الغرام الفاسد
53
كان واقف مبهور بجمالها كيحقق فتفاصيل وجهها و هيا مغمضة عينيها كاع مكاينة فهاذ العالم ... ملاميحها ملامح بنت صغيرة ملامح بريئة مسخاش بالشوفة فيها باين عليها مستمتعا بداك الهوا الخفيف
تبسم ابتسامة جانبية و جبد تيليفونو من جيبو و خدم كاميرا كيزومي على وجهها و خدا تصويرة و زوج و ثلاثة حتى قاطعو التيليفون فاش بدا كيصوني دوز الخط و جاوب
هشام : سي حيدر ها انا وصلت
حيدر : دوز أنا جالس حدى البيسين (وقطع الخط)
هشام رجع شاف فالبالكو ملقاهاش حك شعرو بيديه فحالا كيخربقو وديك الابتسامة مزال على وجعو ... دار تيليفونو فجيبو و دخل
أميمة مدة وهيا سادة عينيها تتستنشق ريحة الورد لي كانت ماليا المكان و كتستمتع بصوت داك الما حتى سمعات باب البيت كيدق دخلات بسرعة من البالكون و قربات لجيهة الباب كتدوي بشوية
أميمة:شكون؟؟
الحاجة: أنا ابنتي حلي الباب
أميمة قادات بيجامتها و رجعات ورا الباب عاد حلات ليها
الحاجة بابتسامة جبت ليك العشا راه من البارح مكليتي(وشافت فالخدامة لي كانت جارة طبيلة صغيرة و عليها طباسل مغطيين باش دخل )
أميمة بحشمة :مقادراش ناكل معندي منين يدوز
الحاجة دخلات كتشوف فيها من رجليها حتى لراسها : لاواه أبنتي خاصك تاكلي باش ملي تفيق ختك تلقاك بيخير
أميمة : انشاء الله
الحاجة تسنات حتى خرجات الخدامة عاد كملات هضرتها : آجي ابنتي جلسي حدايا نشركو الطعام بزوج حتى انا مزال متعشيت
أميمة قربات عند الحاجة و جلسات هاذ الأخيرة لي كانت مبهورة بجمال أميمة
الحاجة بنضرة إعجاب:تبارك الله عليك غزالة(وحطات يديها فوق شعرها كدوز عليه بحنان ) ماشاء الله شعرك غزال
أميمة حشمانة مقدراش تدوي ممولفاش شيحد يشكر فيها بهاذ الطريقة
أنت تقرأ
الغرام الفاسد🖤مكتملة🖤
Romansa💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
