عودة_للأنتقام

49

#عودة_للأنتقام 49
(غسـق) Misho mohammed
•
•
•
•
•
•
•
•
•
•
•
•
ايمن: ماتعيطش ولا تعلي صوتك حني مش جايين ع سواد عيونه بس القصة فها حبس ليكم التلاته
مراد: فرج مش مدني عادي عندكم القصة فها شرطى افهم وانهي القصة انت قبل ماتبدا
ايمن يحكي بسلاسه عشان يزيد يوضحله: شوف القصة فها انتهاك للقانون
ديجور ضيق عيونه: وينه قانونكم لم ماشي لعيلتي ولا لم يقتلي حد غادي (عيط عليهم) لم يموت حد منهم حاينفعني قانونكم
لا ولا تحلم لا انت لا غيرك توصلوله لعند ماننهي انا حسابي
مراد: تم براحتك
ايمن تنهد بقلة صبر: وحني معاك وطبعا فرج تحت المراقبه والامن عندهم علم بخشته للمنطقة خوالك بأذن الله مايصير شي
ديجور ناض خش المطبخ
مراد شاف ايمن بهدوء: انت كيف تحسيب مرتك... قاطعه
ايمن تعصب: خلااص عاد مش قصة هياا ليشوف وجهي يقولي انت عريس تم العرس خلاص
شن جو الاجانب هدا
مراد ناض: انا عند تحقيق هي ماشي
ديجور من المطبخ: ندير ف قهوة
مراد من الصالة : ماشي ماشي.. طلع
ديجور دقايق طلع بطاستين ف يده حط وحده قدام ايمن: من يعرف بقصة ولدك (سكت) قصدي.. قاطعه
ايمن: عيلتي وعيلتها وانت بس
ديجور: شاهين؟ والبنت؟(يقصد زينه)
ايمن: ماحد يعرف شي ز البرانيه مفكرين الولد ولدي والمراة مرتي
ديجور: انت لازم توضح لمرتك
ايمن طلع دخان ورشف من القهوة وشافله: يصير خير
ديجور رشف من قهوته: ياودي ربي يهدي بالك
ايمن سكت واستمر يدخن
.
.

جابر واسعد وناجي ف المربوعه خشت مطيعه
مطيعه: بارك الله فيك ياجابر هدا انا لناديتك وطلبت منك طلب اول مره نوقف قدام ولد اختي ونطلب طلب وبارك الله فيك لرديتني ودرت لفي خاطرك
جابر: مش انا لنسكت ع شخص داعس ع طرف خوالي اطلبي وادللي انا قتلك لكن ماتطلبيش مني طلب وتذكري اسماء اشخاص انتي ماتعرفيهمش
مطيعه: الولد تكسرله راسه قدام باب حوشنا شن يقولو الناس علينا؟
جابر: مكانتكم ف المنطقه حاتزداد ولم مايعرفكمش قبل حايعرفكم لم يسمع القصة الناس الهازيه ع بابكم حاتعرف ان ف من وراكم وتوصل لتكسير جماجم
مطيعه: حني مش هكي نبو
اسعد: يام خلاص لصار صار
مطيعه تعصبة: باهي وكان تنحبس توا والولد يصيرله شي انا وين ندرق وجهي ترا قولي
جابر ناض تعصب شاف ناجي: نستأذن انا ماشي لحوش عمتي... قطعاته
مطيعه تعصبت: هارب مني ومن نقيقي؟
جابر وقف تعصب قربلها بعصبيه وقف قدامها: انا مانقعدش ف حوش حد مش راضي بـ افعالي وزياده ف صف شخص ز هدا
ناجي وقف: ياسر يامطيعه
مطيعه: انا نلزك ياجابر؟ انا نبي مصلحتك خايفه عليك وخايفه ع يوسف
جابر: لو كان قدامي حد تاني صدقيني مانبررلك حرف بس لانك مش فاهمه شي بس نعطيك جزء من وساخة الشخص لدافعي عليه
(شاف اسعد تنحنح ورجع شافلها) هدا كان صاحبنا وبينا وخاش حوشنا تمام
ف يوم فجاة نحبس ديجور وكان هو لملقط كل شي عليه ونحبس ديجور
وانا قلبتها الدنيا ومحصلتش اثر ليه نمشي لمكان فيه شهود شاهدين ع ديجور وانا مشيت وهو وجماعته وصلو لخوي ان انا بعته وهربت وسيبته وطلع ديجور وانا لم عرفت وقتها كنت شادهم الشهود بس بما ان طلع رجعت بس بعد شنو بعد مابوي تلوح ف دار عجزه تعب من لسمعه
ويوسف تمرمد وحرقوله صيدليته وباب رزقه
ورجعت مافيش واحد قام عيونه فيا
وصلت لدرجة ان مشيت بناخد بوي من الدار بوي لزني قالي انت ف اي لحظة تبيعني
هدا جزء بسيط من لداره
وزياده ان عنده معارف ف المستشفى لـ كان فيها اسعد يعني بنتكم لتشتغل غادي من ليوم نصيحه معاش تشتغل غادي لاني مش مسؤول لو صارلها شي
وفاطمه ع الباب تسمع
جابر تنحنح: اهو كبرتها بيك وانتي اول شخص تسمعي جابر يفضفض ويبرر ف قصته حتى خوتي مسعونيش نوضح بطريقة هادي وصحيتي ع حسن الضيافة.. وقرب للباب
فاطمه خشت تجري
جابر طلع طلع ف جرته اسعد ولؤي
ناجي: توا لاش النقيق لصارر صااار.. وطلع
فاطمه خشت تجري لـ عائشة: جابر تعارك مع امك
عائشة تغسل ف الخس شافتلها: بلا وهم
فاطمه: غير ضمي فمك ياحمارة وقال لماما ان انتي ف معاك وحدين يعرفو هدا البلي لـ اسمه فرج وقاللها معاش تخدم غادي
عائشة نفضت ايدها من الميه: وانا شن دخلي
فاطمه: قاللها هكي
عائشة سكتت
مطيعه خشت تمسح ف دموعها
عائشة قعدت تشوفلها
مطيعه: طفو الغدي من لعنده نية يتسمم.. وطلعت
عائشة فنصت ف فاطمه: جابر عارك ماما؟
فاطمه: اهاا
عائشة: وانا لنشوف ف نظراته ليها مفكراته يحبها دون الباقي 💔
فاطمه لحقت امها
عائشة لحقت فاطمه
.
.