عودة_للأنتقام

53

#عودة_للأنتقام 53
(غسـق) Misho mohammed
•
•
•
•
•
•
•
•
•
•
•
•
زينه شافتله: انت  تزوجتها.... قاطعها
ايمن: ماتزوجتهاش كانت ز الضيفه مش اكثر
زينه نزلت راسها عرفتو الخفقه متع القلب لم تفرحي نفسها ف قلب زينه لدرجه انها خدت نفس بسيط وضحك بهدوء براحه
ايمن استغرب حسها فرحت ابتسم: شن ليضحك انا قاعد نحكيلي ف مأساتي وانتي تضحكي
زينه شافتله وواضح انها فرحانه: شي اذكرت حاجه مش عليك نضحك
ايمن حس من عيونها انها فرحت من كلامه وهلبااا ابتسم لضحكتها: صافيه خلاص؟ نمشي
زينه مبتسمه ز المسبوه مش قادره تحبس فرحتها: براحتك
ايمن طلع وهو طلع ف الممر ضحك براحه ان حسها ارتاحت هلبا بعد ماسمعت لصار وتغير المود عطول
زينه قعدت جامده ف مكانها بـ ابتسامتها تستوعب لسمعاته: يعني انا مش حانكون طرف تالت بينهم (تنهدت براحه) قلبي واخيرا ارتحت
ايمن ركب سيارته حس بها مرتاحه لم هكي بدون مبالاة ارتاح لراحتها ❤
قعد يسوق ومبتسم لعند وصل للاستراحه خش عطول جت عينه ف عين ديجور
ديجور شافه خاش مبتسم لـ اول مره: الوجه لخاش تضحك بيه ممكن من السنه لفاتت مش شايفينه
ايمن ضحك وسكت
كلهم شافو ايمن
ايمن قعمز: حلوو
ديجور ضحك ضحكه قصيره: شن الحلو
ايمن ابتسامته اختفت حسهم بياكلوه بنظراتهم: كلامك يعني ان وجهي رجع ولا شن كنت تسلط
ديجور شافله بخبث: نسلط هاا انت حتى كلامي لقلته نسيته ف تانيه...(سكت ديجور فاق ع روحه ان شاهين موجود يعني خو زينه)
شاهين تحشم حك حاجبه: اءءء امتى عرسك انت؟
ديجور: مشعارف مزال ايح الصالة تبي... قاطعه
يوسف تعصب: شن مزال الصالة كامله شن مزال
ديجور شافله: خيرك ولعة انت واخد بنتك؟
يوسف: مش ملاحظين ان الحيوان هدا من لم خطب هكي هدي وبدي هادي شوية
فا يعني نبيك تتزوج باش تهدى اكثر وتحس بلمسؤوليه
ديجور: الناس الخامره لمعصبتني نصهم ماتو واحد نجلط وواحد محبوس علاش بنتعصب
يوسف: لا حق صدقت
مراد ضحك: بنت حسام طفت نار التريس مش قادرينها
ديجور شاف مراد وقام حاجبه
مراد: هدا الحق رسمي من لم تعرفت علها انت وهادي هكي يعني لطيف
ايمن شاف مراد: ياروحي ع اللطيف مولي كيوت مراد
ديجور: مراد اغلق فمك خير مانوض لك مولي ز عيت ال كريم مستفز
شاهين حدف الوساده ع وجه مراد: يالتيف انت
يوسف ناض: انوض نصلي خير من دشيشتكم
.
.

