عودة_للأنتقام

18

#عودة_للأنتقام 18
(غسـق) Misho mohammed
•
•
•
•
•
•
•
•
•

شاهين يشوفلهم: خير فيتكم
يوسف وقف متعصب: بدينا ف الدراما.. وكان بيطلع شده امجد
امجد جي قدامه: من اول من دار دراما مش انت؟
يوسف تعصب كان طالع خبطه بقوة ع كتفه وجبد مرفقه: ماتقربنيش وخر
شاهين وقف بين ادجد ويوسف: حد يفهمني خيركم
مراد بهزوه: برو مش حازشدوكم بس علاش بسرر مافي حد حايجبر حد يقعد غصب
امجد ضرب الطاولة برجله بعصبيه: اقعدو ****.. تلفت بيطلع
شاهين سبقه صكر الباب: استنى خيرهم قولي
امجد تلفت بعصبيه: مخطاطين يسافرو ومعاش بيرجعو لو مش من العم حمدي راهو مشو ماعبرو حد
كلهم سكتو
امجد بعصبيه: ماحد يقدر يغصب حد ع شي جيتي هني عشان نتاكد من كلام العم حمدي بس ره لا جاي عشانك ع عشان منظرك
شاهين بتهديد قرب ليوسف: انت خيرك.. قاطعه
يوسف بعصبيه تراطع للخلف بعد عليهم: بدون لا سؤال ولا شي كلكم حطيتو قصة السفر ف راسي والمشكله ان ديجور هو لمسافر مش انا(شافلهم) ديما اي مشكله تصير ف راسي طول
ديجور تنهد: شن بندير قاعد توا بـ ﷲ شنو الشي الوحيد ليخليني نقعد هني
شاهين: انت لكنت تمنع ف سفرة خوك وتوا انت لماشي
امجد متعصب: يوسف معبيله راسه واضحه
يوسف شافله بهدوء: جاي نفهم زيني زيك بعدين انا مش متع جو نعبي راس حد
امجد عيط عليه: انت لطلعت بقصة المشي الاول
يوسف علا صوته اكثر من امجد: اي ونكون انا عندك شي عندي
قاعد نبررلك نقولك مش انا تحب تصدق صدق مش عاجبك ****
ديجور قعمز: ووووااااككك
رن هاتف مراد
مراد: ها
ايمن: خيرك متصل الف مره
مراد: بعدين نكلمك
ايمن: شن في وينك
مراد: ف الحاويه
شاهين: قوله تعالا
ايمن: جايك
مراد صكر الخط
ديجور تنهد ومقعمز: اسمعو بـ التريس كل واحد يفتح دماغه
انا قعده هني معاش عندي من لاخير
امجد قعمز جنبه: علاش النم من مضايقك.. قاطعه
شاهين: قولي سبب نبي سبب !!
مراد: توا بـ ﷲ عليك ماشي ع خاطر شنو شن عندك اصلا الشي لماشي عشانه
يوسف قعمز
ديجور ناض: خلي يجي ايمن نتفاهمو
.
.

دنيا ساكته
سهى تشوفلها: دنيا
الدكتورة شافت سهى: خلها براحتها
اسماء بخوف:

