عودة_للأنتقام

1

#عودة_للأنتقام 1
الكاتبـه:(غسـق)
Misho mohammed
•
•
•
•
•
•
•
•
•
•
♡
المجروح من عائلته عمره مايشفى. 💔
كل شخص زرع تمره ف صغاره
كاحب او الكره
كاجبر او كسر
كادعم او تحطيم... الخ
وجي الوقت كل شخص يحصد لزرعه ف صغاره
كل عيلة كانت سبب ف تحطيم تقت حد من افرادها
كل عيلة كانت سبب ف تحطم حلم لـ فرد منهم
كل عيلة كانت بسبب ف مشيت اولادهم لطريق الغلط
مونبيش نحكي ع العائلات لتميز بين الولد والبنت 💔
جي الوقت للحصد 🍂
صلو ع النبي 🍃
•
طول ال8سنين لـ مرت عليها بدون اي سند لا جد لا اب لا خوال لا عمام
اليوم لـ طلع منها صوت بحرقه 💔
لـ اول مره تنفجر سهى
سهى بعياط قدام امها وجداها: ولو نعرف انك درتي محامي عشان اطالبي بحقك صدقيني لو تمر الف سنه مستحيل نسامحك
اسماء بصدمه من كلام بنتها لـ كانت بنت صامته 🔇
اسماء: متعصبه وتعيطي عليا لاني بندير محامي عشان ناخد حقي من بوك
سهى خدت نفس بغصه: انا قريت قانون عشان حقك عشان نوقف قدام بوي ونوريه ان انا بنت وجبت حق امي واختي نوريه ان البنت لـ هازي عليها حاتدمر حياته
ماما انا سيبت التخصص لفي خاطري عشان بوي تجي انتي وتقوليلي انك بتشري محامي عشان يوقف ويدافع علينا
اسماء كانت حاتتكلم
سهى عيطت: نشتغل عشان مانحتاجوله ونقرا عشان هو يحتاجلي
تجي انتي بعد 8سنين.. قاطعتها
اسماء: تقري قانون عشان تبهدلي بوك؟
عشان يقولو البنت دارت العار ف بوها
سهى فوسط عصبيتها ضحكت بهزوه: بوي؟
بوي لـ لم شافني متردغه ف التراب قالي لو حد سألك انوي بنت مني قوليله بنت عامل نظافه لانه شافني ملابسي خامره دارني بنت عامل نظافه
الناس علاش ماقلوش كيف حسام يلوح بناته ومرته ف حوش وف منطقة غريبين فيها
الناس مشافتش لـ انا شفته 💔
اسماء بتتكلم
سهى قاطعتها وقامت صبعها بتهديد: انا مقريتش وتعبت عشان حد ياخد حقي سامعه حاتسكتي ز ماسكتي قبل
.
.
.

قال الشيخ محمد الأمين الشنقيطي: "قوله -تعالى-: (إن كيدكن عظيم) هذه الآية الكريمة إذا ضُمَّت لها آية أخرى حصل بذلك بيان أن كيد النساء أعظم من كيد الشيطان، والآية المذكورة هي قوله: (إن كيد الشيطـان كان ضعيفا) لأن قوله في النساء: (إن كيدكن عظيم) وقوله في الشيطان: (إن كيد الشيطـان كان ضعيفا) يدل على أن كيدهن أعظم من كيده) .
