الغرام الفاسد🖤مكتملة🖤

🖤الجزء 51🖤

الغرام الفاسد

51

كانت جالسة فوق الناموسية بنيقابها وثيابها الواسعة حانيا راسها فالأرض و داتها كترجف خيفانة بزاف خيفانة يعقل عليها نهار لي شافها فالبار قبيلة فالسبيطار كان كل همها ختها و عزيز ميلقاهاش دابا عاد تحطات أمام أمر الواقع دابا هو ولا راجلها النقاب لي لابساه هو لي نقدها قبيلة كتمنى ميعقلش عليها ....

قاطع تفكيرها فاش سمعات الباب تحل و دخل عرفاتو هو غير من ريحتو لي كانت سابقاه مقدراتش حتى تعلي عينيها فيه ..

حيدر دخل بخطوات ثقال كيشوف فاتجاهها كيفاش جالسة فوق الناموسية لاحض الرجفة ديالها من بعيييد ...هو من ديما كان باغي مرى بموصفاتها متدينة نقية و طاهرة....

جلس فوق الفوتاي كيتأملها كيف كانت حانية راسها فالأرض دليل على الحشمة ديالها تبسم و نطق....

بلا متخافي و و بلا مترجفي أنا عارف هاذ الزواج ماشي فمحلو هاذ الزواج تبزز عليا و عليك(سكت شوية و كمل كلامو)بالنسبة ليا هذا اتفاق نتي غادي تربحي صحة و مستقبل ختك و انا غادي نربح حرية خويا

بالنسبة ليا هاذ الزواج باطل فأنا و نتي مكتجمعنا حتى شيحاجة من غير ديك الورقة .....

رجع ناض من فوق داك الفوتاي خارج من البيت فتح الباب و هو يشوف فيها : كميحتاجش تحيدي نقابك حدايا كيف قلت ليك زواجنا باطل

أميمة كل كلامو سمعاتو كل كلمة نطقها كانت كدير الطمئنينة فقلبها خصوصا فاش قال ليها زواجهوم باطل كانت خايفا يقرب ليها أو يكشف على وجهها بقات هاكاك ساكتة وحادرة عينيها فالأرض حتى سمعات الباب تسدات عاد تنفسات بالجهد
أميمة كتدوي معا راسها :الحمد لله ياربي معرفنيش شكون
ناضت من فوق ديك الناموسية و مشات جيهت الباب و سداتو بالساروت باش ميدخل عليها حتى شيحد حيدات عليها داك النقاب بقات غير السيرفيط لي هربات بيها من عند عزيز

مزال الوقت شوية على الدخلة خخخخخ