دفتر مذكرات

دفتر مذكرات..صفحة ١٩و٢٠

الصفحة التاسعة عشر

دفتر مذكرات

بقلم حنان الموسوي *

،،،،،

لم يهدأ قلب بسمة وهي ترى بنات أحمد قد انزوين في غرفتهن

كانت قلقة أن يؤثر ارتباطها بأحمد على علاقته ببناته 

فعادت وكررت السؤال على أحمد وهي تمسك ساعده :

**_ فدوة أحمد.. ما أريد مشاكل.. اني يتيمة وضعيفة ومالي

والي بسّ الله.. أترجاك.. إذا زواجنا يعارض علاقتك ببناتك

وأمهم.. أترجاك بلاه.. 

نظر في وجهها ومسح بيمينه على خدها وقال :

**_ بسمة.. شتتصوريني.. مهزوز.. لو ضعيف شخصية.. لو مو ثقة 

لو مخربط.. لو شنو.. ؟؟!! 

**_ أعوذ بالله.. مو هذا قصدي بعد روحي.. بسّ مثل ما تشوف 

بناتك مطابگات أمهم.. ويريدنها ترجع.. وهذا حقهم... واني إذا 

مهدية ترجع لبيتها.. مستحيل ابقى هنا دقيقة وحدة... 

**_ لا تخافين.. البنات ما زعلانات لأن راح نتزوج.. زعلانات 

لأن شافن امهن نفس طبعها ونفس عصبيتها وحقدها.. الشغلة 

مو يمچ.. بعدين شلون تردينا نلغي المهر واني نطيت خبر لأبو 

أسعد وأبو هاشم حتى يشهدون زواجنه.. 

اطرقت بسمة برأسها ثم قالت بحياء :

**_ أحمد.. أني همّ ما أعرف شلون راح تكون حياتي بدونك.. 

تعودت عليك.. و... 

أبتسم في وجهها ثم سحب رأسها وطبع قبلة على جبينها وقال :

**_ حبيني بسمة.. حبيني.. ولا تخجلين من حبچ لي.. لأن اني 

همّ ما عندي بهاي الدنيا غيرچ... البنات لبيوتهن.. وأمهم 

مستحيل تصفى الأمور بينا... أريدچ تداريني وتخافين عليه.. 

يا احلى وأطيب بسمة.. 

ربتت على كتفه وقالت :

**_ الله يقدرني على حسن طاعتك ومحبتك.. يا احلى شي 

صار بحياتي... يلله روح نام.. وارتاح.. 

**_ ماشي.. تصبحين على خير يا بسمتي الحلوة.. 

**_ تلاگي خير بعد روحي.. 

…..

وفي صباح اليوم التالي، ها هي أم هاشم وابنتها نهال مع بسمة في غرفتها :

**_ بسّ سلمن علينا وطبن لغرفة أمهن.. شنو زعلانات.. ؟!! 

فردت بسمة :