.
.
دقايق وصل ايمن
ايمن طق فتحله مراد خش شافلهم
ايمن: متجمعين كلكم ف مصيبه معناها
مراد: خش
ديجور تنهد ويفرك ف ايده ويتكلم: قعمز ياايمن
ايمن ضحك قعمز: اخلاقكم عاليه وخلايقكم مقلوبه ليوم انشاءﷲ خير
ديجور: ضمه ايمن
امجد يهز ف رجله: ايمن
ايمن: سكتنا
ديجور: من الاخير ومن غير تبرير وجو انا مخطط نطلع من المنطقه بس مخططش لسفره ولا شي
وصح ز مقايل بوي ماشي ومش راجع لانه ماعندي شي هني نرجعله
ايمن تعصب: وﷲ و الاصنام الخمسه لقدامك خيرهم مش معبيين عينك
امجد شاف ايمن: لا اسكت اسكت خليه يكمل
شاهين تعصب: ديجور حبي جلدك ياكل فيك تبي طريحه قول !!
ديجور تعصب: ضمو افامكم
بنتكلم بهدوء كل واحد فيكم عنده خدمته كل واحد عنده عيلته
انا ماعندي شي هني
امجد: عندك بوك خوك حوشكم شقتك لـ مأجرها
مراد: الكافي متعك
ديجور: بنمشي وعارف روحي مش حاننسجم غادي وخانرجع.. قاطعه
ايمن ضيق عيونه: اسمع انا نقولك شي من الاخير كنت عارف اصلا انك حايجي يوم وتقوله الكلام هدا شوف بوي مش يمشي يخدم ف *** وتقاعد توا وشقته قاعده برا انت تمام واقعد غادي وكان قدرت تقعد تلاته ايام بدوني نكتب الشقة بـ اسمك 😂
مراد: مش وقت تقلة دمك
ديجور يشوف لـ ايمن: تعرف لو تزيد حرف بنفتح الباب وبنخليك برا شن رايك
امجد شاف يوسف: حتى هدا ماشي معاك
يوسف شاف امجد: امجد ارخي روحك
ديجور: اسمعولي هني انا الفجر طالع ومن الاخير وفقش نقولها مافيش واحد يقدر يمنعني ندير شي ف راسي
ايمن فتح تلفونه وقعمز فاتح تيك توك 😂
امجد وقف: مليح أنسو بعض مالا
شاهين شاف امجد كشخ عليه: هي كلمة بنقولها وقف اسمع وامشي
امجد شافله
شاهين وقف شبح ديجور: مافيش يوم عاملتنا ز مانعاملو فيك ديما شاد داخلك وداس الف شي... قاطعه
مراد تنهد: الزح والمصيبه ماعمره حد وقف ضدك ف يوم مافيش طلب طلبته وبات ومدرناشي.. قاطعه
ديجور تعصب: مافيش طلب طلبت ونرفض وانا مافيش حد فيكم فوته وز ماوقفت معاي حانوقف معاك
بس توا لم قلت ماشي بدي جو الجميل هدا جوكم انتم
امجد عيط عليه: تي خوك كان بيسافر خوووك ومنعته حرام علينا وحلال عليك
ديجور لف وقعد يسب
يوسف وقف: انا نمشي وحلو مشاكلكم بروحكم
ديجور قربله: استنى اوقف معاي وفهمهم
يوسف تلفت وبعصبيه: شن بنفهمهم كلهم مش زينا مافيش واحد حايفهم علينا
كل واحد فيهم يروح لـ حوش عيلته يلقى ملابس مغسوله وماكلته جاهزه (تنهد) اقل شي عنظهم حد ف حوشهم يضحكو ويهدرزو معاه
حني ماعندناش ولا شي من هدا
كيف بيفهمو
(شاف امجد وشاهين) طول السنين هادي عايشين بروحنا ره مافيش فرق بين انه يبعد او يقعد
امجد سكت
يوسف شاف شاهين: اقل شي ف حس ف حوشكم ف ارواح ف اصوات
يوسف شاف امجد: انا البكوش لتحكي عليه تبكشت لانه تعودت ع الهدوء لعندي
عمرك قعدت طول يومك ماتتكلمش ولو حرف؟
تبكشت معاش نتكلم النم الا ف خدمتي
ديجور شافلهم: سمعتو الكلام صح؟
بس مستحيل واحد فيكم يكون حس بحرف منه لانه انتم الاربعه مافيش واحد منكم جرب ينعزل وعيلته حيا
يوسف شاف امجد: داير جو دكتور نفسي (اشر ع ديجور) قالك نخنقت
عايشين من قلة المو*ت
شاهين: مع هدا مش متتبرينكم غرابه يوسف الزح مدخلك حوشي مقعمزك بين امي وبوي توا شن فرقت امي تقولك ولدي النم
امجد رجع قرب لصالون حد وساده من فوقه ع الارض وقعمز: انا معاش بنتكلم حرف بنسمع بس
ايمن لابس سماعاته وع تيك توك ومش معدل ع حد 😂
يوسف شاف شاهين: مشهكي قصدي ياراجل امك معتبرها امي ولا في يوم تحشمت منها ولا حسستها انها غريبه ومش 5او 10 سنين تعرفني من لم فرخ وانا بين عيلتك ياراجل
شاهين: خلاص شن قاعد تتكلم بنقصان
ديجور يشوف ليوسف وشاهين ابتسم ف وسط عصبيته: خلاص فهمنا انكم 24 ساعه متبطحين ف حياش بعض
امجد: نديرو سفره مع بعض.
يوسف ضحك: انا لا معاكم مانمشيش خطوة الواحد بيهرب من خلايقكم
شاهين شاف امجد: برسمي معاكم لا
ديجور شاف ايمن متكي ولابس سماعاته ويتفرج ع الهاتف قربله ضربه ع عنفقته: انت بايع الدنيا
ايمن نخلع حول السماعه وشافلهم: تعودت الزح ليل نهار عراك وف الاخير ز الكلاب تتسامحو ياسر النم انا جيت متعشي وجوعتوني
يوسف شافله: شن تحس انت بزبط؟
ايمن: بجوع 😃
امجد وشاهين وديجور ومراد ضحكو
يوسف قربله خبطه ع ظهره: ياسر ثقالة دم
ايمن بعد ويضحك مقعمز: اطلبو حاجة خناكلو ديرو شي جديد ف حياتكم
امجد شافله: ايمن زامط كتاب فن الامبالاة
ايمن: فكنا من كتبك وفلسفتك انت ( شاف ديجور) عشينا حب
ديجور ضحك شافلهم: شن نطلب
شاهين: شاورما وحكة بيبسي
مراد: برجر وحكة بيبسي
امجد ضحك: بيتزا وحكة بيبسي
يوسف: باقيت
ديجور شاف ايمن: وانت؟
ايمن ضحك: كبسة 😂