عودة_للأنتقام

46

#عودة_للأنتقام 46
(غسـق) Misho mohammed
•
•
•
•
•
•
•
•
•
•
•
•
هاي 🫣
مرر العرس بسلام وهدوء ز اي عرس ليبي ❤
وكل شخص رجع لحوش وهو متمنيلهم ليلة سعيد وان ربي يهنيهم ❤
ومن نظرات ام بسمه لتشوفه ف عروسة ولدها والدمعه ف عينها وهي تدعي ف خاطرها
واخته امل واخته احلام ليهدو ف امهم بطريقة لطيفه وهما اصلا عيونهم مدمعه فرح ❤
وفي مكان تاني قلب شايط نار وحقد ولـ هي رجاء (لحكيت علها ف البارت الاولى ان هي Ex امجد وع اساس كانت تبيه وهو عطاها الضو الاخضر ان حايتخرج ويخطب بنت خالته رجاء بس هيا مجرد مسافر نخطبت وبدون مقدمات تزوجت وحظرت عرسه بولدها مجد)
وبدت تقارن ف جمالها بجمال دنيا كمية الفراغ العقلي لم تجي انتي تقارني نفسك بغيرك
المهم ماعلينا
مرر العرس لوز اللوز
وخش عريسنا الدكتور ع زغريط العيلة وخطف عروسته وطلعو ودنيا وهو مبتسمين الدنيا مش سايعتهم
ركبو السيارة شد يدها طلع تنهيده طويله مدموجه بضحكه والراحه: واخيراً ❤
دنيا اكتفت بـ ضحكه من تحت الكاب
ومشو لحوشهم القريب من حوش العيلة بمسافة قصيره ❤
وطلعت شهد لـ يوسف
وكان شاهين مدرس جنب يوسف ووراهم ايمن
قربت زينه لكن ايمن يشوفلها بالاخص انها مقرب لسيارة خوها وكانت منقبه ومغطيره عيونها بيدها عشان ماتبانش زينتها ولم قربت لسيارة خوها بان طرف فستانها الاحمر من لوطى طلعت ابتسمه عفوية من ايمن وهرب بعيونه لشارع واستغفر الله واتعوذ من الشيطان
ومروو كلهم لحياشهم
وسهى طلعت قعدت ف سياراتها بعد ما الكل مشي طلعت وراهم ووراها ديجور ❤
ساقت ساقت ساقت ووقفت ف طريق مظلمه فااضيه حتى الغولة مافيها
ديجور استغرب وقف ونزل توقع سيارتها وقفت قرب فتح علها بابها كانت مستوره تماماً بس قايمه كابها وتمسح ف دموعها 💔
ديجور ضحك: علاش الدموع انتي المفروض فرحانه وتسطربي انك رتحتي منها من غير شر
سهى من وسط دموعها شافتله وضحكت
ديجور مبتسم ويتأمل ف جمالها فعلا كلام ميرا لم قتله عروستك حلوة 🥹
كان فخاطره يعطي رايه ويعترف بجمالها بس ماقدرش وقعد ساكت
سهى ضحكت وهي تمسح ف دموعها ع مراية سيارتها: هدا الجانب الحلو صح
ديجور ساكت يشوفلها مش سامع حرف سارح فيها ❤
سهى شافتله: يزيد
ديجور سارحح: عيونه
سهى ابتسمت: ف شن تشوف؟
ديجور فاق ع نفسه شاف لشارع: امك حاتنشغل عليك هي ولعي
سهى: هي امشي اركب
ديجور صكر بابها ومشي وهو ماشي خدي نفس ❤
ركب سيارته ورجعو ووصلها
وهو مامرتش صورتها من باله ❤
وصلها ورجع للاستراحه

.
.

