#الغرام_الفاسد
47
الحاج:غادي تزوجو اليووم
حيدر بصدمة :كيفاش؟؟
الحاج كيف كتسمع مكنتيقش فييك اليوم غادي تزوج بيها
حيدر :الواليد بلاتي ندوي غير معا البنت واش موافقة على الأقل
الحاج:بزز منها غادي تواقف نتا غير سير جلس حيت المحامي و العدول من دابا شوية غادي يكونو جاو
ربط يدين ولدو عارف إلى مزوجوش فهاذ الدقيقة يقدر قبل ميصباح الصباح يكون بدل رأيو و يكون جبر حل للمشكل خاصو يضرب الحديد محدو سخون .....
بعيد عليهوم شوية كان واقف عزيز معا واحد الفيرملي كيسولو:زعما مجاتش حتى شي واحدة ضارباها طوموبيل و معاها شي ختها؟؟
الفيرملي :لا مجات حتى شي حالة (ميقدرش يدوي أو يقول حيت الطبيب موصي حتى حد ميهضر )
عزيز جبد كمسة ديال الفلوس : خود هاذو و إلى كان شي جديد تاصل بيا
الفيرملي خدا الفلوس : كون هاني أي حاجة غادي توصلك....
أميمة كانت واقف هيا و الحاجة كيشوفو فملاك كيف ناعسة و كلها سلوكة فعالم ثاني
أميمية مكرهاتش تمشي تعنق ختها ووتبوسها ولكن الطبيب مانع شيحد يدخل عندها خاصها الراحلة فهاذ 48 ساعة لي ورا العملية
كتشوف فختها ز هيا كتفكر ذكراياتهوم الزوينة اوك يا كانو عايشين فالميتم احلامهوم و طموحاتهوم تبخرو و تضمرو طاحت دمعة من عينيها عارفة بلي لي كديرو ماشي هو هذاك ولكن هذا مصيرها خاصها تواجهو
قاطع تفكيرها الحاجة و هيا كتفيقها من سهوتها
الحاجة: أميمية بنتي العدول راه كيتسنانا
أميمية: بهاذ السرعة؟؟
الحاجة: أنا قلت ليك الفلوس كيديرو المستحييل
كانو جالسين فالبيرو ديال الطبيب العدول كيدوي على الزواج و على الواجبات الزوجية و كيذكرهوم بكلام الله سبحانو أميمة و حيدر كانو فعالم ثاني كل واحد كيفكر فهاذ الحريرة لي هو فيه
حتى قاطعهوم العدول باش يسينيو
أنت تقرأ
الغرام الفاسد🖤مكتملة🖤
Romantik💎مكتملة💎 🖤🥂#الــــغــــــــرام_الـــفـــــــــاســـــد 🥂🖤 ✧ فـــكــرة و إشـــراف : نـــدى عـــلامــي ✧ بـــقــــلــــم : سكينــــة البــقالــي ____________ •̀ نعـتـها بما ليس فـيـها ، ف ردت عليه بابتسامة ماكرة قائلة : أنَا التِي هزّت كِ...
