عودة_للأنتقام

38

#عودة_للأنتقام 38
(غسـق) Misho mohammed
•
•
•
•
•
•
•
•
•
•
•
•
•
مشاء الله الحلقة لفاتت طووول ايمن بيحب زينه بدون مايفهمو شي
ايمن مايحبش البنات لز ريان وشي لشافه يشبه الشي لصار مع ريان 🌚
هكي هو حس 🌚
وبعدين ايمن مطلق مش اعزب را راكم تنسو 🌚👍🏻
.
شاهين طلع ونقهر اكثر لم شاف اشخاص من جيرانهم عندهم ف الجنان يعني فضيحه لخط العريض

. شن في؟
. خيركم سمعنا عياط وعركه؟
. من هدا ياشاهين شن صاير؟

ايمن: مصاير شي خانب وشديناه وتمت
شاهين نقهر سكت
قاسم طبس لـ زينه: علاش العار يابنتي؟
زينه تبكي من الرعب لهي فيه انهارت اكثر لم تسمع ف شاهين يسالو فيه الجيران وايمن يكدب انه خانب عشان صاحبه
زينه انهارت وتضرب ف رجليها وتبكي: شاهين ياشاهين
شاهين نقهر حرف لا خشلها ساكت يشوفلها
زينه شفاته وقفت شدت ف الحيط قربتله وهي شعرها مفتوح وتبكي: نحلفلك ع المصحف ان انا ملياش دخل بجيته
نحلفلك ع المصحف
شاهين شدها من شعرها بعصبيه: مافيش مصحب ياخامره مافيش مصحف حاتنقرا فاتحتك عليه وتمشي معاه ز الجيفه وجهك هني معاش نشوفه سامعه اسمك معاش نبي نسمعه سامعه
زينه فكت شعرها منه وقربت لبوها تبكي: لا يابوي انا قتلك مانبيش بـ الله عليك يابوي لا
(قربت لـ امها) انا قتلك يام قتلك مانبيش بنفسخ منه يام قتلك يام
شاهين صكر الباب وقربلها شدها من شعرها وجبدها لدارها ودخلها وهو يكر فها خشو وقربع الباب بلمفتاح وسهيله لحقاته تبكي وتقربع ع الباب وتترجى ف ولدها يطلع اخته
زينه دموعها مطر: صدقني ماجبته مش انا
شاهين سيبها ونقهر اكثر عيط علها: كيف عارف الحوش فاضي
علاش ماشيتيش للعرس
علاش قعدتي؟
زينه هربت ف زاوية دارها وقعمزت ع الارض ومنسده ع الحيط ضربت رجليها بقهر: مانبيشي مانبيشي ياربي مانبيشي
ايمن طق الباب ع حوشهم وفتحله قاسم
ايمن: وين شاهين نادي ياعم
سهيله قربت لـ ايمن وتبكي: صكر الباب مع اخته
زود ياقاسم طلعه تربح البنت معاه
ايمن خش مع سهيله قرب للباب طق بصوت واطي: اطلع بلا عار استر اختك واطلع
شاهين من داخل: ماتنسترش الكلبه هادي تنفضح
ايمن تعصب خبط الباب: اطلع شاهين ولا نكسر الباب را اطلع
شاهين بعصبيه شاف زينه لترجف ف الزاويه: يا**** الجيران برا يافضيحه ياعار
(وقف بتباث وبعصبيه) اسمعي يا**** ياتنقرا فاتحك عليه وتروحي واظمي فمك وتمشي مشيه بلا رجعه يا تندبحي ف وسط الجنان
وانا نديرها يازينه
ايمن سمعه خبط الباب وكشخ عليه: اطططللععع
شاهين دفل علها وفتح الباب بلمفتاح وخدي المفتاح وطلع
طلع شاف ايمن وصكر الباب علها بلمفتاح
ايمن فقد اعصابه بسبب تهور شاهين مد ايده: هات المفتاح عطيها لـ امك
شاهين شاف ايمن بعصبيه: لداخل اختي انت اضم فمك وتروح لانه مدخلكش
