عودة_للأنتقام

56

#عودة_للأنتقام 56
(غسـق) Misho mohammed
•
•
•
•
•
•
•
•
•
•
•
ايمن: الله يسلمكم... وخش لجهت الممر وقعد يشوف ف الدروج ليركب لدار النوم
زينه نزلت: نساعدك؟
ايمن تلفت عطاها بظهره: بنقعد ف المربوعه... وطلع
زينه شافت امها واختها: خشو
وخشو قعمزو
زينه: انوض نشوفه دقيقه ونجي.. وناضت وطلعت
زينه طقت وخشت المربوعه شافتله وقيلاته جنبه: محتاج شي؟ جعان او اميه
ايمن بجدية مقعمز ع الجلسه: اطلعي بس
زينه قربت خطوة لمكانه: اسمعني باهي
ايمن قام عيونه شافلها: بعدين خشي
زينه وقفت تواني وخشت وسيباته
ايمن ضرب القيلاه حدفها ع الارض: انا امتى بنرتاح حوى درت حادث مامتش
اخخخخ
.
.

ديجور عطول مشي للاستراحه خدي دوش وغير ملابسه وعدل نفسه وطلع وجهتة لمكتب ال ❤
وفعلا ولع سيارته وماشيلها بس رن عليه مراد
ديجور: ايواه
مراد: وين؟
ديجور: روحنا وصلنا يعني من جو ساعه ونص
مراد: قالي يوسف قصدي انت توا وين؟ نبيك
ديجور: زجيك ف الخدمه لو انت غادي؟ شن في هو؟
مراد: تعالا تفهم
ديجور: تمام جاي.. وصكر الخط ولف ورجع لمراد
.
.

عائشة من كلمة راجعلك من جابر وهيا متفركسه 😂❤
وطبعا ماحكت لـ حد حتى فاطمه اختها ماحكتلها شي
.
.

الساعه 12ونص الصبح
طلعو ام زينه سهيلة وشهد روحو
وهما طلعو وعطول نفتح باب الجنان وخشت ابتسام وصغارها واصاله بصغارها وايناس وزهرة ووجدي (عيلة ايمن) ومعاهم شناطيه واغراضه من تونس
ايمن ناض فوق من نفسه خش قعمز مع عيلته طبعا ز ماقلت رجل مضمده وفيها تمزق والتانيه منفوخه يعني مشيته صعبه وخش قعمز معاهم
كلهم مقعمزين ف الصالة
ايمن اذكر ان الحوش فاضي مافيشي اغراض يندار بيها غدي وف ليلة الحادث كان حايجيب اغراض الحوش بس صار لصار
ايمن شاف لبوه: الحوش فاضي مافيشي لا خضراء لا شي را
قعده التلاجه معبيه شكاليط وعصاير وخلاص
وجدي ناض: خلي انوض نجيب... وناض طلع
ايمن سكت
اصالة نادت ع زينه: تعالي قعمزي زينه
زينه جابتلهم عصير وشكلاطه وقعمزت
ابتسام قعمزت جنب ايمن: شن قالولك علها رجلك المنفخه
ايمن: قالولي غلط تمشي ع رجليك مفروض نستعمل الكرسي لعند مااطيب رجلي ويمشي الانتفاخ
زهرة: وقالك معاش تتحرك حتى رقبتك وين الداعم متع رقبتك
ايمن: مش وقته كان غير تسكتو انتو
زينه ساكته
سكتو كلهم
ابتسام: كان تعرف من اتصل بيا يبكي ويدعيلك
ايمن متكي ع الكنبة وساكت
زهرة: مني؟
ابتسام: ريان بعبرتها تبكي قتلي كان طلع طمنيني عليه
اصالة شافت لـ زينه
ايمن سكت
ابتسام: اتصلت اول ماسمعت بلحادث ولم مشت لتونس برضو كلمتني واولامس كلمتني سألتني لو روحتو قلتلها لا
زينه ناضت قامت السفرة متع العصير بعد ماشربو خشت المطبخ
ايمن شاف ابتسام: كان تنقصي دوه مش خير
ابتسام: شن قلت انا؟
اصالة: ابتسام بلا سم توا شن تحكي ع مرته الاولى قدام مرته شن يعني
ايمن تنهد: عيلة روح قلبهم الدوه الزايده
ابتسام تعصبت: توا شن قلت غلط وبعدين مرته الاولى وكان حكيت علها شنو
شنو يعني زينه ماتعرفش انه متزوج قبل... قاطعتها
زهرة: ابتسام مش وقته
ابتسام قلبت عيونها: سكتنا
ايمن شاف بنت اصالة الصغيرة عمرها 5سنين: جيبلي طاسة اميه ابرار
ابرار الصغيرونه خشت المطبخ وجابتله طاسة اميه عطتهالها زينه
ايمن شاف امه: من الشناطي لجبتوهم جيبلي حبوب
زهرة ناضت جابتله حبوب
زينه رجعت قعمزت
ايمن خدي الحبوب
زهرة: يوجع فيك جنبك
ايمن حط الطاسة: ممكن لاني قعدت نمشي
زهرة تعصبت: عارف جنبك مخيط والدكتور قالك استعمل الكرسي انت علاش تصكر ف راسك
ايمن تعصب: من بكري تنقو فوق راسي اسكتو ياسر
.
.