سعد خش للمربوعه: نوض جابر كان بتخش تتوضى.. وخش المربوعه
جابر ناض من الطاولة لفي الجنان خش للحوش خش توضى وطلع تلاقى مع مطيعه ف الممر وهو طالع لقي مطيعه خالته كيف مروحه
مطيعه: كيف حالك ليوم
جابر: الحمدالله شنخبارك
مطيعه: الحمدالله
جابر شافلها وطلع
جابر طلع خش المربوعه اقام صلاته وصلى وقعمز ع جنب
سعد: كان نعرف انك تبي اللمات والجمعات نرفعك لصحابي
جابر: لا ترفعني لا نرفعك ارتاح انت
لؤي خش للحوش بس فات قدام باب المربوعه وخش طول مخشش المربوعه ز عوايده
سعد ناض لحق خوه خش
دقايق بدو يتعاركو الزوز داخل
جابر يسمع فيهم
مطيعه: ضروري من عاركم قدام جابر
لؤي شاف سعد: شن دخل امك انت بيا
سعد ضربه بيده ع راسه: ياعيل ياعيل
لؤي خش الحمام هرب
سعد عيط ع امه: انتي كيف تقوليله باهي
مطيعه: انا مقلتله شي مقاليش ف السيارة لم وصلني
سعد: انا ف المربوعه مع الراجل بنوليله غير يطلع.. وطلع
جابر شافله اول ماخش بنظره حاده ونبرة حاده: تعلي صوتك ع امك ع خاطرك عيل خوك وانت عيل اكثر منه
سعد شافله ومتعصب: مدخلكش جابر اطلع منها انت مش فاهم شي
جابر سكت بس ملامحه الحادة مبينه انه تعصب
دقايق وخش لؤي قعمز
ساكتين الزوز
جابر شاد هاتفه ومستنيهم يتعاركو قدامه
سعد شاد هاتفه شاف لؤي:تو نوري *****
لؤي: خلي يجي بوي
جابر ساكت وشاد هاتفه
سعد نزل هاتفه وشاف خوه بعصبيه على صوته: تهدد فيا بيه خايف منه برا زمر انت وياه
جابر شاد هاتفه قام عيونه ف سعد: مهما كان خوك ملبز ومصيبه ومشكلة ولـ كانت تكون انت علاش تسب ف امك وبوك مرجله وجو ياعيل؟
سعد ضيق عيونه شافله: تاني مره قتلك مدخلكش..( وقف شاف لؤي) نوض اطلع قدامي
جابر زاد تعصب من تصرفات سعد
لؤي قعد مقعمز: اطلع من راسي
سعد قرب للؤي ضربه مره تانيه بيده ع راسه: نوووض
جابر نزل هاتفه تعصب شاف لسعد: سعد
سعد تجاهله متعصب ويشوف ف لؤي لقدامه: نوض اطلع
لؤي: حول
جابر تعصب ان سعد تجاهله على صوته عيط عليه: سعدد
سمعوه لداخل كيف كشخ عليه
جابر ناض بعد سعد ع لؤي: انا مدخليش وخوك غالط باهي ومانعرفش حتى شن صاير وانا معاه فيك شعر ف وجهك؟
حط ايدك عليه
سعد قعمز: احكيله لؤي
لؤي شاف سعد: انت شن دخلككك
جابر شاف لؤي: شن داير انت؟
لؤي: وصلت امي وفي واحد ماتعرفاش ضايقني بسيارة وصلت امي ووليتله تعاركنا مش خبطلي السيارة
سعد: وهدا كله من وراي
جابر شد مرفق لؤي: تعرف وين نلقوه؟
لؤي: ايي
سعد وقف: بتمشيله؟ جابر انا نعرف الولد فوتهم بلا دوه زايده
جابر تجاهل سعد شد لؤي من مرفقه: اطلع قدامي وطلعو
جابر شاف سيارة راجل خاله مخبوطه من قدام مكسرين الضي: اركب سيارة بوك وبرا قدامي
سعد طلع قرب لجابر: هادم جراد لماشيلهم را بتتعارك معاهم بيجو مفرخهم ز الجراد
جابر تعصب عليه: من الغالط؟ هو وله؟ يصلح السيارة
وانت خليك ف المربوعه وتعلم تعلي صوتك وتتمرجل تو نجوك
لؤي مشي بسيارة بوه
جابر ركب سيارته العالي ولحقه
سعد خش لـ امه: ولد اختك مشي مع لؤي حلي امها توا
مطيعه: هدا جابر مايروحش لين يدير مصايب بجميع اشكالها
سعد: خليهم يمشو يحساب روحه ف المدينه
مطيعه خافت: اتصل ببوك وكلم محمد
سعد قعمز: مادخليشش
.
