الغرام الفاسد
58
صبح الصباح معلن على يوم جديد و احداث جداد أميمة غير شرقات الشمس كانت فايقا أول مرة تنعس و ترتاح فالنعسة أول مرة تنعس و هيا سخونة فبلاصتها مخايفاش من مديرة ديال الميتم و مخيفاش من عزيز
ناضت من بلاصتها و دخلات الدوش طرفات حالتها و خرجات لبسات واحد من دوك النق اب لي تماك و شافت من المراية واش يقدر شي حد يعرفها
تبسمات حيت لو كانت ختها متعرفهاش جبدات داك البسطام لي عطاتها صباح دارتو فواحد الساك و فتاحات الباب غاديا خارجة
أما حيدر كان العكس ديال أميمة ليلة و هو فايق مشافش النعاس أول مرة يحس بيديه مربوطين أول مرة شي حد يفرض عليه شيحاجة يديرها و هو مباغيش
ليلة و هو فبيتو كان باغي يمشي للبار ولكن دخل أربعين يوم لي كتسبق رمضان ميقدرش يشرب .... بقا متكي فبلاصتو حتى لا 5 ديال الصباح عاد ناض من بلاصتو بدل عليه حوايج ديال السبور و تم خارج يجري
كثر من زوج ساعات و هو كيجري كان كلو عراقات محسش بالوقت كيف داز و محسش بالعيا
أميمة كانت خارجة حتى وقفها صوتو
حيدر :فين غاديا؟؟
( كان راجع للدار و هو يشوفها خارجة )
أميمة شافت ناحيتو و عينيها فالأرض مكتقدرش تشوف فيه :غاديا عند ختي نشوفها....
حيدر شاف فالساعة و رجع شاف فيها :تسنايني شوية نوصلك
أميمة :بلا متعدب راسك نمشي بوحدي
حيدر قرب عندها و نطق : واخا زواجنا غير فالوراق ولكن أنا معنديش المرا لي تمشي لشي بلاصة بوحدها كيف ماكان راك هازة سميتي دابا
أميمة بلعات ريقها من داك القرب لي كان بيناتهوم مقدراتش تهضر
حيدر بعد عليها و تم طالع لبيتو ياخد دوش و يبدل عليه
نص ساعة وهيا واقفة فداك الشمس كتسناه حتى شافتو خارج مشا جيهت الطوموبيل و ركب بقا ثواني واقف عاد هبط الزاجة ديال الطوموبيل
حيدر:غادي تركبي ولا بدلتي رايك ؟؟
أميمة غير دوا معاها تمات غاديا بالزربة فتحات الباب ركبات حداه و سداتها
حيدر كسيرا و هضر : ديري حزام السلامة
أميمة حركات ليه راسها و تفافات لجيهت السمطة كتقادها.......
أنت تقرأ
الغرام الفاسد🖤مكتملة🖤
Romansa💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
