حتى غمضات عينيها من الوجع زهرة : راه غيير خدام معايا حيدر بعصبية : نهار الاول قلت ليك معندك ماديري بشي خدمة ولكن نتي أصريتي و أنا تقت فييك(دار ابتسامة استهزاء و رجع عقد حجبانو ) عاد عرفت علاش بغيتي تخدمي باش تجلسي معا الز....وامل تكحكحي زهرة والدموع فعينيها :لا والله ما.....
قبل متكمل علامها كان شد ليها شنيفاتها بيديه وقارصهووم حتى توعتات : شششششش و الحلووف علاش؟؟علاش كتجبدي الله على فمك؟؟
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