ايمن تعفلق من شاهين وزاده انه كان متعفلق من عيلته اصلا ضربه ع وجها وخبطه ع الحيط: ياب*ل ماتكونش مضحكه بلا فضيحه عرسها قرب اصلا اضم فمك وتسكت
شاهين دفه بعصبيه: مانسكتش
سهيله تبكي: استرها اختك ياغبارتي اختك هادي
شاهين بقهر: الجيران ف الجنان شن بنستر والكلب لكان معاها ملوح طينه برا
ايمن شاف باب غرفة زينه: افتح الدار تخش امك مع اختك مرات ادير ف روحها حاجه شاهين
شاهين بعصبيه: ادير بناقص لجهنم واجعتني
ايمن قربله بعصبيه وكشخ ف وجها: ماديرش روحك راجل عليا شاهين
تفتح الباب وتخلي امك تفهم منها
خلها ادافع ع روحها بوها حي انت اخر واحد يتكلم اضمه فمك وتسكت
شاهين ضحك بقهر وشافله: هه راجل؟
ماهو لداخل اختي مش اختك
ايمن خبطله راسه ف الحيط: يا****
واستمر عيط ع بعض كل مره حد يضرب التاني لعند تعاركو بجد وايمن خدي المفتاح منه
ايمن بعصبيه خدي المفتاح: كانك راجل اقربني توا
شاهين قعمز ع الارض مقهور وساكت
ايمن فتح الباب شاف سهيله: عمتي تخشي تفهمي منها مش مدخلك تبكي معاها
افهمي منها اسالها ع كل شي تبي تعرفيه
وخليها تلبس ملابسها لانه شاهين حايرفعها (شاف شاهين وعلى صوته يسمع فيه) حايرفعها ويفحصوها وبلفحص حاينضم فم الجيران
شاهين مقعمز مقهور: الكلبة هادي كان تطلع اطهر بنت ع الارض معاد نقابلها ولا نرفعها ولادخلي بها (شاف بوه واشر عليه) بوها حي قتلي
(يشوف ف بوه كشخ عليه بصوت عالي من بعيد) بوها كان ينفع را مش عاطي بنته لواحد سك* ار خامر وسمعته ف الكنايس
لوح بنته الاولى وودرها وزاد البنت التانيه رخص فها ويعطي فيهم لـ مزبله مش بشر
قاسم قعمز ع الصالون ومنزل راسه
ايمن فتح الباب لسهيله وغض بصره لدار خشت سهيله وصكر وراها بلمفتاح وحط المفتاح ف جيبه وقرب لـ شاهين طبسله
ايمن يواسي فيه: حاترفع اختك للمصحه عشان لاتظلمها ولا تظلمك
وتبان الحقيقه ولو طلعت طاهره وبنت
صدقني الب*ل لبرا نخليهولك ف المركز عندي عام ويفطر يتغدى ويتعشا ف ضرب
ولا لو تبي انا نكسرلك عظامه ونوروه ان مشي حني ليندعس ع طرفنا ومش حني لينخش لحوشنا ومش حني ليبلعب مع بناتنا
ولو طلعت البنت غالطه ز مقالت امك بعد اسبوعين عرسها نستروها ونسكتو
شاهين يشوفله مقهور من وسط خاطره: الكلام ساهل
ايمن بصوت واطي عشان قاسم مايسمعش وتخشم يقولها: اسمعني اختك عيطت لم خش الحيوان هدا لحوشكم ولم انا خشيت كانت تبي تهرب بس هو مصكرلها فمه
شاهين خشت فيه الروح شويه وسكت
ايمن قرب لباب شاف الجنان مالقي حد حتى خطيبها مهناش صكر الباب ورجع جنب شاهين
ايمن: روحو وهما سامعين مني انه خناب
شاهين مسح ايدها ع وجها: اخخ ياربي
سهيله حاولة تفتح الباب بس مصكر قرب ايمن فتح الباب بلمفتاح وخل المفتاحف الباب وطلعت سهيلة وطلعت معاها زينه لابسة عبايه سوداء وشاربة سوداء وعيونها مطرر
ايمن مقامش عيونه فيهم قرب لشاهين: ز ماقتلك اضم فمك وادير ز ماقتلك
شاهين تنهد