ووصلو عرسانا بكل هدوء لـ حوشهم ❤
خشو حوشهم وهما فرحانين ومبتسمين
لعند امجد صكر باب حوشهم
امجد ضحك جي قدامها: خلي ندير ز المسلسلات السورية ونقيم الطرحه
دنيا ضحكت
امجد قام الكاب وهو مبتسم: ياحليلي نا
دنيا ضحكت
امجد قربها ليه باسها ع جبينها: ياعمري ربي يدوم هلضحكه لمخليتني مرتاح ❤
دنيا: يخليك ليا ❤
امجد مبتسم الابتسامه مفارقتش وجها: هي تفضلي
وخشو ودخلها عطول لدار النوم
امجد حول الجاكيت حطكه ع السرير: غيري انتي انا حانخش نتوضى
دنيا حولت الكاب: تمام
امجد طلع وصكر الباب
دنيا حولت الفيلو بسهوله لانه كان بسيط وساهل و وغيرت ولبسة بيجامه ستان بيضا ناعمه ومشطت شعرها بعد الف توكه حولتها منه وطلعت بـ اطلاله ناعمه وبسيطه وواضح خجلها وتوضت وخففت المكب اب وفتح شناطيها وطلعت بدلة صلاتها وصلو و وقالو دعائهم
ورن هاتف امجد
امجد تلفت يضحك ناض للهاتف: الصُحبه الزفته
دنيا ناضت قامت سجداتها وسجادته وحولت بدلة الصلاة
امجد قفل هاتفه وهو يضحك وتلفتت شافها: مجهزين عشي جاهز ف المطبخ اسبقيني
دنيا طلعت
خشت المطبخ وتذكرت كلام سهى انها متاكل شي يسببلها ريحه ف فمها 😂
دنيا: تنبح زيها ز الكلبة تبيني ندوخ وانا من الصبح مش واكله شي
جهزت كم حاجه وعشاهم جاهز
امجد خش المطبخ شافلها: شني قلبي عجبك الحوش؟
دنيا: اي
امجد: اهم شي غيرتها الجلسة الحمراء لمش عاجبه عديلي
دنيا ضحكت: مشاكل نسيبنا ماتدخلنيش بيها
امجد شافلها بتمعن وساكت
دنيا اختفت ضحكتها توترت من نظراته
امجد هو شاك ان رجاء مش تفوت زواجه ع خير: دنيتي انتي تعرفي شن اكره شي عندي لـ احتمال يأثر ع زواجنا؟
دنيا ساكته خافت بالاخص ان هما ف ليلة زواجهم
امجد بجديه: ان يصير شي وقصة فيها اسمي وادسي عليا
وتاني شي هو ان تبدي تقارني ف حياتك معاي بحياة غيرنا
دنيا توترتت شافتله: انت شفت مني شي غلط؟ شن ليخليك تسمعني كلام هكي فليلة عرسي؟
امجد قرب لطاولة الاكل وعيونه فيها بجدية سحب كرسيه: خطر عليا وقلته وصارحتك
دنيا سكتت وتشوفله
امجد ايده ع كرسيه وفخاطره يسألها لو ام رجاء ورجاء حضرو او سلمو علها بس ماقدرش وهو عيونه علها: ولحايصير بينا مش حايطلع حرف منه برا لا ام لا اخت
دنيا نغصها قلبها جت ف بالها صورة امها وان ممكن تنحط ف نفس دوامة امها 💔
دنيا ضحكت بربكه: تحكي جديات؟
امجد حسها حاترجف لو زاد علها حرف قرب لمس مرافقها: شايفه الناس لتزغرط ولتباركلك ف حوشنا ماعاد امي وخواتي الباقي كلهم نخاف نحطك ف مكان معاهم دقيقة وحده
دنيا شافتله: علاش؟
امجد ينهي ف الموضوع ابتسم: الكلام ممكن يكون كبير ف نظرك بس نقال من عريس مش حايسمح لـ ولا شخص يخش ويسمم وذان واحد فينا
انتي عندي وبين ايديا اي وفرحان بيك لو نقولك قد الدنيا
بس مش جايبك من عيلتك نوهمك ان انا من عيلة الله يبارك الكلام نقال خوفا عليك ♥
دنيا ابتسمت: وترتني امجد
امجد ابتسم: انتي مش محتاجه من ينصحك من واخدك ناقصه بس عطيتك خلفية ع اقاربي
دنيا سكتت برضا
امجد سحبلها كرسيها: تفضلي برنسس
دنيا ضحكت قعمزت
وتعشو وهما يهدرزو ويضحكو ❤
.
.
