عودة_للأنتقام

14

#عودة_للأنتقام 14
(غسـق) Misho mohammed
•
•
•
•
•
•
•
•
•
سهى ف الممر قدام غرفة دنيا
خنقتها عبرتها: لم نقلبت المشاهد وبنحاسب كل شخص ع اعماله علاش كلهم اضايقو؟!
عادي انا نضايق بسبب تصرفاتهم
بس لم نقلبت المشاهد مافي حد راضي 💔..
قعمزت وعلقت عيونه ف باب غرفة دنيا
سهى بصوت مليان عبره: انا مش ظالمه💔
ركب الشخص الاستغلالي لابس سروال بني غامق وتب اسود ساده ولابس البرنوص وع وجها كم خصله من شعره وكدار اسود
ديجور قربلها مبتسم وفيه ضحكه: هدا اسمه كرم الاقارب
سهى شافتله تاففت: ماعندكش خدمه تلهى بيها؟
ديجور ابتسم: انتي يااموره وقفتي خدمتي ولا ناسيه عمايلك
سهى لفت وجها لجهة التانيه خدت نفس ورجعت شافتله: شن جابك؟
ديجور مبتسم ويشوفلها: علاش ديما متعصبه هدي الدنيا فانيه
سهى تشوفله: الدنيا فانيه صح كنت تقدر تقولها لروحك وانت تاجر حشيش
ديجور قام راسه: واااك(رجع شافلها) ماحد حايقدر عليك انتي صدقيني
سهى طلعت منها ابتسامه لـ اول مره وسكتت
ديجور ضحك: حيي عندك سنون وتضحكي
سهى: جاي تبيني نخليك تطلع وتخش صح؟
ديجور ايديه ف جيوبه: شن رايك؟
سهى بجديه: اي ماتنفخليش راسي معناها
ديجور ضحك من جديد: شن اسمك؟
سهى سكتت
ديجور كان واقف وايده ف التب مد رجله ع الكرسي لجنبها: شن اسمك؟
سهى قامت عيونها: امشي
ديجور بجديه: ندوي جديات شن اسمك؟
سهى: سُهى اسمي امشي
ديجور: علاش مقعمزه برا ومسيبه اختك داخل بروحها
سهى سكتت كانت مقعمزه ومتجاهله تشوفله
ديجور: سهى اختك محتاجه حد يتنفس جنبها صدقيني الدكاترة خلوك تكوني مرافقه ليها عشان تحسسيها انك موجوده مش عشان تحرسي باب غرفتها
سهى شافلته: اختي ف غيبوبه مش بوعيها
ديجور اختفت ابتسامته: كان ف شخص قريب مني خاش ف غيبوبة اربعة ايام بس ومات
سهى تجاهلاته
ديجور: الشخص هدا كان قريب مني وطول فترة الغيبوبة كنت نفكر ف الانتقام ومتجاهل ان الشخص هدا متلوح ف المستشفى وعايش
ومازرتاش بكل
سهى شافتله
ديجور: بعد وفاته قالي الدكتور ان لو حاولتو تتكلمو معاها كانت تسمع وممكن ادير ردة فعل
يعني ف فترة الغيبوبة كانت تسمع وكانت ممكن تعيش لو لقت جنبها حد يشجع فيها
سهى: ع من تتكلم
ديجور شافلها: امي كانت 💔
سهى: ربي يرحمها
ديجور تراجع خطوة للخلف: خشي شجعي وتكلمي مع اختك احسن مايجيك الدكتور بعد وفاتها ويعطيك معلومة متأخره... وتراجع وطلع

كان غايته يركب ويسألها ع اسم صاحب المحل 💔
فجاة لقي روحه يحكي ف قصة اول مره يحكيها 💔
في ناس بجد حتى لو مانعرفوهمش نلقو فيهم راحه ولا مبالاه يخلوك اطلع كلام محكيتاش لـ اصحابك 💔.

سهى نزلت لدكتورة لقتها موجوده: السلام عليكم
الدكتورة: صار شي؟
سهى: لا بنسأل بس
الدكتورة: تفضلي
سهى: الشخص لم يكون ف غيبوبة يسمع؟
الدكتورة: اكيد.. بس هو مفكر انه راقد يعني الغيبوبة عبارة عن شخص راقد ومايحسش بـ وجع ولا شي بس يسمع ويحس بـ الحركة لتكون جنبه
سهى طلعت وسيبتها
لحظة ادراك انه صار معاها نفس ديجور
مع ان الشخص كان عايش
بس هما اهتمو بـ الانتقام 💔.