عودة_للأنتقام

57

#عودة_للأنتقام 57
(غسـق) Misho mohammed
•
•
•
•
•
•
•
•
•
•
•
نادر يدافع ع بوه شاف ايمن: اهو بدي ف معاق بينكم
ديجور شاف لصالة مافيها حد غير الشباب ونادر بس ناض وصكر باب الصالة وشافله
ايمن سكت
يوسف: مافيش غيرك معاق عقليا صدقني
شاهين وقفله
مراد طبعا برا لانه يباركوله وكذا
امجد تعصب: جلدك ياكل فيك نادر ؟
ديجور شافله: اانت لو ماحد فكك من بين ايديا ليوم صدقني حاتتمنى انك تشد قيلات بس
مراد برا شاف لباب الصالة تصكر هرب من صغار خواله ليصورو فيه وقرب فتح الباب: جيتك يا****... وصكر الباب 
نادر شافلهم كيف كلهم لفو عليه ساكت يشوفلهم بس
ايمن شافلهم: هدا كله عشان قال عليا معاق؟ بشويا اعصابكم رانا ف عرس
مراد قرب وقف قدام نادر بزبط: تم العرس
ديجور شاف ايمن: ف سيارة ضيقاتك والفرينو مباش يشتغل صح ف الحادث
ايمن استغرب كيف عرف ديجور وهو ماحكي لحد: من قالك؟
امجد بشك: ماتقوليش هو سبب لصار !! 
شاهين شاف ديجور: هو ديجور؟
ديجور: الكاميرات مصوراته بتابث
ايمن شاف نادر: شن بيني وبينك انا ياخامر باش اديرلي هكي
مراد يشوف لنادر: سيارتي نفس سيارتك ف باله انه انا ف السيارة هو مفكر ان سيارتك هيا سيارتي (شاف ايمن) يعني انا كنت الهدف مش انت
ايمن نصدم
شاهين قرب لنادر طق ع راسه: مخك مستوعب شن حايصير فيك؟
يوسف قرب لنادر وكل شخص يهدد فيه بطريقة
ديجور قعمز فتح ايديه حطهم ع مسند الصالون  شافله بستفزاز: لعنده كلمه بيقولهاله يقوله لم تكملو حانرفعه مانظمنلكم  يرجع
ايمن قربله شده من رقبة حوايجه بعصبيه: وانا نشوف ف سيارة مش تابثه وراي تتحرك يمين يسار فكرت ان عندك مشكلة ف سيارتك كنت حاندرس نساعدك يا****
انا كنت حاننزل نساعدك وانت راسم ف بالك دمي يا****
نزلو فيه ضرب الخمسه تنهنه من الضرب وطبعا صوت الاستراحه اغاني مش مسموع شي يعني
وهما يضربو فيه ونادر ع الارض ديجور مالمساش بكل ناض وخش غرفته غير الزبون للابسه لبس سروال جينز اسود وفانيلية رقبة صوف سوداء وسبيدرو اسود قرب للدولابه طلع مسدسة حطه ف سرواله من الخلف وطلعلهم
ديجور طلعلهم: كملتو ولا خلاص حصتي.. طبسله قامه بعنف من حوايجه يكر فيه
نطق باب الصالة
قرب مراد فتح خشو ضباط لـ كانو ف الفاتحه كانو يبو مراد بس وكانو تلاته ضباط اصحاب مراد وايمن بس لم نفتح الباب جت عينهم ع حالة نادر المتأزمه خشو التلاته بصدمه
واحد قعد يشبح ف نادر بصدمه
والتاني يشبحلهم: علاش؟
التالت صكر الباب عليهم
ديجور تعصب شاف مراد: صرف اصحابك
مراد شافلهم: ماحد يدخل
الضابط علي: شن في باه شن داير؟
ايهم: تِ هدا مش من عيلة البنت خوها ولاا؟
التالت لصكر الباب شافلهم جواد: انتو حتى ف الاعراس مش مريحين رواحكم (كشخ) عرس يابشر عرس مايجيش منه هدا
ديجور فنص في جواد: حد طلب رايك
جواد تعصب قربله: الدولة فها قانون مش حشرة الولد عندكم
ديجور تعصب سيب نادر ووخر: انت راجل وضابط وقانون؟
(بتهديد) فيك ذره رجولة جرب طلعه من هني اهو قدامك
يوسف قرب بعصبيه شافلهم: اطلعو منها انتم
ديجور كشخ ع جواد بصوت خشن: مش قانون زود قيمه
مراد قرب لديجور: ديجور
شاهين قرب لنادر لـ ع الارض خبطه برجله: مزال حسابي
ايمن قام قيلاته قرب لصحابه معاه ف الخدمه:ز مقال يوسف اطلعو منها انتم
جواد عيونه علقو ف ديجور ليهدد فيه: انت مستخف بيا ولا شن؟
نقيمك ونقيمه ف زنزانه وحده وريني الراجل فيهم لبيطلعك بعدين
ايمن تعصب ع صاحبه: هيييي ماتسخنش جواااد
مراد تعصب قرب لجواد خبط ع صدره: مركز بوك هو ولا شني اعرف روحك شن تدوي
علي تعصب تنهد: توا حد يفهمني هدا شن داير بس وحني نوقفو معاكم
امجد قرب لـ علي: كانك تخدم ف خدمتك راك عرفت هدا شن يدير هني
ايهم بهدوء: حد يتبرع ويفهمنا
جواد عيونه ف ديجور
ديجور تعصب شافلهم التلاته: بعدو من الباب