يوسف درس السيارة نزل ميرا للبزتله سوريته شكلاطه قامها ونزل وفتحت شهد الباب
شهد قريب تبكي: رجليا من الكعب حاستهم انتفخو
يوسف قايم ميرا قرب شد يد شهد: تعالي لا تتكركبي كان مزلتي حطيتيه ف رجلك البلي هدا تعالي علقي وشم ف وجهي
شهد تمسكت بيه وخشو وتضحك
خشو وصكرو بابهم
يوسف ع المدخل: حولي البلي من رجلك الكريق كلها وانتي تنقي منه
شهد ضحكت مدت ايدها: هات نرقدها هات
يوسف قايم ميرا: اشقي بروحك انتي.. وخش وميرا عنده راقده حطها ع سريرها حول كندرتها وحول توكاتها عشان مايضايقوهاش وطلع
يوسف شاف شهد رجلها حمر من اثار الكعب: ضيق ولا شني قصته؟
شهد: مش ضيق هو يضرب رجلي تورمت
يوسف: اهم شي تكوني بكامل اناقتك عيب تحول البلي وترتاحي
شهد ضحكت: خلاااص ندمت لنقيت عليك
يوسف خش دار النوم شاف نفسه ع المرايا ضحك من قلبه لم شاف الشكلاطه ع سوريته
شهد حولت عبايتها وخشت بجمال اطلالتها شافتله يضحك ويشوف ف نفسه ع المرايا: عجباتك البصمه؟ وتضحك الناس تتنرفز
يوسف يشوف ف الشكلاطه: عمري ماتوقعت يجي يوم وتكون سوريتي ببصمات بنوتة صغيرة وايدها شكلاطه
شهد ابتسمت: بس هادم ف السيارة لبزاتك را يعني لم ركبت انا كنت نظيف لم رقدت طماتك
يوسف هو يشوف لنفسه ف المرايا مبتسم: حاجة تافهة بس حلوة ف نظري.. شافلها اختفت ابتسامته
شهد لفت حطت كعبها وهي مش حاسه ان يشوفلها: حطها ع جنب عشان نغسلها قبل ماتنشف الشكلاطه علها وتتأزم... سكتت وهي تتحسس بيده محاوطينها من خصرها سكتت
يوسف بهمس قرب من وذنها: انتي تتكلمي ببرود ومجاش ع بالك تشوفي جمالك ع المرايا
شهد: حلوة طالعه؟
يوسف ضحكت بهمس: تحكي من جدك لا انتي متواضعه بزياده
شهد ضحكت تلفتت: خليني نشوف
يوسف شد يدها قربها لمرايا الدولاب الكبيرة بكبر الدولاب
شهد شافت نفسها شافتله: بلعكس حلوة وبسيطه
يوسف قام حواجبه: خفي علينا
شهد رجعت شافت للمرايا يوسف قرب وراها بخبث يفتح ف ازرار سوريته وهو يشوفلها ع المرايا وهي تشوف ف مكياجها جت عينها عليه يشوفلها بخبث وقربلها ايده ع سحاب فستانها قرب من رقبته يشوفلها ع المرايا بصوت واطي: ف كل اوضاعك حلوة مش مستغرب اصلا ❤... وهو ينزل ف السحاب
ميرا خشت
يوسف بعد بحركه سريعه
شهد ارتبكت ان بنتها بدت فاصل بينهم شافتله تشوف ردة فعله لو ضايقه دخولها بس كان بدون ردة فعل وجها عادي
ميرا بنق مسكت فستانها: ماما نحي
شهد قامتها ومشت بيها لغرفتها وضايقها الموقف ان ممكن حاتأثر بنتها ع زواجها خوفاً من ردة فعل يوسف لمش معروفه
حطتها ع سريرها
شهد حولتلها شخشيرها فجآة خش يوسف لابس كت وسرول توتة اسود
يوسف خش ف ايده طاسة اميه صغيرة: اسف ميرتي رقدتي عطشانه
ميرا شربت
يوسف شاف شهد: لبسيها كم طويل صقعت بكري ولانه ف نص الليلة تتعرى.. وخدي الطاسة من ميرا
يوسف خدي الطاسة: صحتين.. وطلع
شهد جتها قشعريره وخفق ف قلبها ان في شخص بجماله؟ ❤
لو كانت بنته لحمه ودمه كيف حايعاملها
لبستها وميرا تحكي لـ امها شن دارت مع يوسف وان شافت العريس وكذا
شهد مخها ف معاملة يوسف وحنيته❤
لبستها وكملت
شهد غطتها: هي غمضي عيونك مامي تصبحي ع خير
ميرا تسطحت وغطتها امها واستعدت لنوم
شهد خنقتها عبرتها ان شافت معاملة حن اب لبنته بدون مقابل خشت دار النوم لقاته متكي ع السرير شاد هاتفه شافله ورجع لهاتفه
شهد شافتله تواني وقربت لدولاب طلعت روب نومها وشافتله: تحبها؟
يوسف شافلها وحس الكلمة طلعت من قلبها ابتسم: يكفي انها جزء من روحي
شهد شافتله بستغراب: روحك؟
يوسف: انها منك
شهد سكتت وهي ف بالها الف استفسار
يوسف ع هاتفه: حتى ولو كانت مش مني الشي هدا مش حايغير انها روح عندي وامانه من ام سلمت بنتها ليد شخص غريب والشي هدا كبير ف عيوني انك مأمنه علها معاي
شهد تشوفله
يوسف يشوف للهاتف: نكسر عظم من عظامي ولا نكسر خاطرك ولا خاطرها.. وشافلها
يوسف بجدية: عطيتني روح فيقت وجهي ان انا عندي ابتسامه سنين مش مستعملها ❤
عطت لقلبي لهفه لمروحي من شغلي ❤
ضحكت بنتك كفيله تغير مزاجي ❤
شهد مبتسمه وعيونه دموع ❤
يوسف ضحك بهدوء حط الهاتف وناضلها قربلها جبدها لصدره حضنها
شهد حضناته واول مره من زواجهم تعترفله: نحبك ❤
يوسف حاضنها ومبتسم براحه