عودة_للأنتقام

54

#عودة_للأنتقام 54
(غسـق) Misho mohammed
•
•
•
•
•
•
•
•
•
•
•
حلا شافتله ووجها فرحااان: شكرا استاذ بجد
شاهين تعصب: زمر ع كلمة استاذ
حلا ضحكت: ننسى ننسى خلاص شاهين شاهين
شاهين شافلها :اخرلك مره
.
.

امبارح يوسف لم روح لقي شهد حاطه ميرا ومهيب جنبها الزوز مشي رقد ف الصالة ومعاه هديته حطها ع الطاولة ورقد
ف صبح
فاقت شهد طلعت دورت عليه لانه لقات ملابسه ف الدار يعني مغير ملابسه عرفاته مروح امبارح مشت دوراته لقاته ف الصالة راقد وفي بوكي ورد احمر وكيس هدية ع الطاولة جنبه
شهد ابتسمت: الصالة بارده (قربت تنوض فيه) وسيفا حبيبي
يوسف فتح عيونه: كملتو عرسكم؟
شهد ضحكت: كملنا نوض ارقد داخل الصالة مصقعه تمرض نوض
يوسف ابتسم راقد ع الجلسه وخر لصق ظهره ف المسند وخلالها فضا: تعالي جنبي
شهد ضحكت: نوض صقعع
يوسف شد يدها ضحك جبده جنبه وجهم ف وجه بعض: هكي بدت تحطيهم جنبك وانا تلوحيني برا؟
شهد ضحكت: غيرتلهم ملابسهم امبارح ورقدو اتكيت جنبهم قلت تو نحولهم وع اساس بنستناك نحطلك تتعشى رقدت
يوسف ابتسم: نوم العوافي
صوت مهيب من دار النوم يبكي بصوت واطي
شهد فتحت عيونها: صوتهم ناضو... وناضت مشت لدار النوم
يوسف ناض لحقها
شهد قامت مهيب يبكي
ميرا فاقت ع عياط مهيب بدت تنق: ووووه اسككتت
شهد شافتلها: بنقوله يوسف شن مقايله للمراة امس
ميرا قعمزت بشفشوفتها الصفراء: قولي
يوسف ضحك قرب قعمز جنب ميرا: انا شن قلت ع طولت اللسان
ميرا شافتله حضناته بساته ع لحيته: حبيبي
يوسف باسها: قلبي
ميرا: الولد هدا امس راسي وجعني من عياطه
يوسف ساكت ويتفرج علها كيف تحكي
ميرا: وععع وووعععع امس كله
يوسف ضحك كيف تقلد فيه
شهد ضحكت علها
ميرا بزعل شافتله: ردوه للمستشفى
يوسف وشهد ضحكو
يوسف باسها بقوة: ياربي بناكلها هي وكلامها
يوسف قامها: تعالي اغسلي وجهك باش نرفعك للحضانه.. ومشو للحمام غسللها وجها
شهد: تعالا شد مهيب وانا نديرلها شعرها ونلبسها
يوسف قرب بيقيمه: حطيه تو نقعد جنبه
شهد ضحكت: قيمه يوسف
يوسف: مانقدرش مانعرفش حطي الفرخ لوطى
شهد ضحكت وحطاته
وقعد يوسف يلعب ف مهيب بدون مايقيمه 😂❤
وميرا لبسة سروال جينز ابيض وفوقه جاكيت جلد وردي وتوكة ورديه وسبيدرو ابيض مخطط وردي ولبسة شنطة الظهر متعها ديزني وردية
يوسف سروال اسود وسوريه بيضة وجاكيت جلد اسود فوقها وسبيدرو اسود لانه بيمشي لصيدليته بعد مايحطها ف الحضانه
يوسف رشش عطره
ميرا خشتله ف الدار: هي
يوسف خدي عطر شهد قرب عطر ميرا
ميرا: ماما دارتلي من متعي
