عودة_للأنتقام

58

#عودة_للأنتقام 58
(غسـق) Misho mohammed
•
•
•
•
•
•
•
•
•
•
•
ديجور خش لصالة
حمدي قربله سلم ع ولده: فخر يابوي فخر
حمدي لابس الفرمله الطويله سوداء وفوقها جرد وكبوس قرب لولده فك الجرد من عليه قدام الناس وحطه ع كثاف ديجور
ديجور منصدم اول مره يلبس جرد
جابر: طالع شيخ الشيوخ
يوسف ابتسم: زاد الهيبه هيبه يابوي 🤎
ديجور ابتسم شاف نفسه ف مراية الاستقبال الكبيرة الزبون الاسود مع الجرد مع كندرته ونضارات والطاقية السوداء وشعرها مايل ع الجنب (الطاقية السوداء المتع الزبون لفها شناشيب عرفتوها ناسيه اسمها هديكا هيا)
(سألت خوتي الولاد قالولي اسمها شنه ❤)
ديجور ضحك: ياودي انا من بعد عرسي بنقيم خشمي وبنولي نرجسي
ايمن كان برا ف سيارته خش لقي ديجور ف الاستقبال ابتسم: سلطاان
ديجور تلفتله يضحك: الصقر.. صافحو بعض
ايمن طبعا رجعتله صحته وصح يعني يمشي بتبات بدون قيلات خلاص 🤎
ايمن ضحك: ف الخطبة توفى عماد وفي البيان توفى زياد وليوم لفاتحه ياضلعي
ديجور ضحك: ربي يسمعني هلاخبار لتفتح النفس
يوسف قلب وجها: وقتها الدوه الخاربه هادي؟
ايمن: هادي خاربه
ديجور ضحك: كان هادي خاربه املا لمليحه كيف
ايمن: خليك مع العيلة انا بننزل.. ونزل
(طبعا الصالة فيها دروج ينزل لوطى وطووووويلللل)
حمدي: حسام وولاده لوطى هيا انزلو
حمدي نزل
وفي نفس الوقت
نزل جابر و يوسف و ديجور ف و سطهم و التلاته ينزلو بنفس الخطوة 🖤
حسام وامير وسند حاضرين عيونهم ف نزلتهم العفوية مع بعض وملامحهم جدية مافيهاش دره ابتسامه التلاته وكل واحد ملامحه احد من خوه وطبعا فخامة الزبون بروحها بدون الطاقيه حلاقتهم حرام تتغطى 🖤
جابر ويوسف زبونات وفي وسطهم ديجور جرد وطاقيه 🖤
(الصالة بدون كوشة طبعا بدل الكوشه دار صالونات منفصله يقعمزو فيهم عيلته وعيلة سهى ووقت العرس يحول الصالونات ويدير الكوشه)
ديجور وخوته وبوه قعمزو ف صدر الصالة
ديجور جت عينه ع حسام اشر عليهم التلاته واشرلهم بيده يجو وناضو نفاخين رواحهم قعمزو معاهم وجي المأذون ونقرت الفاتحه❤
مجرد ما المأذون شاف ديجور: مُبارك عليك ربي يكتبلك فيها الخير وتكون الزوجه الصالحه لتصونك
ديجور بدون ذره ابتسامه: يبارك فيك ان شاء الله
وبدو الضيوف يقربو لديجور يباركوله
الا اصحابه مقعمزين كلهم ع طاولة وحده
ايمن وقف خبطلهم ع الطاولة: خلي نطلعو نفرقعو شوية
شاهين ناض ضحك: الحاجات ليحبها خاطري
امجد ضحك ناض: قداش لينا ع جو هدا
وناضو كلهم طلعو
ديجور واقف والناس تباركله وملامحه جدية بشكل لا يوصف يحسسك ان مجبور لم سمع صوت الرصاص والالعاب النارية برا ابتسم
يوسف ضحك: نقطع ايدي كان مش ايمن عبالهم روسهم يطلعو توا
الدنيا برا دوشة بمعنى الكلمة
شاهين صكر سيارته قرب لـ ايمن: ياسر خلي الدنيا تعتم شوية ونديرو شوط تاني
رجعو خشو لقوهم كلللهم مقعمزين وكلهم باركوله وتمت القصة خشو امجد وايمن وشاهين ومراد وراى بعض بزبوناتهم ركبوله قعدو يباركوله بلواحد
امجد: ربي يهنيك ياعاديل
ديجور: الله يسلمك ياعاديلي
ايمن سلم عليه ويضحك: عقبال التانيه ديجور
ديجور ضحك: ان شاء الله ف راسك
ايمن بجدية: مبارك نبصر
ديجور: الله يبارك فيك عارفك
شاهين سلم عليه: مبارك يزيدو
ديجور: عقبال مانفرحو بيك ياصاحبي
مراد سلم عليه: في ناس مضايقة ديجورنا
ديجور ابتسم: دوم شي يفرحني