ايهم قرب لديجور: ياوخيا الولد طاب وين بنبعدو
جواد عيونه عالقات ف ديجور ويغلي وساكت
يوسف تنهد: هدا طلب منكم تدخلو؟ بعدو من الباب بلا دراما انت وياه
جواد شاف يوسف بعصبيه عيط عليه: ياسر مش مستنين حظرتك تجي تبعدنا تصكر فمك وتسكت الولد مش حايطلع... قاطعه
ديجور شاف جواد كيف يصرخ ع خوه قربله بحركه سريعه شده من ملابسه لصقه ف الباب: انت عارف روحك ف استراحة مني انت هني تصكر فمك حظرت الفاتحه ولا
توا بنرخيك وجهك والباب سامع
علي وايهم يبعدو ف ديجور علي جواد
علي لم قرب من ديجور شاف المسدس لـ وراى ديجور
يوسف قرب وبعد خوه: سيبه خلينا ف نادر توا
ديجور بعد عليه شافلهم قام صبعه بتهديد: معاش نتناقش انا بعدو من الباب
علي شاف ديجور: تحتك سلاح انت وعابي علينا نسيبوك
جواد نصدم ان تحت ديجور مسدس
ايهم شاف دديجور: تحتك سلاح؟
جواد قرب لديجور بعصبيه: تحتك مسدس وكنت بطلع هدا انت شن مخطط
مراد شاف ديجور: لا ديجور هكي كبرت قلنا تاخد حصتك لكن بدون سلاح
يوسف شد كتف خوه: توسخ ايديك ف خامر ز هدا ديجور؟
ايمن قرب لديجور: اكيد مش متوقع مني نخليك تتهور بسبب مشكلة صارتلي بدون سلاح ديجور
امجد قرب لديجور: انت خيرك الواحد يكلمك حرف اطلعله سلاح مش هكي حني قلنا ترفعه اي مش تقتله
ديجور بعد عليهم طلع المسدس قعد شاده اشر ع ايمن: ماحد فيك حاس بنار لشايطه فيا
(اشر ع ايمن) هدا لقدامك انا اسعفته بـ الاسعاف اربعه ساعات ف الطريق
الاسعاف طيران دايرها
ايمن قربله: مش غريبه عليك لكن مانخليكش تنبلا ف واحد ز هدا وفي النهاية اهو تعبك عليا ممشاش ع الفاضي ياضلعي اهو انا قدامك
ديجور ف ايده سلاحه بعد ع ايمن تنهد حط ايده ع راسه بعد شعره للخلف بعدم صبر
جواد شاف مراد: شن دخل اسعاف ايمن بهدا؟
مراد: تِ هدا *** لخلا ايمن يقلب السيارة وهو سبب ان الفرينو مباش يشد ف سيارة ايمن
ديجور قعمز وف ايده سلاحه فاصل وهو عيونه ع نادر لملوح ع الارض بدمه
جواد شاف ديجور: عنده الحق يقتله بتريس
مراد شاف يوسف: هدا نسخه من خوك را يعني كنا ف ديجور بدينا ف زوز
ايمن ضحك: ديجورنا غير
جواد قرب لـ ايمن: حقك اهو بيستجرم ع خاطرك وين تحصل زيه
ديجور وقف رجع سلاحه ف سرواله وقرب قام نادر
جواد قرب لديجور: اسمعني اسمعني اول
ديجور شافله: مش دايرله شي بعد
جراد جبد منه المسدس وبعد عليه بحركه سريعه: هدا يقعد مع هني هي تقدر تاخده الكلب هدا
ديجور قام نادر من ملابسه وطلع بيه وكان الجنان فاضي الدنيا فضت كل شخص خدي كيسة من الضيافة من الفاتحه وروح
ديجور طلع لوح نادر ف صندوق السيارة وطلع بيه
يوسف قرب لجواد خدي سلاح خوه: مره تاني تفكر ف كلامك قبل ماتقوله
مراد خش بينهم: نحلت خلاااص
.
.
ديجور رفع لشارعهم وشاف حوش حسين الضخم باب الجنان مفتوح وعندهم سيارات واضح اقاربهم يباوركو وكذا دخل سيارته ف الجنان ونزل لم نزل كلهم عيونهم فيه لانه يعرفو ان اعداء هو العيلة هادي
ديجور متجاهل نظرة الاشخاص لفي الجنان ركب بخطوات تابته خش للمربوعه لكانت مرصوصه اشخاص كبار وبينهم نسيب حسين وحسين مقعمز
ديجور خش عطول جت عينه ف عينه حسين قام صبعه بتهديد: اسمع وافتح وذانك واهو اقاربك يشهدو ولدك نادر جاته المره هادي خفيفه لكن بدون مانحلف صدقني لو مره تانيه يلعب معاي او مع شخص يهمني صدقني حانحرمك منه
حسين خاف ع ولده: شن في؟
ديجور بعصبيه: اهو انا جبته لعندك عشان ماتقولش استفردو بيه ولوحوه قدام الباب وهربو... وطلع
لفي المربوعه كلهم وقفو يفهمو شن في طلعو وراه
ديجور قرب لسيارته فتح الصندوق نزل نادر وحدفه ف الجنان
ديجور ضرب برجله قدامهم: كناستكم (شاف للاشخاص ليشوفوله) وصلو لقريبكم بعد ماينوض منها ان جاته خفيفه.. وركب سيارته وطلع
حسين يسمع ف الناس برا يقولو اسعفوه. كلمو الشرطى. هدا مني يكون. شن في. شن داير. هدا مني. شن صاير.
.
.