دفتر مذكرات

دفتر مذكرات..صفحة .. ٣٣..

نهضت فيان وملأت قدحا بالماء، مسحت دموعها ثم
عادت وجلست تنظف يمين بحر المجروحة،  وبحر
ينظر لها منتظراً جوابها، ثم قالت ::

**_ بحر.. خليني آخذك للمستشفى..أو مستوصف..

**_ يعني تتهربين وما تردين تجاوبين على سؤالي..

فقالت له وهي تلف يده ، ثم نظرت في وجهه ::

**_ بحر.. انطيني مجال.. لا تلح عليّه .. خلينه للوكت
وهو راح يكشف لنا حقيقة مشاعرنا.. طبعا أخاف
عليك.. وعلى أمك.. وعلى أولادك.. وعلى إخوانك ...وأخاف على نفسي .. وأخاف أحد
يتأذى بسببي او بغير سبب..

**_ دريتي طلگت منال..موو..؟!

نكست رأسها ثم قالت وهي تنظر لموج  ::

**_ للأسف.. ما عُرفت تقدر النعمة إللي وهبها لها رب
العالمين..

**_  موج يشبه نهر من چان صغیر.. تذکرین نهر..؟!

**_ الله یرحمه.. چان ملاک ويمشي بیناتنه.. آخر سنه
بالکلیه وآخر مره شفته... گال راح أروح للسادس
ابتدائی.. تقبلین اجي یمچ تدرسيني انگلیزی... جدا
فرحت وگلت اي أقبل..تعال.. ومن یومها بعد ما شفته..

**_ لأن گطعت الرجا منچ .. وشفت ماکو داعي أذل
نفسي اکثر.. بالگوّه ردت السنه تخلص.. حتی بعد ما
أشوفچ..

**_ اکید کرهتنی وغظت منّی ..؟

**_ الیحب من صدگ ما یعرف یکره.. یزعل.. یضوج
..ینقهر.. بسّ ما یکره.. وحقيقة... حاولت انساچ.. بسّ
ماگدرت.. حتی منال ما عرفت تنسيني ایاچ...

**_ حقیقه مقهوره علیها..

**_  بالعکس افرحي لها.. خلصت منّی .. لأن ما شفنا
انسجام بیناتنه.. دائما نکون علی خلاف.. ودائما
چنت أفرغ ضوجتی بیها.. إذا شفتها مقصره بالبیت
لو ویّه الجهال.. تصوري.. ما فد يوم گعدنه مثل های
الگعدة وسولفنه وحچینه .. واني تواجدي بالبیت
قلیل.. بسّ بعد وفاة نهر .. حسیت بروحي کلش تعبت
عبالك کبرت میة سنه.. وبدیت ألاحظ هواي أخطاء
بالبیت.. أمي وتصرفاتها.. منال وجهلها.. رافد وغیاباته
.. البیت عبالك فندق.. بسّ للأكل والنوم...

بدأ موج یتململ من جلسته،  فقال::

**_ بابا جوآان ..

أبتسمت فيان ومسحت علی رأسه ثم قالت  ::

**_ جوآان موجيي .. عندي بیض مسلوگ.. تاکل..؟!

**_ ای..

فقال بحر وهو ینظر لفيان  وهي تحضر البيض مع
سلطة الطماطم والخیار ، وتضعها علی الطاولة  ::

**_ اكتبي لي شتحتاجین مسواگ.. أو ترحین تجیبین
من ذاک البیت..

**_  القائمة یمک عالمیز.. بسّ بعد محتاجة مواد ..
کومه شغلات ارید..

فقال وهو یتناول شیئا من السلطه  ::

**_ زین لعد أروح أجيب لنا غده.. لا تتعبین نفسچ ..
واتسوگ لچ شتحتاجین..