عودة_للأنتقام

41

#عودة_للأنتقام 41
(غسـق) Misho mohammed
•
•
•
•
•
•
•
•
•
•
•
•
•
زهرة: خلاص انا لم قلت هكي كنت نقصد مريم واضحه يعني
ايمن: عارفك تقصدها هيا بس الناس ياامي حاتفكر ف بنت قاسم والبنت مش ناقصه ولا حتى عيلتها ناقصهم... رن هاتفه
ايمن شاف المتصل ديجور طلع وسيبهم ورد
ديجور: تعالا للاستراحه نبيك
ايمن: مش وقتك مش فاضي
ديجور: تمام ميا ميا اهو مولع سيارتي وجايك
ايمن تعصب: ديجور ماتنفخليش راسي مش وقتك بكل نفضى من لفي راسي نجيك
ديجور: نستنى فيك.. وصكر الخط
ايمن سب عيلة مليون مره وطلع شاف سيارة شاهين مدرسة جنب حوشهم
ايمن قرب ورن جرس حوشهم عشان يبررلهم لصار
شاهين فتحله
ايمن: اطلع نوضحلك لصاير
شاهين طلع
زينه طفت الضي و قربت لشباك دارها تشوفهم
ايمن خدي نفس: اسمعني تمام للاخير القصة هي ان امي حكت لحكاته ومكانتش تقصد اختك بكلامها
شاهين تعصب: امك قايله ان انت طلقت مرتك بسبب... قاطعه
ايمن خلاص قلبه نتفخ: انا مشعارف هل صح نحكي ع بنت الناس او غلط بس انا طلقت مش عشان حد من اساس انا طلقت لاني ماشفتش يوم راحه لا منها ولا من عيلتها ولا من عيلتي
شاهين ساكت
ايمن نقهر كان ف خاطره يحكي قصته بجد: تمرمدت معاها ولصار ان انا قلت ان انا بنطلقها لاني نبي غيرها لانه عيلتي وعيلتها مش راضيين بطلاق
ايمن مباش يحكي ع الخدلان لصارله من مريم: وعشان نطلق قلت ان انا نبي غيرها ومانقدرش نكمل معاها
شاهين نقص صوته: بس اختي مشت ع المحك بسبب كلام امك ياايمن
ايمن هز راسه بمعنى لا
شاهين سكتت
سكتو
شاهين تعصب: امك تحكي لناس الزح ان ولدها طلق عشان يبي وحده تانيه والناس مفكره ان اختي هي لخربت حوشك وحوش مرتك وزياده مع فضيحه ومع عار
ايمن شاف صاحبه بقهر: نمشي نرجع مرتي هدا المطلوب؟
شاهين: لا النم مانبيش حد ينضر ولا يعيش ف تعاسه بسببنا مش مطلوب منك شي بس انا من بعد كلام امك كيف مزال بنسكت الناس فهمني
ايمن: انا راني بنطربق احرف منك *** ياريتني سافرت ليلتها ولا شفتك لا في شارع ولا ف نم احرف
شاهين: لو سافرت ليلتها شن كان صار ف اختي وقتها
ف وقتها بس هتنزل علينا المصيبه ع اصولها
ايمن كشخ عليه: قعدت ومشيتي مسببه العار
تِ قعدت ولا مشيت نفس المصيبه نفس الشي انا عندك شن تبيني ندير تبيني نمشي نجيبه الحُثاله خطيبها ونرفعه لجامع يتكلم باش اتم القصة
شاهين تنهد وقلب وجها
زينه دموعها ينزلو وتسمعلهم بس
قاسم طلع ع صريخ ايمن: االسلام عليكم
ايمن نفشش: مساء الخير ياعم وعليكم السلام
قاسم خلاص القصة وصلت حدها عنده: انا عارض بنتي عليك ياايمن
شاهين شاف بوه بصدمه
ايمن نقهر للمره التانيه 💔
قاسم ملامحه وصت قهر: البنت لو قعدت هكي حادير ف روحها شي وزياده كلام الناس مش راحم حتى ف الجوامع يحكو بشرف البنت
زينه نهارت ع الارض بدموعها
شاهين لسانه نبلع شاف ايمن وساكت
ايمن لـ كره جنس حواء بسبب وحده تافها سببتله الف مشكله ولعند. توا قاعده مسببتله يعني لو مخشت حياته كانت امه محكتش لحكاته بسببها وكان مقالش لـ امه انا نبي بنت تانيه وبنطلق مرتي غلطة حياته انه حبها وقاعد حتى ف ايابها يدفع ف تمن غبائه 💔
شاب حس روحه بدون قيمه قدام الناس هم الناس معاه انهم يسترو ارواحهم ع حسابه 💔
وممكن جرحه لريان وشتمه لها خداته بنيتها لانه حتى هي غلطت💔
ايمن عقله داره فلاش باك لحياته بلكامل كل مايرتاح يوم ينضر سنه 💔
ايمن حتى صوته تغير: مانقدرش ناخد بنت محكي بشرفها
شاهين نصدم من كلمة صاحبه وسكت ونار فيههه
قاسم: بس بنتي.. قاطعه
ايمن: اول شي حانتصرف ونسكت الناس ومش حانسكتهم بكلام حانجيب الدليل بكبره
وناخدها
شاهين تنهد: يابوي انت شن قاعد... قاطعه
ايمن بقهر: بوك عنده حق اسمي واسمها ف نفس القصة تشوهة سمعتها تحت اسمي
شاهين نقهرر وسكت
ايمن: حانطلبها... تصبحو ع خير.. ومشي رجع لحوشهم
شاهين شاف بوه: علاش تصغر فيا مع الناس وتعرض ف بنتك عليه
قاسم: الشرف والسمعه اطول من العمر ياشاهين
اختك حاتقعد قصة لولد ولدك
وانا مش دايملها عشان نسترها
شاهين ضرب الباب بيطربققق وخش
.
.