عودة_للأنتقام

39

#عودة_للأنتقام 39
(غسـق) Misho mohammed
•
•
•
•
•
•
•
•
•
•
•
•
ديجور: معاش تنزل روحك لحد
والشخص لـ تلقاه من بدايتها متجاهل ضيقتك ومش متعب روحه ولو شوية عشان يفرحك كمل بدونه وبلا نفخ زياد
لو تحبك حاتعرف كيف تقنع بوها
انت والعه النار ف فيك وهي مقعمزه تدفا ع عظامك بما انها تمتل انها ماتعرفكش انت حققلها لقاعده ادير فيه وخلها غريبه
مراد حك جبينه بتوتر: صكر الموضوع
ديجور: براحتك نصكره
مراد تعصب: انا كلامي ز كلامك بس برضو مانبيش بوها يتناذل معاها ف جرايري انا
نبها تتكلم وف نفس الوقت عارف بوها قليل فهم
ديجور: شوف ننهيلك الموضوع انا
لم البنادم يبي يفرح شخص غالي عليه مايشوفش للاضرار نهائي يبدا اعمى همه الوحيد... قاطعه
مراد وقف متعصب: توا خلاص اصلا معاش ف حل تاني يا تتشجع وتتكلم يا هيا ف طريق وانا ف طريق
ديجور وقف: فكنا منها توا.. وين ماشي؟
مراد: تِ بنخش ناخد غفوه ساهر لصبح ف الخدمه
ولو بنروح بنحصل ف نقيق امي متع معاش في الا هيا خلاص
ديجور: باه نتغدو بعدين ارقد بيجي امجد ليوم معنداش خدمه
مراد: اطلبو انتم انا بنخش نرقد.. وخش
ديجور تعصب من عيلة حسام لمضايقين صاحبه: عيلة كامله من كبيرها لصغيرها... قاطعه
امجد خش وف ايده كياس: صباحوو
ديجور شافله وضحك: صباحو صار ها خلي يعرف ايمن بلخطبه تو يوريك صباحك ع المزبوط
امجد وقف بخوف: قتله؟
ديجور ضحك: الخووف خش خش مقتلاش
امجد قاعد واقف: وكان يطلع داخل
ديجور زاد ضحك: تِ مش داخل خش مراد بس
امجد صكر الباب: خلي يفوت الجمعة ع خير وهنيني واسكت
ديجور: خش خش تو تلقاه جايب شاهين وجاي
امجد خش صافحه: شجو
ديجور صافحه: مليح عريسنا
خشو داخل وصكرو الباب
مراد يشغل ف المكيف شاف امجد: اهلا بـ النواره
امجد: محققنا وين مغطس
مراد ولع المكيف ولوح الريموت ع الصالون: بنخش نرقد بنسمع صوت بنضايقو بعض ها قتلكم من توا
امجد حط الكياس ع الطاولة: الناس بتنوض توا مش بترقد
مراد: تِ تاعب بناخد غفوه بس وتلوح ع الصالون وحط وساده ع وجها
ديجور: فوته فوته قال ساهر لصبح يخدم الراجل فوته
امجد قعمز: كنت ف الصيدلية مع يوسف قتله جاي هني قال لو فضي يمر
ديجور قعمز: مليح
رن هاتف مراد
مراد راقد رد بدون نفس: هاا
.
امتى؟
.
(حول الوساده من وجها وقعمز شاف صحابه) امتى صار هدا كله؟
.
(يتكلم بسرعه) جاي جاي جاي.. وصكر الخط
ديجور: شن في
مراد: من مصطفى كامل؟
امجد وديجور شافو بعض
ديجور: من هدا؟
امجد: شن دخلنا بيه نحسابه ابصر شن صاير
مراد: كلموني ماشيله للمستشفى هدا
ايمن فارم عظامه حتى من سنونه مكسرات
ديجور: اي وايمن وين؟
امجد: مستحيل ايمن يضربه بشكل هدا بدون سبب
ديجور: نمشي معاك؟
مراد تنهد: مدام اتصلو بيا معناها القصة كبيره.. وطلع
ديجور خدي مفاتيح: امجد بنمشي انا
امجد ناض معاهم: حتى انا
وطلعو التلاته ومشي كل واحد بسيارته

.
.

