الغرام الفاسد🖤مكتملة🖤

🖤الجزء 11🖤

🖤🥂 الــغـرام الـفـاســد 🥂🖤
فكرة وإشراف : ندى علامي
بقلم : شيماء عمراوي
الجزء 11

طلع النهار ولبنات مزال واقفين كيتسناو بفارغ الصبر يتحل لباب ويسمعو شي خبار عليها لي غايطئمن قلبهم ... كانت حالتها حالة باقي كادوز بين عينيهم كيفاش لقاوها مع لفجر مليوحة فداك لاطيراس بحال شي جثة باردة و قلبها دقاتو تقال غادي وكينقض وليزار عامر دمايات .. بسرعة صونات صباح لطبيبة لي كتكلف بأي حاجة كتعوقع لبنات فلملهى .. مفاهمة مع عزيز فهاد الأمور واخا ماشي قانونية .. وصاتها تمسح ليها ذاتها بماء دافئ ودير ليها شي حفاضات بين فخاضها يشدو دم لي كينزف منها وتلبسها شي حاجة دافية بين ما تجي ... دقائق حتى تحل باب الغرفة و خرجات منو .. غير شافوها مشاو كيتسابقو لعندها..

نعمة كتهضر وتنخصص : أمضراا واش أميمة بخير
الطبيبة : الحمد لله دقات قلبها استقرات و قدرت نوقف ليها حتى النزيف ودابا درت ليها مهدىء باش يخليها ترتاح شي سوايع
صباح : علاش سخفات و الدم لي كان نازل من فخاضها شنو سبابو
الطبيبة : جاها نزيف على إثر الممارسة القوية لي سببات ليها ضرر فلوالدة الشيء لي خلاها تسخف ، ولقيت عندها أيضا عدة جروح في المهبل لكن الحمد لله هادشي متسببش ليها فنزيف حاد لي كان غايكون صعيب عليها شوية ... خاصها الراحة التامة وماتمارسش تقريبا 15 ليوم حتى تصح ويتجمع الرحم ديالها (قالت كلامها وهي كتنبه فيهم)
صباح : صافي شكرا بزاف أدكتورة
مدات ورقة لصباح : هادي لاليست ديال دواء لي غايخصها غاتلقاي فيها بعض المهدئات ومسكنات الألم وپومادة على ود الكدمات لي عندها فصحتها.. و الله يشافيها.
هزات راسها بواخا وشكروها بجوج ومشات..

صباح شافت ف فنعمة : دخلي عندها وأنا غانمشي نجيب ليها هادشي من لفرماسيان ونرجع عندكم ..

قالت كلامها ومشات ونعمة دخلات عند أميمة لي كانت ناعسة فوق السرير و مغمضة عينيها وجها خالي من أي تعبير صفر نقطة دم مافيه .. وعلى حاجبها سبارادرا مكان الجرح ... تحركات لعندها وهي كتحسر على حالتها وكيف ولات جرات لكرسي لحداها وجلسات مقابلة معاها ... معنقة يديها لعندها كتبوس فيها وتبكي..
نعمة كتبكي : أميمة لحبيبة .... ماتستاهليش هادشي لي نتي فييه (كتنخصص) ياربي وشنو نقول ل ملاك إلى عرفاتك فهاد الحالة غاتسطى..
بقات كتبكي وحاطة راسها فوق من السرير ويد أميمة كل مرة تديها لفمها تبوسها مدة وهي هكاك حتى داتها عينيها و غفات ...

داز الوقت و جات صباح وفيديها الدوا.. جلسات حتى هي مقابلة معاهم كتشوف فيهم وكتسنى فأميمة تفيق ... مرات ساعة على داك الحال حتى بدات كتحرك صباع يديها لي كانو فيد فرح معلنة الإستيقاظ .. نعمة حسات بيها وفتحات عينيها بلخف هازة راسها كتشوف فوجها لي كايبانو فيه تعابير لألم من داكشي لي كتحس بيه ... حلات عينيها بتتاقل وجاو نيشان فسقف ...

بقات هاكاك ثواني حتى بدات كدور عينيها حول الغرفة وكاتمنى لي وقع ليها يكون غير حلمة ودابا فاقت ... بغات تحرك رجليها حتى شدها لحريق تحتها خلاها تعقد حجبانها وتبدا تسترجع ذاكرتها وشنو وقع ليها معاه لحظة بلحظة وبدون سابق إنذار بدات كتبكي وتهلوس بصوت مسموووع :
- هادشي بصح ماكنحلميش ... (كتحرك راسها بسلب) لا لا بصح أنا ماكنحلمش ... هادشي بصح بصصصصح علاش أرببببي علااااااااااش ...

شدوها لبنات كيحاولو يهدنو فيها وهي ولا بغات تهد غير كتغوت وتبكي بأعلى صوتها ... جاها إنهيار عصبي خلا فعقلها حاجة وحدة و هي الليلة ديال لبارح ... مدة وصباح كتحاول تجرها لعندها وتعنقها وتبوس فراسها باش تهدن ونعمة حداها كتبكي حتى تفكرات الشوكات لي قالت ليها طبيبة غايهدنوها ... مشات جابتهم بلخف وشدوها بجوج متحكمين فحركتها حتى دگاتها ليها فيديها ونعمة رجعات للور هابطة مع الحيط مأثرة بمنظرها لي كان أول مرة تشوفها فديك الحالة ويديها على فمها كتكثم شهقتها

معنقاها صباح بزز ومخلياها تهضر وتخوي قلبها : كنموووت أ صباح أنا أنا ضعت (كاضرب فصدرها ونطقات بصوت عالي تتبكي ودموعها عمروو خدها واحد المنظر يخلي القلب يبكي معاها ) ولييييت بحاااااالهم وليت ولييييت رخيصة على يديه مااااابقى عندي مانخسر فراااسي ( شفايفها كيترعدو وخصلات شعرها لصقو فوجها بسباب دموعها) قلت غايحن فيا و يحس بيا ومايقيصنييش كان (كتشهق) عنددددي أمل أ صباح طلبتوو أه أه طلبتوو ورغبتوووو ولكن ماحسش بيا وسخني (بدات توريها شي طبايع عشوائيا فجسمها) شووووفي توسخت وسخني حرام علييه ... حياتي ضاعت ضااااااعت وضعت معاهااا (حطات يديها على قلبها) ه هنا كيتحرق شاعلة فيه لعافية وعمرها غادي تطفى.. كيضرني أختي .. جرح لي عندي لداخل كثر من ديال برا كنحس بيه كياكل فيا ... بغييييييت نمووت..

صباح كتحاول تحبس دموعهاا : صااافي تهدني أ أميمة نعلي شيطان عفااك قطعتي ليا قلبي باركة علييك...
أميمة بدات كتدوي بصوت تقييل غالب عليه التعب ونعاس بسباب المهدىء : ق قلت ليه ديرني فمقام بنتك (كتحرك راسها بالنفي) قال لي أنا أنا ماكنولدش لقح..اب .. أخخ أربي وشنو درت (غمضات عينيها وهي مستسلمة لنعاس) فح ياتي ...

#يتبع
🆙🆙