الغرام الفاسد🖤مكتملة🖤

🖤الجزء 71🖤

الغرام الفاسد

71

وصلات الربعة ديال الصباح و هيا مزال فايقا النعاس طار عليها كانت كتشوف فالحنة كيف جاتها فيديها صطاتها أول مرة دير الحنة كانت من ديما باغيا ديرها كيف البنات ولكن فالميتم كانو حارمينهوم من أبسط حقوقهوم

أميمة شادة فكرشها :اوف جاني الجووع (كتدوي بوحدها كي لهبيلة) عرفتي أ أميمة نوضي سيري كولي شيحاجة إلى بقيتي هاكا راه غادي تسخفي

لبسات بنطوفتها و خرجات من البيت كتسلت بشوية كانت غاديا وسط الضلام بريق عينيها هوما لي كيبانو
نزلات لتحت كتقلب على الكوزينة فين كاينة مدة و هيا كتقلب ملقاتها غير ب ستة وستين كشيفة
مشات جيهت البريز ديال الضو تشعلو لقات بزاف مستفين حدا بعظهوم شعلاهوم كاملين كان كل بليز ديال شي بولة معينة عجباتها واحد البولة جات فوق البوطاجي و عاطيا ضو خفيف خلاتو شاعل و طفات طلع الضواو آخرين

مشات جيهت الثلاجة حلاتها كتشوف شنو كاين تبسمات فاش لقات طاوات محطوطين كانو فيهوم بسيطلات صغار و بريوات و ليسيجار ديال الجبن بقاو من العراضة كانت باغيا تاكلي ولكن حدى الناس حشمات مكلاتش

بدأت كتهز و تستف فوق البوطاجي جبدات كلشي بقات شحال و هيا كتشوف فيهووم ريوكها سالو معمرها طلات هاذشي شافت جيهت الميني البيتزا مولفة تشوفها غير فالتلفازة خدات واحدة و عضات منها سادة عينيها كتبنن

كانت ناسيا الدنيا ومافيها نسات همومها و مشاكيلها مغتانما الللحضة كتاكل بكل شهية لدرجة مرداتش البال لدوك العينين لي كانو حاضيينها مستغربين .....

حيدر من بعد مسالا الدوش خرج لاوي عليه غير فوطة تبسم بالجنب فاش ملقاهاش شاف جيهت الأرض لقا دوك الفلوس مزال مرميين تماك تخطاهوم و مشا جيهت بيت التبدال يلبس عليه

عدوه المرا لي طيح بقيمتها و لي تعطي شرفها بلا زواج ..... و عدوه المرا لي تبع الراجل و لي هيا لي تقوم بالخطوة الأولى و هو لاحض هاذ البنت شحال من مرة كتبعو فين مايمشي لشي قهوة أو ريسطو أو شي با ر كيلقاها تابعاه هيا و واحد الكليكة ديال صحاباتها باينين تابعينها غير علا فلوسها و على كصلحتهوم يضلو نهار و هوما يفرنسو ليها

بقا شحال و هو صابر عليها منخلها ولكن فالأخير بغا يذوقها شوية من عذ ابو باش تحرم مرة آخرة تبع شي حد