عودة_للأنتقام

20

#عودة_للأنتقام 20
(غسـق) Misho mohammed
•
•
•
•
•
•
•
•
•
•
•
وجدي ف ايده الهاتف: البنت لتباها تاخدها من مكانت تكون باذن الله بس استرنا مع راجل خالتك
ايمن تراجع وقعمز وسكت
زهرة قربتله وتترجا فيه
وجدي تنهد: حايلي مهدود راني البنت ز بنتي تكلم هيا
ايمن ساكت

.
.

تاني يوم
ايمن طول الليل ماغمضتلاش عين
الصبح الساعه 11 وصلت مريم
خشت كلعاده تصبح ع زهرة ووجدي وايناس لقت الحوش حوسه وشيش عصير كبار وصناديق عبنبر وبقلاوة
ايمن نزل عيونه حمر مصدع من التفكير السهره هادي كلفاته منظره يعطي انه سهران اسبوع مش يوم 💔
مريم حولت عبايته وعلقته شافت لدروج لقت ايمن واقف عيونه فها: صباح الخير استاد
ايمن شاف بوه وطلع
مريم خشت
زهرة ادير ف كينكس العبنبر مع ايناس: بري ديريلنا فطور وجيبي اميه
مريم تشوفلهم مش فاهمه شي خشت وسكتت
دارت الفطور
ايمن ركب سيارته ومشي لصيدلية يوسف خش
يوسف شافله وكان عنده امجد يشربو ف قهوتهم مع بعض
امجد: صباح الخير
يوسف شاف لـ ايمن: خيره منظر تقول طالع من قبر
ايمن قرب للكاصه: فاتحتي العصر لبيجي يحظر مرحبتين ولـ مايبيش اريح واريح.. وتلفت بيطلع
امجد قربله بخطوه سريعه: تبصر
يوسف قربله ببرود: بارك الله فيك حتى انك اعتبرتنا ز برانيه عادي اهم شي عزمتنا
ايمن يشوف لـ يوسف: بتحظر؟ تعالا
ماتبيش؟ امورك اقعد اخدم خودلك قرشين احسن اصلا
امجد خبطه ع كثفه: نكلم فيك انا هني خير مصيبتك
ايمن عيط عليه: خير امك ماتفهمش نتكلم فرنسي؟
امجد تعصب: امي خلها ع جنب وبلا جو ادوي صبحح
ايمن شافلهم: انا قلت وواضح شن نقصد ولـ مايبيش يفهم اموره .. وطلع
يوسف بصوت عالي: ربي يهنيك من بعيد ز الغريب
ايمن سمعه ركب سيارته ومشي اتصل بـ مراد وبرضو نفس صدمة امجد ويوسف
ايمن: الو
مراد ف خدمته: وينك لتوا
ايمن: مراد فاتحتي العصر تعالا كان بتجي وكان ماتبيش ملح
مراد ضحك: تم جاي
ايمن: اي تعالا.. وصكر الخط
مراد عاودله: تتسهوك ع فيتي انت وينك؟
ايمن يسوق: مراد ز ماقتلك مانبصرش ندوي جديات انا قلتلكم عشان ماحد يقولي كيف وشنو وامتى
مراد سكت
ايمن اتصل اتصل بديجور ماردش بعتله رساله(فاتحتي ليوم العصر لو بتجي تعالا ولو ماتبيش ماحد لايم عليك)
وهو يسوق رن شاهين لانه يسكن جنب ايمن وجيران قراب اتصل بيه لانه اتصل بيه امجد يفهم منه لو سامع بيه خاطب اوشي
شاهين يرن
ايمن: ها شاهين
شاهين: عرس مني يابلعوط شن تفترش ع ايامك كان نحصل عليك نعجنك
ايمن: ز ماقالولك العصر
شاهين سكت تواني: تدوي بجدك انت؟
ايمن: وقت بصارة شاهين؟
شاهين: وين انت اطلعلي
ايمن: ماشي لحوش خواتي نجيبهم
شاهين: ايمن تعرف لو يطلع وهم شن يصي... قاطعه
ايمن: اخطاني وقت بصارة هو... وصكر ف وجها

.
.

سهى ف مكتبها
خش علها مدربها سالم
سالم: صباح الخيرات
سهى ابتسمت وقفت: اهلين صباح النور استاذ تفضل
سالم ابتسم: شن اخبارك
سهى: الحمدالله كيفك انت؟
سالم: مريت ع مكتب زينه لقيته مصكر ف مؤتمر لـ دار العجزه تعرفيه؟
سهى: لا
سالم: دار العجزة ف **** منطقة تانيه
سهى: اهاا اي نسمع بيه مانعرفاش
سالم: جتني دعوة الحظور لانه كان عندهم مشاكل قانونيه وحليتها واليوم دايرين القاء محتفلين بـ مرور 12سنه ع الدار
سهى ساكت
سالم: قلت ناخد طالباتي معاي يخشو ف الناس شوي شوي عشان تبدو معروفين
سهى: اهاا
سالم: نبي حد فيكم يمشي مكاني لانه انا مشغول حد يمشي بـ اسمي غادي
سهى سكتت تواني: مانعرفش نشوف زينه ممكن تمشي هيا
سالم: تمام اي وحده تمشي او امشو الزوز المهم حد من طرفي يمشي
سهى: حاضر ان شاءالله