.
كانو اربع سيارات مدرسين ع جنب الطريق وكانو شباب بـ اعمار تلاتينيه وهكي الاربعه
لعند جت سيارة لؤي درس جنبهم
كلهم ضحكو ناضو قربو لسيارة لؤي قربو لباب لؤي
جتهم سيارة سوداء عالي درس قدامهم بلعرض
الاربعه هادم سيبو سيارة لؤي وشافو لسيارة السوداء هادي
نزل جابر
الاربعه شافو لبعض
الشخص الاولى واحد عرف جابر: عرفتك من سيارتك انت من**** خو التوامه يوسف وديجور ولا
لؤي نزل
جابر اشر ع السيارة: لؤي شوف السيارة لو فها وراق او شي
لؤي: مافها شي
جابر قرب للؤي خدي مفاتيح السيارة وحدفها للشخص لعرفه: هادم ليكم السيارة لخربها يصلحها
الشخص التاني: اهاا انت جاي تحاميله؟
جابر شاف لؤي: اركب سيارتي
لؤي مشي ركب
جابر شافله ركب ورجع لف وجها للاربعه: ز ماقلت السيارة تتصلح
وقصة ان هو فايت ومعاه عيلته واضيقو فيه... قاطعه
الشخص التالت ضحك: ارخي روحك
الشخص الاول وشوش قرب لتالت: هدا خو ديجور
جابر شاف لشخص الاول: مش محتاج نكتر دوه بما انك تعرفنا
الشخص الاول: مدور شي ياغالي صغيرة القصة تو يصلحواله
جابر سيبهم ركب سيارته حرق العجله عليهم ومشي
لؤي فرحان وساكت حس بلفزعه
ورجعوو
لقو جنان حوش ناجي فيه ناجي ومحمد واحمد وسعد
جابر ولؤي خشو
ناجي قرب لـ جابر: تو هدا عيل تلحقه ودير مشكله معاهم ع خاطره
جابر: اي نلحقه بلعكس مش عيل وعجبني انه قالي وصلت امي ووليتلهم بروحي
ناجي: انت تعرفهم. هادم توا
جابر تعصب سكت
لؤي: يابوي... قاطعه
ناجي كشخ ف وجها بصوت عالي سكته: تصكر فمك انت
محمد قرب لجابر: هادم رؤس هني
جابر تعصب: توا انتو هكي ف مشكله تافهة تتلاقو واديروها كبيرة وتتناقشو علها
جابر شاف محمد: رؤس ع منو مش عليا
ناجي تعصب: ياجابر علاش تكبر فها واماشي معاه بس
جابر تعصب من الجبن والخوف لراكبهم كلهم
محمد: لقو ع شنو يكسدو توا
ناجي تنهد بعصبيه
سعد شاف جابر: قتلك ماتمشيش معاه
جابر تعصب: مافهمتش غير لحظه انتو خايفين منهم هادم
ناجي: انت ماتعرفش هادم وراهم بلاد عيلتهم كبيره
جابر هزي عليهم سحب كرسي وقعمز ببرود
ناجي شافله وسكت
محمد وشوش لـ سعد: هدا مايروحش لين يكره لعرب فينا
جابر: لو صار شي انا نطلعلهم وانتو قولو انكم لا تعرفوني لا نعرفكم مدام القصة مركبتلكم الخوف هدا
ناجي تنهد شاف لؤي: كله من هلكلب هدا
جابر تعصب: توا هدا كله عشان سيارة حدفتلهم مفاتيحها ف وجهم وقلتلهم يصلحو لخربوه بس وهكي صار فيكم امالا لو صار شي اكثر كيف يصيرف فيكم
احمد: انت ماتعرفهمش عندك الحق
جابر نصدم ف خوفهم
دقايق
وسمعو صوت سيارات درسو قدام الباب دارو صوت
ناجي شاف سعد