يوسف حط العطر خليك داخل نولع السيارة قبل افطري انتي
شهد خشت : ماتبيش تفطر يوسف را
يوسف شاف ميرا: علاش؟
ميرا: نبيش
يوسف شاف شهد: جيبلها عصيرها وبريوشها تاكلهم ف السيارة
شهد مشت للمطبخ
يوسف طلع يولع السيارة ولعها وخش وجت عينه ع هديته ف الصالة نسي يعطيها لـ شهد قرب للهدية قامها ونادى ع شهد
شهد خشت لصالة: نعم
يوسف قربلها: هادم جبتهم فكرت حانلقاك نايضة امبارح
ميرا خشت: وردد
شهد: انت عطلت عليا وانا خداني النوم من التعب
يوسف: لا عادي مش مهم مافيش فرق بين ليوم وامس (ضحك) مانعرفش شن يقولو لم يعطو هدية خودي هديتك واستري عليا 😂❤
شهد ضحكت
يوسف طبس لميرا: بري لسيارة اسبقيني
ميرا طلعت تجري
يوسف وقف باس شهد ع خدها: يخليك ليا ❤
شهد ابتسمت: وليا ❤
يوسف طلع: باي... وطلع
ركب مع ميرا
يوسف حوللها شنطتها من ظهرها وقعمزها ف حجره ومشو
ميرا: شن الكيسة؟
يوسف: علاش!
ميرا: شكلاطه؟
يوسف: شكلاطه وتاكم
ميرا: شنو تاكم؟
يوسف: حديد وسلسال وخاتم وخراصات
ميرا قامت وجها ليه: ليا؟
يوسف شافلها: تبيي سلسال انتي؟
ميرا: ايي
يوسف: تم بعد مانروح بيك من الحضانه حانجيبلك نفس لجبته لـ شهد غير صغيرون نفس بزبط 🩷
ميرا شافت قدامها: باه
وبدت مطر تنزل
يوسف: مطر ياميرتي عادي انا ندخلك داخل
ميرا: لا
يوسف: ياقلبي مطر وانتي ساحتكم كبيرة وسروالك ابيض تنقعي روحك باش توصلي داخل
ميرا سكتت
وصلو يوسف درس السيارة قعد يشوف ف اولياء الامور يدخلو ف صغارهم
يوسف شافلها: بنتي شوفي كلهم اماليهم يدخلو فيهم
ميرا شافتله وسكتت
يوسف: ماتصكريش راسك ميرا خليني ندخلك
ميرا تشوف فيهم كلهم مع ابهاتهم شافتله: عادي تولي بابا
يوسف سكت ابتسم
ميرا: ندير بابا
يوسف ابتسم: نفرح انا كان تناديلي بابا 🩷
ميرا ضحكت 🩷
يوسف باسها وقامها وخدي شنطتها ونزلو مدخلها ف الساحه بجمالهم
وصلو داخل نزلها
ميرا ضحكت دارتله باي بيدها
يوسف ابتسمله وتلفتت طالع سمع صوتها العالي
ميرا مبتسمه اديرله ف باي: بااي باباا❤
يوسف تلفت مبتسم: باي بنتي ❤
ميرا خشت تضحك
يوسف طلع فرحان من وسط خاطره من فرحته اتصل بشهد
شهد: شن نسيتو؟
يوسف بصوت فرحان: قتلي باي بابا شهد ❤
شهد ضحكت
يوسف ضحك: مش هاين عليا نحرك السيارة ونمشي ونسيبها بروحها داخل الزفت
كان شفت كيف قالتها انتي
شهد: قاعد قدام الحضانه
يوسف تنهد بفرح
شهد ضحكت: برا لخدمتك يوسف خلاص تو تروح بها بعدين
يوسف شاف لساحه: واكك ياشهد كيف قالتها ❤
شهد: ياعمري ❤
يوسف سكت
شهد: خلاص وسيفا برا لخدمتك بعدين بنتي تحبك تموت فيك تحبك اكتر مني شن تبي بعد هكي
يوسف سكت
.
.