•
عمره ماحد يستهين بـ مراة
وهدا لصار لـ سُهى لـ بوها استهان فيها لم قال عمره البنت ماتكون سندك وقدام بنته قالها

#قبل_قصتنا
عيلة مكونه من تلاثه اولاد وبنت
حسن وحسام و سليمان وايناس وكلهم متزوجين ماعاد سليمان الصغير
حسين الكبير لـ متزوج من خمسه سنين عنده زوز ولاد وبنت
حسام قرر يتزوج من اسماء البنت لـ بوها متوفي وحبها من عفافتها وخطبها بدون حب لا شي مجرد اعجاب بـ جمالها فقطط
وتزوجو وقعدو اربعه سنين
وفي الاربعه سنين هادم قاعدين ف حوش العيلة واسماء بما انها بنت اصل وخدماته بـ اصلها باعت ذهبها وكملو حوشهم بفلوس اسماء من الورت بوها وربي مكتبلهاش تجيب صغار
بدون لا يجرب يعالج ولا شي قرر بدون مقدمات وبـ اصرار من امه انه يتزوج المره التانيه
واسماء نقهرتت ع سندها ليه 💔
وكان هو ولد امه لتقوله امه تم مافكروش ف خاطر مكسور بسببهم 💔
واجر حسام شقة صغيرة ف عمارة وتزوج ومقدرش يطلع اسماء من الحوش لانه دافعه معاه وتزوج ناديه الزوجه التانيه شهور معدوده وحسام معاش قبل جهة اسماء وبعد الشهور زواج حملت نادية مع انها كانت اكبر من اسماء بـ 7 سنين وجابت ولد وسموه امير
المختصر ان بعد الامير هدا بدت المشاكل والصرف وفلوس وحسام متعود ع اسماء تصرف اكثر منه بصفتها معلمه لغة عربية
مرت اربعه سنين من العراك والصراعات بين حسام وناديه
وحرجت نادية ورجع حسام لحوشه مع اسماء
اسماء لانه معندهاش غيرها دفنت قلبها ز اي وحده ضعيفه وتقبلت وسكتت
بعد عام تعالجة اسماء بعلاج عرب وحملت وجابت بنوته وسمتها سُهى ومن فرحتها مجرد ماكبرت سُهى شهور حملت تاني وجابت دنيا وبعد مكانو راضيين وعايشين رجعت نادية بعد ماكانت حرجانه 3سنين بدون طلاق خافت تجيبله الولد ورجعت
حسام فهمها ان معاش يقدر ع الايجار والصرف لـ هي متوعوده عليه قرر يسكنهم ف نفس الحوش
وقتها عمر امير كان عمره 7سنين
وسُهى عام
ودنيا شهور بس
اسماء مرضتش وتشجعت وقالت ان الحوش حكم كل شي بفلوس ورتتها من بوها بناتها اولى يعيشو فيه من مرت الاب
وجت ام حسام الصرامه لـ كانت مليهاش علاقة بـ الامومه
ساميه بعصبيه: شن تحسابي بوك معقبهولك الحوش
الحوش بـ اسم حسام
اسماء بقهر: انا لكملته بفلوسي وذهبي وورتي انا حطيت فيه اكثر من حسام
ساميه بعصبيه: بـ اسم حسام الحوش وبتسكن معاك ناديه ولو مش عاجبك امك حيا بريلها
ولا اسكتي وخودي بناتك وعيشو ف دار سادتكم
اسماء سكتت بقهرر تخيلو ارواحكم مكانها 💔
ساميه: امير هدا ولد وكبير ياخد دار بروحه عيب يعيش مع امه وبوه ف دار
ونادية تاخد دار
اسماء دمعتها ف عيونها: وانا لم يكبرو بناتي وين نحطهم؟
ساميه: لاوقتها فرج ورحمه
ورضت اسماء وسكتت
ومن ساعتها وكل يوم عراك
•
#بعد_مرور_10سنوات
سهى عمرها 11 سنه
امير 17
دنيا 10سنين
سند ولد نادية اتاني 9سنين
من بعد ولادة دنيا اسماء تعبت من رحمها واطرت تستأصل الرحم بسبب كيس عفانا الله
ونادية استغلت ان اسماء معاش تقدر تجيب صغار بدت تحمل ومايصيرش وحملت وجابت ولد تاني ولـ هو سند وعمرها 9 سنين
•
عاشت اسماء مع بناتها ف نفس الدار وحسام عايش ف دار نادية وامير وسند عايشين ف راحه ف دار بروحهم
لعند ماجي اليوم لـ قعد محبوس بتفاصيله ف قلب بنت عمرها 11 سنة بسس
ف اليل
يتعشو كلهم ع الارض
