..دخلت آمال على زوجها مازن وهي تحمل صينية
الفطور، وفيها شاي وبيض وسلطة وجبن ، وضعتها
أرضا في غرفتها وقالت::
**_ مثل ما اتفقنا.. اليوم توديني لأمي.. صار لي شهر
ما شايفتها.. أبويه انطانی فلوس اویدهن لها ولمحاسن
... قبل کم یوم عهد و وعد رایحات لها.. وتگول عهد أحوالها هي ومحاسن ما تسرّ .. متعارکات ویّه خالي طالب ومرته وبناته ..!
**_ إن شاءالله وره الظهر.. انتِ رتبي أمورچ ویّه
حمودي ومیناء .. حتی من أرجع بسلامة مباشرة
اخذکم..
**_ لا.. أحمد ومیناء ما أخذهم.. یبقون يم خاله فرح
**_ لیش..؟!!
**_ یمعود ذیچ المرّه مرمرونی.. وما خلوني أفهم
شي من أمي ومحاسن.. بعدین میناء رهمت علی
بیبیتها.. وآني ما اتأخر.. حسبة ساعه ساعتين وأرجع..
**_ لعد أبقي يمهم للعشا وآني أمر عليچ ۔۔
**_ إن شاء الله..
أتم مازن وآمال فطورهما مع ولديهما،
خرج مازن الی عمله ، بعدما ودع أمه وآمال .
غسلت آمال الأطباق، وبدأت تحضر للغداء ، وفرحة
تداعب میناء ذات العامین، فأخبرت آمال خالتها
عن ذهابها لبيت جدها، فقالت فرحة::
**_ أي روحي.. چان بدّي أروح وياچ .. بسّ شو
ظهري وجعني.. وهذا خالچ ما ناوي يطلع من البيت..
گبل فتره طالبناه أني وسعفان ومحمد وامچ بالبیت..
شو نطانه إذن الطرشه.. عبالك هو صاحب الملك..؟!!
**_ خاله.. أنتو قصرتوا من عفتو له البیت.. يعني
خوالي لو باقین وما طالعین من بیت جدي من صار
عدهم عوائل چان هسه البیت لهم..!!
**_ غير جدچ.. الله يرحمك یا بویه.. هو چان واگف
بعیننا .. اخوکم الچبیر واخوکم الچبیر.. ؟!!
**_ بسّ خالي طالب ما قصّر ویّه جدی روضان..
يعني واحد يحچي مالة الله.. يعني داراه اکثر من
ولده.. لحد ما توفی وهو قایم بواجبه عبالك أبوه من
صدگ .. حتی ماچان يخلي ميعاد وبناتها یداروه..
هو اکثر واحد مهتم بجدي وتعبان علیه..!!
**_ احنه ما ناکرین هذا الشي.. وخلف الله علیه..
ثم لازم یهتم بأبونه ویداریه.. لأن لوما أبوي چان الله
العالم شنو مصیره .. أمنه أجت من غیر ولایه بطرگ
طالب.. چان عمره سنتین.. وأبوي أخذها لأمي بشور
بیبیتی لأنها بنت أختها.. ویتیمه ومالها أحد ..
**_ زین خاله.. اگوم أسبّح الجهال.. وأشوف شعندي
گبل لا يجي مازن.. أني کملت البانیه والتمن..
**_ اي خاله .. ومرة حازم ما گعدت.. دنیا ضحی ..؟!
**_ خاله لا تتعبین نفسچ ویاها.. هي وحازم متفقین
علی هذا الشي ومرتاحين..
**_ و البیت منو ینظفه.. همّ الله ما یرضاها الشغل
کله علیچ.. ثم هي لاولد ولا تلد .. هاي صار تلاث
سنین وهي علی هالمنوال .. ونحچی وما یفید ..؟!!
