عودة_للأنتقام

42

#عودة_للأنتقام 42
(غسـق) Misho mohammed
•
•
•
•
•
•
•
•
•
•
•
•
•
اول شي ندافع ع نفسي ان انا بنادمه زيني زيكم واكيد ف يوم مريتو بضيق
بنات فبعض يعني زيني زيكم را عندي اشغال عندي حاجات اولويه وكذا
ومانبيش نقعد نبرر لبيفهم يفهم ولـ مايبيش لا حاينفعني ولا حايضرني
وشكرا للحلوات لسألو عليا ♥🫰
.
.

في الحلقة لفاتت
انتهى كلام بين ايمن وبين زينه
زينه البنت لعزة نفسها وكرامتها قبل كلام الناس لـ بكل قوتها وقفت قدام شخص لـ اول مره تواجه وطلبت منه ان يرفض طلب بوها لـ هو ان يستر بنته
وبرضو
ايمن نهي كلامه معاها بـ انه مستحيل يرفض طلب شخص لجئ ليه وزياده ان يكون جاره واب صاحبه وطلب منها ان لو ماتبيشي هي تقنع بوها يتراجع ع طلب لطلبه

.

ونهينى الحلقة السابقة بـ بيان الحلوين دنيا وامجد ❤
.
.

تم البيان
وكل شخص رجع لحوشه فرحان
معادا ايمن لسيارته درست قدام لبحر ❤
قعد مقعمز ف سيارته وفاتح شباكه بس ❤
ساكت مقالش حرف فاجاه ضحك بهزوه ع نفسه
ايمن: هه لو نحكي قصتي لحد غريب مستحيل يصدق حرف
كمية المصلحه لنمر بها.. قاطع كلامه
سيارة شرطى درسة جنبه ونزلو
قربله الشرطي: سكران حتى انت؟
ايمن شافله: منظري يوحي ان انا شخص مش صاحي؟
الشرطي متعصب: سكران ولا؟
ايمن تافف فتح الدرج طلع بطاقته: انا ضابط مش مواطن مدني ومش سكران برا شوف شغلك
الشرطي شاف البطاقة: اسفين يافندي غير ف ملاحظات ع البحر بس
ايمن هز راسه: بلعكس ربي يعاونك
الشرطي مشي
ايمن ولع سيارته ورجع لحوش العيلة لقي سيارة شاهين ف حوشهم درس سيارته ونزل شاهين من سيارته قربله
ايمن شافله: شن مسهرك؟
شاهين شاف الساعه لـ كانت 3 الفجر: مستنيك
ايمن انشغل: باه من قالك مروح هني مرات نكون ف حوشي عندك رقمي شاهينن تتصل
شاهين سكت ومتلبك من الكلام لبيقوله
ايمن انشغل عليه: شن في ادوي ماتحرقليش اعصابي؟
شاهين متلبك الكلام لجهزه كله ضاع لانه لقدامه شخص غالي وصاحب عمره: انت عارف ان انا مش ديوث صح؟
ايمن تغيرت ملامح وجها للعصبيه: من قال انك ديوث؟
شاهين تعصب: نبي نعرف انا ديوث لم نقعد ساكت بشكل هدا
ايمن سكت تواني يحاول يستوعب: علاش تقولي فها وانت عارف ان انت.. قاطعه
شاهين بعصبيه: انا مش راضي بلكلام لقاله بوي تمام واختي حتى لو انت وافقة مش راضي انك تاخدها ولا انت مجبور اصلا
وزياده نقولك ان هيا برضو تكلمت معاي ووضحتلي ان انت مليكش دخل اصلا
ايمن شاف لشارع الفاضي: شوف اهو انا نوصلهالك بطريقة مبسطه
انت صاحبي صح وانسى قصة اختك اعتبر القصة مصارتش
اعتبر لصار ف اختك نفسه صار لـ اختي وفوق هدا بوي طلبك نفس طلب بوك
توافق؟
شاهين سكت
ايمن: شاهين كلنا نعرفو والكلام بينا حني خوت
اختك مافيش بيني وبيها ولا شي
ولا نعرفها اساسا
وانا شفت لصار وعرفت ان البنت مغلطتش
ومش متحشم ان ناخدها ولا حانتحشم بها
وحتى ولو وخديتها بعرسها زيها ز غيرها وطز
شاهين: انا شايفك الزح وانت قتلي انك مستحيل تتزوج من بعد وفاة ولدك وزياده ان انت مصكر الموضوع.. قاطعه
ايمن ابتسم غصب وفوق من نفسه عشان صاحبه: نصيب ❤
شاهين سكت
ايمن: و ز ماقتلك مش واخد اختك لعند مشارع يفهم لصار وصفحتها تبيض ف نظرهم
ولعند وقتها لو صار نصيب ان شاء الله خير
ولو كملت مع غيري ربي يهنيها
شاهين: كيف حايفهمو القصة؟
ايمن: انت محظرتش ليوم شن صار ومصطفى شن قال قدام الناس
(ابتسم) خليته يحلف ع المصحف قدام الناس ان هو لتصدى للبنت وانا كت طرف تالت مش اكثر
بس لعلمك مذكرناش ان صار هدا وبينا البنت حكينا ان انا شديت بس
شاهين ابتسم براحه: نشوفو اخرتها
ايمن سكت
شاهين يشوفله
ايمن: هو هدا لواقف ع خاطره؟
شاهين: منور بو رفيق
ايمن ابتسم: لبعض
شاهين: هي تصبح.. ومشي
ايمن وقف تواني وخش