حسام: انا قداش مني نرفع ونسوق ونجيب وكل فرخ ف مدرسة
امير كان يعاود مع ان عمره17سنه بس امه مش مهتمه بيه من صغره بدراسته رسب مرتين وقاعد ف اولى معهد صناعي
سُهى كان مستواها جيد فقط وكانت صف سادس
ودنيا كانت صف خامس وممتازه بس مش من الاوائل
وسند صف رابع وبرضو امه مش مهتمتله تقري بـ العصا والعصا عمرها مكانت لـ تربية هدا اسمه عنف
حسام: نديرو لـ سند والبنات باص وخلاص ونرتاح انا
اسماء: البنات مزال صغار ع انهم يركبو مع حد غريب
حسام تعصب: معاهم سند
نادية: انا ملياش علاقة بـ مصاريف الباص هدا حقك انت بوه ترفعه لو ماتبيش انت ادفع
حسام تنهد: انا ندفع ع سند والبنات تدفع عليهم امهم اقل شي نتعاونو ف المصاريف
اسماء سكتت
شفتو العنصريه؟
وبدو بـ باص وحسام ف ليل من اليلات نفجر بسبب الفلوس لـ ماشيه ع العملي لـ امير وباص لـ سند كل شهر وصرفه ع الحوش نفجرر هديكا الليله
امير وسند ودنيا راقدين سهى كانت راقده فاقت ع بكي امها ف الدار
اسماء خشت بهدؤ وصكرت الباب مع انه حسام يعيط ع نادية قعمزت ع الارض ونسندت ع الحيط ولمت بعضها وتبكي وايدها ع وجها
سُهى بعدت غطاها وناضت بخوف حضنت امها
وهني الباب نفتح بضربه
حسام خش منفجر: الفلوس لـ يمشو ع قص شعر بناتك ولبس وباص وابصر شنو
من بكرى معاشك ينحط ف ايدي
اسماء حاضنه سهى: انا لنصرف ع بناتي بفلوسي سامع وعمرك ف حياتك تجي تقول انك معرق عليهم بـ ربع دينار
حسام متعصب: تو ينفعوك البنوت باهي تو كل كلبة منهم تاخد كلب وتقعدي ز الكلبة بروحك تو ينفعك الصرف من بكرى الفلوس يبدو عندي
(اسماء كانت مش منقصه ع بناتها اي شي تقدر عليه تاخده وتهتم بمظهرهم كانت ام بمعنى الكلمه)
من بعد اليوم هدا اسماء بدت تجمع ف القرش وطلبت الطلاق لانها عايشه ف ذل وتلاته اشخاص ف دار ف دار كبرها ز الحمام صغيره
ولم طلبت الطلاق
حسام يشوف لبناته: اي اريح جت منك نرتاح من همهم بناتك وعارهم القدام
سُهى تشوف وبس
حسام اشر ع دنيا: مطلقة تو تشوفي شن يصير فيهم هادم
ف اليوم لـ بيكون حوشي معبي بـ نساوين ولادي وقايمين اسمي وسندي وصغار صغارهم انتي حاتقعدي فيه بروحك لو اطلقتي لانه هادم نهايتهم زواج
اسماء ساكته
نادية ساكتتته
حسام: اهو اطلقتي هي شنو بيصير؟
اسماء: بناجر حوش مع بناتي جنب امي
حسام: توا شوفي لو عندك ولد راهو قعد معاك ومايقدر حد يجي جهتك بس لو اطلقتي بناتك مش حايسلمو من حد
اسماء: انا مش مفرقه بين بنت او ولد كله ز بعضه وبعدين بناتي حايكونو بـ الف راجل
حسام : تمام بس اعرفي ان لا تطلبي مني لا نفقه لـ الصغار ولا ايجار ولا فلوس لـ شي انت اخترتي
اسماء ضيقة عيونها: ممن امتى طلبت انا مش حانطلب بس نبي فلوسي لـ حطيتهم معاك ف الحوش نبيهم قرش قرش سامع
حسام هني وقف: الحوش بـ اسمي لم تبدي دافعه فيه حق تعالي وخودي حقك
اسماء بصدمه: انا دافعه فيه اكثر منك حسام انت لـ قتلي حاتعوضنيي
حسام: الحوش بـ اسمي
.
.
بدون تعمق بـ اليلة هديما واطلقت اسماء وطلعت من المنطق ومافيش حد من العمام او العمه او الجد او الجده وقف مع البنات او امنو عليهم ولا شيي
سُهى كانت متعلقه ف بوها وخوتها بس من بعد طلاق امها بدت تسترجع ف كلام بوها ع ضعف البنات لـ امهم كل مره قبل النوم ذاكرتها اطلع كلامه قاله بوها وهي غافله عليه