عودة_للأنتقام

33

#عودة_للأنتقام 33
(غسـق) Misho mohammed
•
•
•
•
•
•
•
•
•
•
•
•
•
ديجور: ليضايقك نضيق عليه❤
سهى: يزيد نحكي جديات... قاطعها
ديجور: انسي انسي
سهى تعصبت: نحكي جديات ومعاش بنحكي شي نسيت انك مجنون باي.. وصكرت الخط
ديجور جبد الطاولة لضربها وحط علها رجله: توا جي وقت تطييح القدر ع المزبوط

.
.

تاني يوم
ايمن راقد ف الصالة فاق ع صلاة الفجر صله صلاته ورجع لمكانه لرقد فيس تواني ويسع صوت همس
ايمن بشك قرب لغرفة النوم الا ويسمع ريان تحكي بهمس وتبكي
ريان بهمس ع الهاتف: انا تعبانه انا اجهضت اجهضت
ايمن تعوذ من الشطان اكيد تفضفض لـ اختها لف بيرجع
ريان تبكي: صدقني مش راجل ياسعد نحلفلك عشان تصدق مالمسنيش ولا قرب مني وانا اصلا مستحيل نخليه سعد.. قاطعها
ايمن بصدمه رجع للباب
ريان تبكي: سعد افهمني
ايمن دف الباب لعند تقربع الباب فلحيط بصوت قوي قربله جبد الساعه لفيها شفره وصكر الخط
ايمن بضيق ان مقدرتش لداره عشانها: وانا كويسه ياايمن وحتى هاتف ماعنديش وغير استرني... الخ
في الاخير ومع كل شي وسخخ صارلك بدل ماتنوضي تصلي ركعتين ترجي واستغفار لربي ع بنا يسامحك
انا خديتك عشان ماتموتيش وتتقربي لربي وتشكريه انك عندك فرص ونكتبلك عمر جديد
وانتي راجعه لنفس الفاحشه
ريان وقفت بصدمه: ايمن نفهم
ايمن تعصب: وفي نص حوشي وانتي ع ذمتي لا وفوق هدا كله نطلع مش راجل
ايمن حدف ع وجها الساعه: هدا اخرلك يوم تقعديه سامعه
ريان شدت يده بتترجاه وهي ترررجف
ايمن جبد ايمن ووخر: ماتلمسينيش ولا تحاول انتي حتى كلمتك عندي خساره فيك نقولها لانك مش مرتي اصلا ولا يشرفني تكوني مرتي
ريان دموعها شلالات تنزل وترجف: بوي مش متقبلني ايمن
ايمن بهدوء: ريان حرام عليك نفسك تهلكي فيها كايبك اميرة عندي حتى طاسة ماتغسلي فها وبولدك وترقدي ع سرير وتتغطي وانا لراقد ف النو والصقع ف الصاله ولا معبره
ع خاطرك عشان تعيشي عمر جديد وقلت اتوب وتخاف ووووو مافيش فايده كلب يقعد كلب فعلا والنجاسه عمرها ف حياتها ماتتحول لورد
ريان نهارت ع الارض تبكي ودموعها بشكل رهيب
ايمن طلع وسيبها
ريان لحقاته دموعها مطرر: ايمن
ايمن قعمو ف الصاله قعمز متعصب عيط علها وهو يشوف للارض وهو مقعمز: ليوم يومك حرف مانبيش نسمع
(شافلها بعصبيه) تعرفي شن يعني لدرته انا سيبت بنت قلبي ع خاطر نسترك **** سيبت بنت ماتساويش حتى ظفرها من عفتها ونظافتها واحترامها
نكدتي عليا عيشتي خديتيني من النور لظلمات بسبب عملتك
ومع هدا كله مش مقدره ولا شي (يشوفلها هز راسها) انتي حتى بوك ماقدرتيشي لماشي لتونس بظهر مايل
وطلع وسيبها والدنيا فجر قاعده كيف تضوىء

.
.

الساعه 9ونص
ديجور فاق ع المنبه عين مصكره وعين مفتوحه مع ان راقد الفجر صلى ورقد
فاق وهو مشفشف بتيشرت رصاصي واسود توته خدي مفاتيح وركب سيارته عدل وجها ع المرايا وانطلق ودرس قدام شركة نادر لخدمت فها سهى ركبلهم وخش
وسيب الموظفين يشوفوله
وخش ع مكتب نادر
نادر شافله وقف بصدمه: خيرر
ديجور ضيق عيونه وصكر الباب وراه: هو ليشوف خلايق زيكم فحياته مزال يشوف خير؟
ديجور قربله وعدله رقبة سوريته: شوف يامدير وركز ف الحروف لتطلع ف فمي
انا ديجور حمدي (يعدله ف رقبة سوريته) وقلتها مرا لـ ولاد عمك وبنعاودها ليك (بعد عليه شافله بجديه) سهى تعرفها ولا
البنت لـ اسمها سهى لو مزال يانادر نعرف انك لامقها او شايفها او معبرها بس (اشر ع المكتب) حانحولك من مدير لشحات
نادر ابتسم: الباين انت مش سامع البنت لجاي ادفع علها مني انا لحنكون سندها وحاميها ف دنيتها
ديجور عوج فكه بضحكه: التقه هادي ساداتك تسند روحك
نادر عيط عليه: انت زودتها جاي برخص هدا وتدوي ع بنت من عيلتي... قاطعها
ديجور مجرد تغير ملامح وجها وقربله بس نادر سكت: البنت لـ من عيلتكم لو واحد فيكم يجرب او يفكر بس قبل حتى ماينفد لفي راسه يفكر يقربلها صدقني يانادر ومانكونش انا ديجور ندير فيك عار يحكو فيه لا ولد ولدكم رجولة فيت اصلكم نمحيها نخلي الناس معاش تميز بينك وبين مرتك ياصبيه وصلت ولا
نادر يحاول يفهم وساكت
ديجور قام قلم من المقلمه ع الطاولة وعسره وحطه ع الطاولة: لجد جدكم نخليكم حكاية وانا ديجور ودرت العار قبل مش بعيده عليا
ديجور تلفت قرب للباب
نادر: انت شن خدمتك مع بنت عمي؟
ديجور طلع وهو يلوي ف مفاتيحه ع صبعه ولا معبر نظرات حد