الغرام الفاسد
96
دخلات للبنكة و جبدات الشيك لي عطاها الحاج مشات عند واحد الموضفة
أميمة:السلام عليكم أختي
الموضفة بابتسامة: وعليكوم السلام
أميمة كانت كترعد أول مرة دخل لشي بنك موهيم داكشي لي كانت كتشوفو فالمسلسلات و الافلام غادي ديرو
أميمة :بغيت نخرج هاذ الفلوس(وعطاتها الشيك)
الموضفة شافت فالشيك كان مبلغ كبير ديال 50 مليون
الموضفة :واش تخرجيهوم كلهوم أو نديرو ليك تحويل للحساب ديالك ؟؟
أميمة مفهمات والو : كيفاش؟؟
الموضفة شرحات ليها
أميمة : ولكن أنا معنديش الحساب
الموضفة :عطيني غير لاكارط ديالك نقادو ليك دابا
داز الوقت كانت خارجة من البنكة كتشوف من البعد هشام جالس يلعب معا ملاك
فتحات الباب و دخلات :سمحلي تعطلت عليك
هشام :ماشي مشكيل
ركبات و ديمارا
هشام : نتغداو عاد نشدو الطريق
ملاك :آه آه فيا الجووع
أميمة باغيا غير تخرج من المدينة : ملاك مزال عاد فطرات و خدات الدوا متقدرش تاكل دابا و حتى انا مقدراش دابا
هشام :اوكي إذن حتى نوصلو لشي استراحة و ناكلو
بقاو غاديين أميمة حاكة راسها على الزاج و نعسات و حتى ملاك نعسات هشام شاف فيهوم و تبسم بقا غادي كيدندن بوحدو حتى صونا ليه تيليفونو شاف شكون و جاوب
هشام : سي حيدر وصلتي؟؟
حيدر كان عاد خارج من المطار: عاد وصلنا صونيت ليك بغيت الملفات ديال الصفقة ديال الأجهزة الطبية لي كنا درنا آخر مرة
هشام : حتى لغذا و نجيبهوم ليك
حيدر :بغيتهوم اليووم
هشام :انا مكينش فالمدينة راني شاد الكريق لأكادير
حيدر :أكادير؟؟شنو غادي دير تماك ؟؟
هشام شاف فجيهت أميمة و تبسم عاد جاوب حيدر :رشقات ليا يالله سير راني كنسوك
حيدر غير قطع عليه و شاف فيوسف : زيد نوصلك معايا
يوسف : غير سير راه خليت طوموبيل فالباركين ديال المطار
حيدر حرك راسو بآه و كسيرا للدار
يوسف غادي جيهت الباركين و كيصفر و كيلعب بالسوارت: ليوم بيا ولا بيك ( تبسم ) أميمة ليوم خاص تكوني بين يدي
ركب فطوموبيلتو و كسيرا كان غادي مكسيري بسرعة كبيرة للحضة بغا ينقص والو السرعة مبغاتش تنقص كيتكي على الفران والو الطوموبيل غاديا بسرعة خيالية
يوسف تخلع لدرجة الطوموبيل بقات كتلعب فالطريق وفضرف من الثانية كانت خارحة رمووك كبيرة اونفاص معا يووسف خرج عينو بالخلعة ضربات الطوموبيل فداك الرموك ......
أنت تقرأ
الغرام الفاسد🖤مكتملة🖤
Romance💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
