الغرام الفاسد
99
فحي شعبي من أحياء مدينة أكادير كان الزحام حدى واحد الكاراج هاذي هيا الوقيتة ديال الكوتي و شحال من واحد عاد خرج من خدمتو...
كانو لبنات كل واحدة وشنو كادير رقية كانت مشغولة كطلق فالمسمن و حفصة كتقاد البغرير و نعمة كانت كطيب فالسفنح اما صباح و فاطمة كانو كيشوفو الكليان شنو باغيين
ولاو معروفين فالسيكتور ديالهوم من نهار جاو وسكنو معمر شيحد شاف عليهوم شيحاجة خايبة داخلين سوق راسهوم لباسهوم محتارم خداو جليلبات عراض من البال صبنوهوم و كيلبسوهوم و حتى و هوما فالمحل لابسين مستور
اما حداكتهوم هيا الحاجة الوحيدة لي تعلموها فالميتم ..... كانو مشغولين معا الكليان حتى كتوقف حداهوم واحد البورش بيضة طلع الناس لي كانو واقفين ضارو كيشوفو شكون هاذو لي داخلين لخوتهوم
هشام خدم جيبيس ديال طوموبيل حتى وصلهوم لباب المحل أميمة غير شافت صباح كتقاد للناس المسمن شافت فهشام و نطقات فرحانة
أميمة بفرحة : هاهوما خواتاتي(حلات الباب بالزربة و نزلات كتشوف فصباح و البنات لي كانو حتى هوما متعجبين من هاذ الكوموبيل )
نعمة بدورها غير شافت أميمة نزلات و هيا تغوت بالجهد بسميتها و خرجات من الحانوت كتجري عنقاهها
أميمة حتة هيا عنقاتها راه صحبتها لي معمرها تفارقات عليها خرجو البنات كاملين حتة من صباح لعند أميمة كيتعانقو و دموع ديال الفرحة نازلين من عينيهووم ناسيين الناس لي كيتسناو التقدية ديالهووم
أميمة و هيا كتبكي:توحشتكوم البنات كانت روحي خارجة مني غير شفتكوم وهيا ترجع
رقية بعدات عليها من بعد معنقاتها: واخا معنديش معاك توحشتك وتوحشت النكير معاك
كانو من ديما كيف القط معا الفار رقية و أميمة ديما مخاصمات
أميمة لي بدورها كانت واقفو معاهوم عاد تفكرات المحل شهقات ناري الكليان رقية اويلي المسمن تحرق
دخلاو البنات كيتجاراو يطفيو لداكشي لي تحرق بقات غير صباح معا أميمة
صباح شافت جيهت الطوموبيل كيبان ليها شيحد جالس لداخل
صباح :فيناهيا ملاك؟؟
أميمة ضارت جيهت ختها و علات يديها لعندها باش تجي ...ملاك تبسمات و خرجات من الطوموبيل كتجري ووقفات حدى ختها كتشوف فصباح حيت مكتعرفهاش
صباح شافت جيهت هشام و رجعات شافت فأميمة : شكون هذاك؟؟
أنت تقرأ
الغرام الفاسد🖤مكتملة🖤
Romantik💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