زينه شافت ايمن: انت شفتني معاه برضو تقعد وتقول شن شفت
ايمن عيونه ف الارض: قلت لشفته
زينه قربت لشاهين وتبكي بعبرتها: شاهين شوفني شاهين
شاهين يشوف لجهة التانيه ووجها بدون ملامح
زينه تبكي بعبررتها بلعت ريقها: انت طلعت شاهين باهي انت طلعت ونطق الباب بعد طلعتك انا تقوعتك انت رجعت وبوي قدر يروح بسيارته بروحه او روحتو بسرعه وفتحت الباب عطول ولقيته قدامي
دفني وخش وصكر الباب وهو يدعدع خليته يخش ودفيه طاح وفتحت الباب وطلعت ولحقني لم لحقني عيطت (شافت ايمن) وهدا خش شدني من شعري صكرلي فمي
شاهين خبط وجها بقهر: اه ياعاري اه
زينه تبكي: بعدين هدا جي شده وانا رجعت خشيت وصكرت الباب
ايمن خدي نفس براحه: خلاص شاهين النم اهي حكتلك القصة وصح ز ماانا شفتهم
شاهين ناض: اخر همي نعرف منقرف منك ومن بوك ومن امك ومن روحي
(شاف بوه) هادي نتيجة لبيناسب متاعين العار بيبدا متع عار زيهم
زينه زادت تبكي لانه حساته مصدقهاش: نمشو للمستشفى ياشاهين عادي بس صدقني انا مش هكي
شاهين شافله وصرخ ف وجها: علاش يجي علااش ف نص الليل وحني مهناش وانتي بس قاعده فهميهالي علااش
سهيله مسحت دموعها: وصلاته دوه ان زينه بتفسخ
قاسم بصوت مرخي: ارفعها للمستشفى ولا للمصحه ريحنا ارفعها
شاهين شاف بوه: لانرفعها لا نجيبها ولا دخلني بيها
ايمن تعصب: شاهين وصلتني منك لسمي السابعه را ماتخلينيش نشوه خليقتك تكلم ز الناس
شاهين سيبهم وخش لدار تواني وطلع وفي يده مسدس صغيره
زينه نهارت بلخوف
سهيله حضنت بنتها
قاسم شاف لمسدس ونزل راسه وزاد بقهر
ايمن قربله
شاهين بعد وف ايده المسدس: ماتقربنيش ومدخلكش انت
ايمن عيط عليه: ماتخليش روحك مضحكه
شاهين عيط عليه: هدا كله ومش مضحكه
ايمن يأنبله ف ضميره: قتلها لو فعلا غالطه ز ماانت مفكر حل؟
شاهين هز راسه: حل اي نغسل عاري
ايمن ابتسم بقهر: تغسل عارك انك تقتلها؟
شاهين: مش اول خامره تنقتل ووقتها بس لعنده كلمه حايبلعها
ايمن: هه وانا لنحسابك راجل ياعيل لا وتصلي ومسلم
وافعالك افعال يهود
بعد تقتلها شن عذرك يوم الحساب قدامها؟
بتقول ع خاطر الناس؟
تو ينفعوك الناس
ارجع ز ماكنت ونعرفك وبلا مضحكه
بلسانها قتلك ارفعني للمستشفى ياعيل وقاعد مكدب اختك
الوقت هدا مفروض نجيبو الحيوان لخش هني وتوريه شن ديتها لم حد يرفع ايده ع اختك ويخش حوشك مش جاي ع اختك ومسيبه
زينه تعصبت: انت شن قاعد تشحن فيه
سهيله: لا ياايمن نهاري لا يقتله لا يمسه يفسخ ويمشي ف حاله
ايمن مد ايده: هات المسدس وارفع اختك للمستشفى مع انه مش لازم
وتعالاي ف شقتي
شاهين عطاه المسدس: جيبه هني نبيه قدامها
ايمن خدي المسدس: وين يسكن؟
سهيله بخوف: الله يهديكم بلاش من المشاكل
شاهين عطاه عنوان حوشه ليبني فيه وعطاه عنوان حوش عيلته
ايمن: برا وتعالا تلقاني جايبه ف مربوعتكم. وطلع