مراد خش للمستشفى وحقق معاه وكل شي تمام
وديجور وامجد واقفين يسمعو بس
بعد ماكمل مصطفى كلامه لنصه كدب
كمال وصل لفقرة وقال: مابينا شي القصة كلها ان حاط عينه ع خطيبتي ومشيت بنتفاهم معاه بس
ديجور شاف لمجد بصوت واطي: وهمي
امجد متعصب بصوت واطي: واضحه
مراد شافله: ايمن حاط عينه ع خطيبتك قتلي؟ اي اي كمل
مصطفى: اي وجاب خوها وقاله ان انا كنت جاي للبنت ف حوشها
مراد يكتب: اسم البنت واسم خوها؟
مصطفى: زينه قاسم**** وخوها شاهين قاسم ****
مراد تعصب قام فيه عيونه بنظره حاده
ديجور قرب لمصطفى: شن اسم خوها؟ عاودلي؟
امجد صكر باب الغرفة
مراد صكر المذكره وحدفها ع الارض مع البيرو وشده من رقبة ملابسه قامه ونفضه ع السرير: انت عارف الكارثه لقاعد تألف فها
امجد مصكر الباب عشان ماحد يخش لو صار فها الرك: ياغالي انت عندك علم ان ف مشرحه لوطى؟
مصطفى مفزوع: انا قلت شي غلط؟
ديجور شد يد مصطفى حول السيروم: انت في ضيافتنا
مراد سيبه وباعد: انت جاي معانا
امجد حس بحد فتح الباب فتح وشاف الممرض: نعم
الممرض: موعد الدواء
ديجور: اهو حنعالجه انا
امجد مزين الباب عشان الممرض مايشوفش: الشرطي يحب يبصر بسلامته برا دير دوره انت بعدين الدواء مش حايموت ليوم ماتخافش
الممرض مستغرب: مسؤوليتي هادي
ديجور تعصب قرب للباب شافله: برا اقلب وجهك خير مانطلع نوكلهولك
الممرض استغرب ومشي
امجد صكر الباب: حايمشي يبلغ فينا الممرض فيسع طلعوه
ديجور قربله خبطه من رقبته ونوضه: نوض مافيك شي نوض
مصطفى وقف مش فاهم شي: انتم شرطى؟
مراد شاف امجد: تملح المستشفى كلها مش الدكتور بس عندي الصلحيه نطلعه معاي
امجد شاف مصطفى: متخافش استاذ
ديجور متعضب: متخافش بكل الموضوع مش مستاهل ساعه ونحلوها
مصطفى اطمن من كلامهم وطلع معاهم طلعو ومناضرهم ماتبشرش بلخير ز العصابه
قرب الدكتور متع مصطفى: وين وين؟
مراد طلع بطاقته: خليك ف خدمتك
الدكتور تعصب: الراجل تاعب
ديجور خبط كثف مصطفى: مادورش حانرجعهولكم
وحايرجع مش حايقولك تاعب بكل.. شده من مرفقه وطلع وسيب امجد ومراد مع الدكتور
الدكتور يشوف ف ديجور مطلعه: هدا شرطي معاكم؟
مراد تأفف بعصبيه: خليك ف خدمتك هادي تاني مره نعاودها
الدكتور تعصب: قلنالكم الراجل تاعب باش تفهم
مراد صرخ عليه بصوت عالي خله لجنبهم كلهم يشوفولهم: الها ف خدمتك
امجد شد مرفق مراد: فوته هيا
مراد نفض ايده من امجد وطلع ورجع تلفت لدكتور وطلع
ديجور ركبه ف السيارة وولع
مراد قرب لـ ديجور: هادي مش خدمتك انت
ديجور بهزوه: اكيد مش متأمل مني نخليك تشتغل عليه قبلي
مراد تنهد متعصب: ****
امجد تعصب: ارفعه للاستراحه
مراد شاف مصطفى: ياويلك.. قاطعه
امجد جبده بصوت واطي: ماتحسساش
ديجور ولع ومشي
مراد ركب سيارة ولحقه وبرضو امجد
امجد يسوق اتصل بـ شاهين بس مايردش