سعد ضرب لؤي ع عنفقته: اهم جوك ياعيل
كلهم واقفين ناجي ومحمد واحمد وسعد ولؤي
جابر بس لمقعمز وبرد قلبه قعد يشوفلهم كيف من صوت سيارات قدام الباب كلهم سكتو واضح انهم مش هينين
نطق الباب متع الجنان
جابر مقعمز مبرد قلبه كلهم شافوله لم نطق الباب
جابر شاف لؤي: افتح الباب
لؤي فتح الباب نصدم ف الاربعه نفسهم ومعاهم زوز زياده
جابر حسها زحمة قدام الباب ناض قرب للباب شافلهم يتكلم من راس خشمه: خيرر؟
سعد وشوش لمحمد: هدا اسلوبه.. قاطعه
ايوب شخص تلاتيني: خوي قالي انك ولد عبد الحميد
جابر شافلهم بستخفاف: وباه
ايوب ابتسم: ماتعرفنيش جابر؟
جابر: لا
انيس اجتاز اشخاص وقرب للباب وقف قدام جابر: حتى انا ماتعرفنيش؟
جابر قام حواجبه: انيس ولا؟..
انيس ضحك صافحه وضحكو الزوز: سنينك ياغلاي
جابر يتكلم بدون نفس: انت من هني؟
انيس: اي عيلتي هني انا كنت مسافر الاسبوع لفات جيت
جابر سكت
انيس: جي ولد عمي معاه مفتاح سيارة لؤي قالي شافك يحكي لـ خوه ايوب انه شافك هني
جابر شاف للشخص لعطاه المفتاح: ولد عمك يحمد ربه ان انا ضيف هني
انيس ضحك خبط كثف جابر: حقك علينا ياغلاي
شن يقربلك لؤي؟
جابر: منطقة خوالي هادي
انيس: اياه تعالا نكسبوك ونقيمو قدرك
جابر: قدري مقيوم عندهم
انيس: بنقعمز معاك ياراجل زود نعزمك عندنا
جابر: لم ولد عمك يصلح السيارة تكسبني عندكم
انيس: انا مانعرفش بقصة معاد ولؤي لكن نصلحوها ماتكبرهاش انت
جابر بجدية: لم تصلحها دورني
انيس: تمام براحتك
ايوب سلم ع جابر: حقك وحق خوالك عندنا
جابر سكت
انيس حس جابر مفرحش بشوفته وقاعد متعفلق من معاذ ولد عمه: تمام نستاذنوك مره تانيه نكسبوك عندنا
جابر يتكلم من راس خشمه: ان شاء الله... وصكر الباب ف وجهم
انيس وولاد عمه مشو لسياراتهم
ناجي قربله: توا كان حليت المشكله وخليتهم يعزموك... قاطعه
جابر: السيارة الاول
محمد واحمد طلعو روحو
جابر شاف لؤي: خليك ز ليوم ماتسكتش ع حقك كبر راسك
لؤي ابتسم
سعد سكت
جابر خبط كثف لؤي: عجبتني يالؤي حتى لو انت غالط خليك هكي ماتتنازل لحد
جابر شاف سعد: وانت اقعد لعلع
سعد: تشجع فيه ع الغلط را
جابر: تعرفه الغلط انت؟
ناجي: العشي اذن انا نفختولي راسي ماشي لجامع... طلع
جابر قرب لسعد: خليك مع خوك ع الصح والغلط
مطيعه طلعت: ناجي بيطربق من المشاكل ياجابر ماعندناش ف لمشاكل حني
جابر: صدقيني مالمست فيهم واحد لم مشيت مع لؤي عشان متضايقيش مني ز المره الاولى لم ضربت فرج قدام الباب
مافيش مشاكل الولاد نعرفهم السيارة حاتتصلح وبس
مطيعه: هادم مشاكلهم كل يوم رد بالك منهم
جابر ضحك بهزوه: حاضر
.
.